Te Tari Gabriel W. Reid

Kauoman ni Kauntira n te Beretitentii ni Kabuta n te Reirei n Tabati

Iroun Gabriel W. Reid, teuana mai buakon mwakoro aika moan te kakukurei n riki bwa te tia kairiiri n te mition n taraia raoi bwa mitinare a “kanuaiaki n ana taeka Kristo,” karikirakea tangiran booki aika tabu, ao te nano ni kan riki n ai aron te Tia Kamaiu.

“Ngkana ko kunea ao n ataia raoi bwa ko na kanga ni karaoa am kamatebwai n te euangkerio bwa e na ‘kangkang’ iroum, n aron are e taekinaki ni booki aika tabu [taraa Aramwa 32:28], anne ngkana e a bitaki maium,” e taku te Tari Reid, are e kaina ana mwakuri n ibuobuoki bwa te beretitenti n te Australia Sydney Mition n Turai.

E bungiaki te Tari Reid i Pago Pago, American Samoa. E rabakau n taetae n Samoa, Spanish, ao n i Ingiriti. I Samoa, e taku, te taeka ae kanuaiko n ana boki Moomon e rairaki bwa “taumamafa fiafia” ao n te taetae n Spanish bwa “deleitar.” E taku bwa taeka aika uoua a kaotia bwa iai te kukurei.

N riki bwa te kauntira n te Beretitentii ni Kabuta n te Reirei n Tabati, “I rangi ni kukurei ni buokiia tabeman n nooria bwa mwaitira te kukurei ae reke man kamatebwaian booki aika tabu ni kakanoai ara atatai ao ni maiuakin reirei ake iai,” e taku.

E bungiaki Gabriel “Gabe” Walter Po’u Reid ni Meei 28, 1977, irouia Eugene ao Tupu Reid ao e ikawairake n te kaawa ae Leone i American Samoa. Ana tangira ibukin te Atua ao nanona ni kan Karimoaa e moan waaki inanon uarerekena ao e kamatoa ngke e riki bwa te tia butibooro i Brigham Young University man 1999 nakon 2002 ao i mwiina e mwakuri n te National Football League man 2003 nakon 2006.

I nanon ana tai ni maiu, e reiakina te reirei ae moan te kakawaki: “Ngkana iai te bwai ae tuangko te Atua, naako ‘aanga ngkoe ao karaoia ma nanom ae bwanin.’”

E mare te Tari Reid ma Heather Lynn Sasse n te Bountiful Utah Tembora n Tuun 24, 2000. Iai aman natiia. E reke ana beeba ae bubura ae te Bachelor Degree. mai BYU n 2002 ibukin te reitaki ma te botanaomata. Ni boong aikai ao iai ana kambwana ibukin tararuaan te kateitei.

N raonaki ma tararuaan te Australia Sydney Mition, e beku te Tari Reid bwa te kauntira n te beretitentii n te titeiki, te kauntira ae rietaata, bitiobi, te beretitenti ibukin te bootaki n ataeinimwaane, te tia mwakuri ibukin otenanti n te tembora, ao te mitinare ae bwanin ana tai n te Chile Santiago South Mition man 1996 nakon 1998.