Unimwaane Karl D. Hirst

Unimwaane Karl D. Hirst e taraia bwa ngaia bon te “aomata ae mangori n te nakoa ae rietata.”

Te Mataniwi ni Kabuta n te Itingaun ae boou aio e tara ana kakoaua ao kamatoakina bwa mwakuri aika a taabangaki aroia. “Akea te kakawari, bon akea te kairi mai karawa ae raka—ao I a tia n katoka raraomau ibukin anne ibukina bwa I rauaki n ana kawai te Atua are e tia n rineia bwa ena taetae iai nakoiu, e ngae ngkana E rineia bwa E na taetae nakoia aomata n te anga teuana,” e taku Unimwane Hirst. “E aki rianako tamaroana, ma e rangi n tau.”

Taman Unimwaane Hirst, Jack, iai ana store. E ongo taekan Ana Ekaretia Iesu Kristo ibukiia Aika Itiaki ni Boong aika Kaitira mairouia ana katitamwa ao e kaaina te Ekaretia tabeua te ririki i mwiin bungiakin Karl n Beberuare 28, 1972, i Bury, Lancashire, Engiran.

Ana kakoaua Unimwaane Hirst iroun Iesu Kristo e reke man reiakinan karakinan te Tia Kamaiu ao anenean anene n taromauri ngke e iriira te Reirei n Tabati n te ekaretia teuana ngke e uarereke ma tinana, Vivien Ruth Meakin Hirst, ao tibuna te unaine.

Uarereken Karl ao e kaekaei aia bootaki Aika Itiaki ni Boong aika Kaitira ao ni karekea te kakao mairoun te tia reirei n te Moanrinan bwa e na bwabetitoaki, are e butimwaeia ngke 10 ana ririki_. Inanon nimabwi tabun te ririki i nanon maiuna, e a tia Unimwaane Hirst n kateimatoa ana onimaki n ataeina ao ana kakoaua.

“E a tia n taetae te Atua nakoiu i nanou n te aro raoi are E taetae iai nakoiu ngke I mena n te Moanrinan ao n te aro ae titebo naba ngke E taetae iai nakoiu ngke I mena n te Reirei n Tabati,” e taku Unimwaane Hirst.

E mareaki ma Claire Elizabeth Wright n Meei 29, 1993, i Burnley, Lancashire. A kabaeaki naba rimwi riki n te bong anne n te London Engiran Tembora.

E karekea ana beebwa i aon te tua Unimwaane Hirst n 1996 mai Lancaster University ao ana master n te business administration man Alliance Manchester Business School n 2016. Man 1997, e mwakuri bwa te (rooia).

Onoman natiia, a maeka te utu ae te Hirst i Bolsover, Chesterfield, Engiran, ao a beku bwa tarekita n taian tetere Ibukin Kakorakoraia Kairake ngke e weteaki.