Famili i Namba wan long Gospel bilong Jisas Krais

Doktrin bilong Sios bilong Jisas Krais bilong ol Seint long Las de i fokas long famili. Namba wan long doktrin bilong yumi long famili em i temple. Ol odinens we i kisim long hap i save helpim yumi long go bek olsem ol famili oltaim oltaim long ai bilong Papa bilong yumi long heven.

I kam nap long Epril 2025 jeneral konferens, Presiden Russell M.Nelson i bin tokaut long konstraksen bilong 200 nupela temple. Em i save laikim tru long tokaut long ol nupela temple long pinis bilong olgeta jeneral konferens, na mipela olgeta i save amamas wantaim em. Tasol, wantaim bikpela namba bilong ol temple nau i stap long namba wan hap bilong plening na kamapim stap, em i stret long yumi daunim wok bilong tokaut long ol nupela temple. Olsem na, wantaim tok orait bilong Kwarum bilong Twelpela, mipela bai no inap long tokaut long wanpela nupela temple long dispela konferens. Nau bai mipela i go het long givim ol odinens bilong temple i go long ol memba bilong Sios long olgeta hap bilong wol, na tu, wanem taim na we bilong tokaut long kamapim bilong ol nupela temple.

Dispela hap toktok bilong mi long dispela avinun mi bin raitim bihain long dai bilong Presiden bilong yumi, Russell M. Nelson. Ol samting i kam bihain em mi bin raitim na ol i bin tok orait long en sampela wik i go pinis, tasol em i makim yet ol skul tok bilong mi, we Bikpela i bin givim tingting long mi.

Dispela famili tokaut, ol i bin anaunsim 30-pela yia i go pinis, i tok olsem “God i odenim famili” na “em i namel tru bilong plen bilong God long laip bilong ol pikinini bilong Em.” Em i tokaut tu “olsem lo bilong God long ol pikinini bilong Em long kamapim na pulapim graun i stap yet.” Na “mipela i go het tokaut olsem God i komandim olsem ol sekred pawa bilong kamapim pikinini em long kamap namel long man na meri, husait i marit long lo olsem man na meri bilong en.” Long dispela a –Elder Russell M. Nelson bin tisim ol lain i harim olsem famili em “impoten long plen bilong God. Em i tru, wanpela as bilong plen em long eksaltim ol famili.”

Sios bilong Jisas Krais bilong ol Seint long Las De em sampela taim ol i save long en olsem famili-i namba wan tru long en. Em i olsem! Rilesensip bilong yumi wantaim God na as tingting bilong laip bilong yumi long dispela graun, ol i tok kliagut insait long sait bilong famili. Dispela gospel bilong Jisas Krais em i plen bilong Papa bilong yumi long Heven long helpim ol spirit pikinini bilong em. Yumi ken tru tru tok olsem ol i bin tisim yumi long gospel plen pastaim long kaunsil bilong wanpela famili i stap oltaim oltaim, na em i kamap tru long ol famili bilong yumi long graun, na as tingting bilong en em long savim ol pikinini bilong God insait long ol famili i stap oltaim oltaim.

Maski dispela tok doktrin, i gat birua. Insait long Amerika yumi wok long kisim hevi long marit na karim pikinini. Inap klostu wan handet yia namba bilong ol hauslain we ol marit i go pas long en i go daun, na namba bilong ol pikinini i bon tu i go daun. Ol marit na namba bilong ol pikinini bilong ol memba bilong Sios bilong yumi i gutpela moa, tasol ol i go daun tru tu. Em i bikpela samting long ol Seint long Las De i no ken lusim save bilong ol long as tingting bilong marit na gutpela bilong ol pikinini. Em i bihain taim we mipela i wok long painim. “Eksaltesen em i wok bilong famili,” Presiden Nelson i skulim yumi. “Thru long seiving odinens bilong dispela gospel bilong Jisas Krais tasol ol famili i ken kisim eksaltesen.”

Long olgeta hap insait long kantri namba bilong marit na karim pikinini em i go daun long wainem bikos long ol samting bilong bipo, tasol ol pasin na pasin bilong ol Seint long Las De i mas kamap gutpela moa—na i noken bihainim—ol dispela pasin.

