“Unimwaane Aroldo B. Cavalcante,” Riaona, Meei 2024.
Unimwane Aroldo Cavalcante
Mataniwi ni Kabuta n te Itingaun
Man ana kakao ai tarina, 18 ana-ririki Aroldo B. Cavalcante ngke e kaea te maungatabu n te aono n 1988 are e kaainaki iroun Beretitenti Gordon B. Hinckley (1910–2008), ao n beku bwa te Moan Kauntira n te Moan Beretitentii.
“I namakina te namakin ae korakora,” e taku. “I kona n noora te oota iroun Beretitenti Hinckley.”
E ngae ngke e roroko n te taromauri inanon teniua te ririki i mwiina, ma e bon tuai bwabetitoaki. Te bong teuana ao a karebwerebwe mitinare n ana mataroa. A uota aia boki ibukin te aono, ao a wareka te bwai ake a koreia mitinare ake mai mwaina ibukina. Te bwai are e kubanako iai bon te kabanea n kibuntaeka: “E rawa ni kabaeaki nakon Iesu Kristo.”
E taekinna Unimwaane Cavalcante, “Ngai irou I nang bae nakon Iesu Kristo, ao te kibuntaeka arei e nang korakora nanona irou.”
Iangoana bwa anne ana iango te Tia Kamaiu ibukina, ao e titiraki, “Tera ae I kona ni karaoia n bita aio, Mitinare?”
A moana reiakinana Mitinare, ao te teinimwaane ae 21-ana-ririki ea bwabetitoaki ti 10 te bong imwiin te tai anne. E a tia n nanomwaaka Unimwaane Cavalcante nakon ana euangkerio te Tia Kamaiu man te tai anne.
“Te mwakuri aio tiaki taekara. “Bon taekan te Tia Kamaiu. Ao I kataia n karaoa au kabanea n tamaroa Ibukina, tiaki ibukiu.” e taku Unimwaane Cavalcante.
Aroldo Barreto Cavalcante Filho e bungiaki n Nobembwa 22, 1970, i Fortaleza, Ceará, Brazil. E kabaeaki nakon Christiana Ramalho Bezerra Leite n te Recife Brazil Tembora n Tianuare 21, 2004. Boni kaaro ae aman natiia.
Unimwaane Cavalcane e karekea ana postgraduate degree n te administrative law man te Federal University i Ceará n 1997. E a tia n mwakuri bwa te rooia ibukin Procuradoria Geral do Município man 1997 nakon 2005 ao n riki bwa temanna te tia bwaibwai n te Barreto Cavalcante Advogados man 1999.
Imwain weteana bwa te Mataniwi ni Kabuta ae te Itingaun, Unimwaane Cavalcante e beku bwa te beretitenti n te mition i Brazil. E a tia naba ni beku bwa te Itingaun n te Aono, beretitenti n te titeiki, bitiobi, ao te kauntira n te bitiobiriki.