Unimwaane David L. Buckner

E bungiaki Unimwaane David L. Buckner n Tebetembwa 27, 1963, i Ogden, Utah, USA, ma e “ikawairake” ngke e maeka i nanon teniua te ririrki i Sacramento, California, USA.

Aia bina Melba ao E. LaMar Buckner ibuakoia natiia aika niman, 11 ana-ririki David ngke a mwaing mai California ma ana utu ngke e weteaki tamana bwa e na tararuaa ana mition te Ekaretia i Sacramento. Raroana mairouia raoraona ake i Utah, e a reireinna aron karekeaia raoraona aika boou ao ni karekea “300 tarina ma mwanena aika ikawai” ibuakoia mitinare ake a bwanin aia tai.

Ae moan te kakawaki, e a rikirake waakan ana kakoaua n ana euangkerio Iesu Kristo. “Te taneiai n te mwakuri n mitinare aio e bitii bwaai ni kabane ibukiu” e taku.

I mwiina riki ao e beku n te Ecuador Guayaquil Mition. Tibwa teniua te namwakaina i nanon ana beku n te mition, ngke e beku bwa te beretitenti n te mwaanga n te kaawa ae Jipijapa, ao e tang n nanokawaki ma membwa n te mwaanga ao tabeman riki n buan maiun te ataenimwaane ae 11 ana ririki bwa e bwabwa n teuana ana waaki ni kakukurei te Ekaretia.

Ngke E tang nakon Tamana are i Karawa i nanon wiiki ma namwakaina ake i mwiina, e karekea te kakoaua ae e aki kona ni manga kamwaingaki n te babaire ni kamaiu. E karekea naba ana kakoaua n ana nanoanga te Uea ngke a butimwaea te euangkerio tabemanman te komiunite. Ni ikotaki ao a karekea kaotaakia n tabun te maiu ao korakoran ana akoi te Uea.

Imwiin ana mition, Unimwaane Buckner e reirei n Brigham Young University, ike ea kaitiboo iai ma Jennifer Romney Jackson. A mareaki n Aokati 30, 1990, n te Salt Lake Tembora. E ikawairake Titita Buckner i New York, USA ike a manga mwaing nako iai i mwiin mareia. A kaikawaia natiia aika niman i Manhattan, ike Unimwaane Buckner e tei ibukin te Ekaretia n te Commission of Religious Leaders.

E reke ana beebwa ae bubura Unimwaane Buckner ae te bachelor of science ibukin birin te mwane mai BYU n 1988 ao ana master of business administration degree man te Durham University n 1991. E karekea naba ana master of international relations mai BYU n 1995 ao te juris doctorate mai BYU n 1996. E tia n riki bwa te burobetia n te kuura n reirei ae rietata ao, man 1999, e beretitenti n te Bottom Line Training and Consulting Inc. E a tia Unimwaane Buckner ni beku bwa te Itingaun n te Aono, beretitenti n te titeiki, te ibonga ae rietaata, ao te bitiobi.