Unimwaane Sergio R. Vargas

Mataniwi ni Kabuta n te Itingaun

Ngke e tangira Unimwaane Sergio R. Vargas ma Andrea Sanchez, e taku n ana iango bwa iai ana aanga ae bebete ibukin katokan kakaokoroaia ibukin aia aaro: e na riai ni karaoaki teuana te mare n ana aro ibukiia ana utu ao te mare are teuana ibukiia ana utu neienne.

N te tai ae waekoa ao e ataia, bwa, karaoan anne e taraa n aki beebete. Andrea bon kaain Ana Ekaretia Iesu Kristo ibukiia Aika Itiaki ni Boong aika Kaitira, ao e tangira te mare n te tembora. Ngaia are e a kaoia bwa e aonga n reiakina riki taekan ana aro mairouia mitinare.

E butimwaea te kakao Unimwaane Vargas, are e bitaki iai maiuna.

E uringnga ngke e mwakuri n te kambwana n salmon n te tai anne, e ibuobuoki n urakinii iika aika a maiu mai taari. I nanon te mwananga ae 25 te aoa, e kunea te tabo ae onoti bwa e na wareware n ana Boki Moomon ao e butiia Tamara are i Karawa ibukin taekan te euangkerio. Bon te tai ae kakawaki ma ni uaana are e a karekea te bitaki n te maiu n tamnei.

E bungiaki Unimwaane Vargas n Nobembwa 2, 1976, i Puerto Varas, Chile, n te tabo are e ikawairake iai ma tarina ao mwaanena aika uoman. Tinana, ae Gladys Barria, e kawakina man tararua te mweenga ngke tamana, ae Renato Vargas, e tararua te rau ngke e riki bwa te bureitiman. N aki tabe ma aron kakaitiboona ma taian mitinare ngke te ataeinimwaane ngaia, e bon bane riki nanona n te takakaro ae te bwatiketibooro nakon ae na reiakina riki taekan te euangkerio.

Ma tiaki ni karokoa are e a kaitibo iai Unimwaane Vargas ma Titita Vargas are e a tauraoi ni kan ongora mairouia mitinare ma ana iango ao nanona ni koaua, e taku. A mareaki n Turai 26, 2003, ao a kabaeaki i mwiina n te Santiago Chile Tembora. Te taanga aei iai uoman natiia.

Ngke e weteaki bwa te Mataniwi ni Kabuta n te Itingaun, e beku bwa te Itingaun n te Aono i Amerika Maiaki n te Aono i Maiaki. Nakoana ake mai imwaaina n ikotaki ma te kauntira ae rietaata, beretitenti n te mwaanga, ao te beretitenti n te titeiki.

E reke ana beebwa ae bubura ae te degree Unimwaane Vargas ibukin kabwain marawa mai Los Lagos Iuniwetiri n 1999 ao n reke ana diploma mai Austral Iuniwetiri n 2002. N te tai ae tibwa nako, e mwakuri bwa te manatia ibukin karaobwai ao kamwakuri ibukin Ventisqueros, te membwa n te German Schörghuber Corporate Group.