Long taim mi mangi yet 70 yia i go pinis, mi bin stap long fam bilong ol bubu man na bubu meri bilong mi long wanpela ples we klostu olgeta samting i save kamap long de i save kamap aninit long wok bilong famili. I no gat TV o ol narapela elektronik long paulim tingting bilong mipela long ol ektiviti bilong famili. Long narapela sait, long ol taun sosaiti bilong tete, liklik ol memba tasol i save ekspiriensim ol ektiviti we i save kamap long famili. Pasin bilong stap long taun na trenspot bilong tete, amamas, na hai spid komunikesen i mekim isi long ol yangpela long mekim haus bilong ol olsem haus slip, we ol i save slip na kaikai sampela taim tasol papamama i no save stiaim ol long mekim ol samting.

Ol influens bilong papamama i no strong moa long rot we planti memba bilong Sios i save kisim mani long en. Long bipo, wanpela bikpela influens we i save mekim ol famili i stap wanbel em i taim ol i wok hat wantaim long bihainim wanpela mak tasol—kain olsem lukautim gut bus o painim mani. Famili i bin wok gut na wanpela gutpela yunit bilong ekonomik prodaksen. Tede, planti famili em ol yunit bilong ikonomik konsamsen, we ino nidim ol taim na tintging bilong famili i wok bung wantaim.

Taim ol influens bilong papamama i wok long go daun, ol Seint bilong Las-de i gat wok yet we God i givim long ol long tisim ol pikinini bilong ol long redi long famili bilong yumi long taim bilong oltaim oltaim (lukim Doktrin na Ol Kavanen 68:25). Planti bilong yumi i mas mekim dispela taim we nogat olgeta famili bilong yumi i bihainim pasin tumbuna. Bruk marit, dai, na i no stap wantaim em ol samting tru. Mi bin bungim dispela samting insait long famili we mi bin gro ap long en.

Papa bilong mi i dai taim mi gat 7-pela krismas, olsem na mi wantaim liklik brata na susa bilong mi, wido mama bilong mipela i bin lukautim mipela. Long ol taim we i hat tru, em i wok strong yet. Em i stap em yet na em i bruk, tasol strongpela tising bilong em long doktrin bilong Sios we i bin kamap bek i bin stiaim mipela. Hau em i beten tru long kisim helpim long heven long lukautim ol pikinini bilong em, na em i kisim blesing! Mipela i bin gro ap insait long wanpela amamas haus we papa bilong mipela husait i dai pinis i bin stap olsem tru oltaim. Em i tisim mipela olsem mipela i gat papa na em i gat man na mipela bai stap olsem wanpela famili oltaim bikos long tempel marit bilong ol. Papa bilong mipela i bin stap sotpela taim bikos Bikpela i bin singautim em long mekim narapela wok.

Mi save olsem planti ol narapela famili i no amamas tumas, tasol olgeta wanpis mama i ken tisim ol long lav bilong Papa long Heven na ol blesing bilong marit long temple. Yu tu inap long mekim dispela! Plen bilong Papa long Heven i strongim dispela samting i ken kamap long olgeta manmeri. Yumi olgeta i amamas long marit long temple na long ol blesing we bai kamap bihain long kisim sil olsem wanpela famili oltaim oltaim. Olsem mama bilong mi, mipela i save laikim tru long kolim tok promis bilong Lihai long pikinini man bilong em Jekop olsem God “bai mekim kamap holi ol hevi bilong yu long kisim gutpela samting” (2 Nifai 2:2). Dispela i ken kamap long olgeta Las-de famili, olgeta famili i stap wantaim o ol i bruk bruk nabaut. Mipela i wanpela famili sios.

Ol doktrin na bilip bilong yumi insait long ol famili oltaim oltaim i strongim and pasim yumi. Mi no inap lus tingting long promis bilong bubu man bilong mi long sait bilong mama, taim mipela ol pikinini i bin stap long fam bilong em klostu long Payson, Utah. Em i givim mi dispela sore nius olsem papa bilong mi i dai pinis long longwe Denver, Colorado. Mi ran i go insait long rum bilong slip na brukim skru klostu long bet, na krai nogut tru. Bubu man i bihainim mi na i brukim skru klostu long mi na i tok, “Mi bai kamap papa bilong yu.” Dispela gutpela tok promis em i wanpela strongpela eksampel bilong wanem samting ol bubu i ken mekim long inapim ol spes taim ol famili i lusim o i lusim wanpela memba.

Ol papamama, singel o marit—na ol narapela, olsem ol bubuman o bubumeri, husait i save mekim dispela wok bilong ol pikinini—em ol masta tisa. Gutpela tising bilong ol em i eksampel. Famili sekel em i gutpela ples tru long soim na lainim ol gutpela pasin oltaim oltaim, kain olsem bilong wanem em i bikpela samting long marit na pikinini, as bilong laip, na trupela as bilong amamas. Em i bes ples tu long lainim ol narapela bikpela leson bilong laip, kain olsem gutpela pasin, fogivim, knotrolim yu yet, na gutpela bilong edukesen na stretpela pasin wok.

