“Te Tari Chad H Webb,” Riaona, Meei 2024.
Tari Chad H Webb
Te Moan ni Kauntira n te Beretitentii ni Kabuta n te Reirei n Tabati
Ngke te kairake n ataeinimwaane, e reirei Chad Webb n te College of Eastern Utah (ngkai ai te Utah State University Eastern) ngke e karekea te taneiai n tamnei are e kamatoaa aan ana kakoaua n te euangkerio. Te taneiai aio e riki man te nano ni kan kakorakoraa ana onimaki.
Ibuakon nako karaoakin ana bwai n reirei ao takakarona n ana tiim ana kuura n reirei n te bwatiketibooro, te Tari Webb e karika kamatebwaian koroboki aika tabu, te tataro, ao iangoan raoi te mwioko n kakatauraoi ibukin bekuna bwa te mitinare ae bwanin ana tai i Veracruz, Mexico.
N te tairiki teuana ae rangi ni kamwaitoro ao e a nako n rianna i Price, Utah, ao e a iangoi bwaai ni kabane ake e reiakinii. E roko te kairi mai Karawa ngke e a rinnako n nnen kaa n tei ae akea kaina.
“I namakinnna bwa ni kabanea a roko kaekaan au tataro ao au titiraki, ao I namakinna i nanou koauan te euangkerio ao te Ekaretia” e taku. “Koaua aika a roko ma te mataata ae korakora n au iango, ao n raonaki ma te namakin bwa e tabeakinai Tamau are i Karawa. I namakina Ana tangira ao Ana kairiiri. Anne teuana mai ibuakon taian moan taneiai ake a korakora nanoia are I karekea kakorakoraan au kakoaua iai.”
E bungiaki Chad H Webb i Rexburg, Idaho, USA, n Ritembwa 18, 1964, nakoia George Webb ma Paige Webb. E ikawairake i maiakimainikun Idaho ao e iein ma Kristi Ann Bronson n te Logan Utah Tembora n Aokati 4, 1990. A maeka i Layto Utah, USA, ao onoman natiia.
E reke ana beebwa Tari Webb man te Brigham Young University ae te bachelor’s degree n te Spanish ao ana master’s degree n te educational leadership ao foundations. E anga te tieminari kiraati n te Salt Lake City ao te intitute kiraati i Virginia ao Utah, e barongai ana buroukuraem te intitute i Washington, D.C., ao n tararuaa te kataneiai ao rineakiia taan anga reirei n te tieminari. Man 2008, e beku bwa te mataniwi n te Tieminari ao Intitute n te Aro.
E kamotirawaaki Tari Webb man nakoana ae te Beretitenti n te Titeiki i Layton utah Vally Titeiki teutana te tai i mwain manga weteana aio. E a tia ni beku ngkoa bwa te bitiobi, te ibonga ae rietaata, ao te beretitenti n kooram n unimwaane.