E Kabooa te Kirtland Tembora, Tabeua Riki Taabo te Ekaretia

N Maati 5, 2024, tabeakinan ao te bwaibwai iaon te Kirtland Tembora i Ohio, ao tabeua riki kateitei i Nauvoo, Illinois, ao tabeua koroboki ao bwaai a tia n kamwaingaki taekaia man te Community of Christ nakon Ana Ekaretia Iesu Kristo ibukiia Aika Itiaki ni Boong aika Kaitira n te boo are ea tia n baireaki.

Te Kirtland Tembora e katabuaki n 1836 (taraa Reirei ma Berita aika Tabu 109–110) ma Aika Itiaki a kiitanna teutana imwiin anne ibukin te bwainikiriinaki. I mwiin kamwaingan te bwaibwai i aona, e kainaki te tembora i nanon te tai ae uarereke ma e manga kaukaki i nanon Maati 25 ibukin te neweaba ae aki kabooaki. E na tiku bwa te kateitei ibukin rongorongon te Ekaretia.

N aron naba anne, i Nauvoo ao Mwengaia te Utu ae te Smith, te Auti ae Bubura (mwengaia Iotebwa ma Emma man 1843 ni karokoa matena n 1844), ao te Red Brick Store (are e moan kateaki iai te Bootaki n Aine) a kaukaki ibukin te neweaba naba ae e aki kabooaki.