Tru tumas, planti memba bilong Sios i gat ol famili memba we ol i laikim tumas tasol ol i no save bihainim ol gutpela pasin na tingting bilong gospel. Dispela kain ol memba i nidim lav na bel isi bilong yumi. Insait long wok bung wantaim narapela, yumi mas tingim olsem stretpela pasin yumi wok long painim i no stap tasol long ol hevi bilong laip Bikpela skul insait long Doktrin na ol Kavanen 138:57–59 i strongim yumi olsem pasin bilong tanim bel na gro long sait bilong spirit i ken go het yet insait long spirit wol we i kamap bihain long laip bilong yumi. Bikpela samting tru, taim ol famili i bung wantaim long strongim narapela narapela, yumi olgeta i mas tingim olsem ol sin na ol sot yumi olgeta i save bungim long laip bilong yumi i ken kisim fogivnes long rot bilong tanim bel bikos long glori na Atonmen bilong Jisas Krais.

Seivia bilong yumi, Jisas Krais, em i nambawan rol model bilong yumi. Bai yumi kisim blesing sapos yumi bihainim laip bilong yumi bihainim ol tising na sakrifais bilong Em. Bihainim Krais na givim yumi yet long helpim narapela narapela em i nambawan marasin bilong daunim pasin bilong tingim yu yet tasol na pasin bilong tingim yu yet tasol we nau i luk olsem i stap planti.

Ol papamama i gat wok tu long tisim ol pikinini bilong ol long ol save bilong wok we i narakain long ol as tingting bilong gospel. Ol famili i save bung wantaim taim ol i mekim ol miniful samting wantaim. Ol gaden bilong famili i save kamapim ol famili rilesensip. Ol amamas insait long famili i save strongim pasin bilong famili long pas gut wantaim. Kemping, ol spot ektiviti, na ol narapela amamas em ol samting we i gutpela tru long bungim ol famili. Ol famili i mas plenim ol famili bung long tingim ol tumbuna, we bihain i bai go long temple.

Ol papamama i mas skulim ol pikinini long ol samting bilong sindaun, na tu, wok long banis na haus. Lainim ol tokples em i gutpela samting bilong redi long mekim wok misineri na laip bilong nau. Ol tisa bilong ol dispela sabjek em ol papamama o ol bubuman o bubumeri o ol narapela memba bilong famili. Ol famili i save kamap gut taim ol i lainim samting olsem wanpela grup na givim kaunsel wantaim long olgeta samting we famili na ol memba bilong en i wari long en.

Sampela i ken tok, “Tasol mipela i no gat taim long mekim ol dispela samting.” Long painim taim long mekim wainem samting i bikpela samting tru, planti papamama bai painim olsem ol i ken kirapim famili bilong ol on sapos ol i tanim olgeta teknoloji bilong ol of. Na ol papamama, tingim, wainem samting ol dispela pikinini i laikim tru long kaikai bilong avinun em taim wantaim yu.

Ol bikpela blesing i save kamap long ol famili sapos ol i prea wantaim, na brukim skru long nait na moning long tok tenkyu long ol blesing na long ol wari bilong ol. Ol famili tu i save kisim blesing taim ol i lotu wantaim long ol Sios sevis na long ol narapela hap bilong lotu. Ol famili i save kamap strong long ol stori bilong famili, kamapim ol pasin bilong famili we bai mekim olgeta yia, na serim ol sekred ekspiriens. Presiden Spencer W. Kimball i tokim yumi ken olsem “ol stori bilong insperesen long laip bilong yumi yet na bilong ol tumbuna bilong yumi … em ol strongpela tising tul.” Planti taim ol i save givim insperesen long yumi na ol pikinini bilong yumi.

Mi testifai long Bikpela Jisas Krais, husait em i Stretpela Pikinini Man Bilong God, Oltaim Papa bilong yumi. Em i invaitim yumi long bihainim kavanen rot we i go long famili long bung wantaim ken long heven. Dispela ol siling pawa bilong prishud, i kam wantaim daireksen bilong ol ki i bin kam bek long Kirtland Temple, i bringim ol famili wantaim bilong oltaim oltaim (lukim Doktrin na ol Kavanen 110:13–16). Nau yet ol i wok long yusim long planti temple bilong Bikpela long olgeta hap bilong dispela graun. Dispela em i tru. Larim yumi kamap pat bilong dispela, mi pre, long nem bilong Jisas Krais, amen.