Introdaksen
Yumi nau go het wantaim dispela jeneral konferens i save kamap tupela taim long wanpela hap yia, na i go het olsem mipela i bin plenim na wantaim ol spika na musik we Presiden Nelson i makim bihain long planti mun bilong redi.
Ol dia brata na susa bilong mi, yumi bung wantaim sori long dai bilong Presiden Russell M. Nelson we yumi laikim tumas. Mi toktok long yupela olsem Presiden bilong Kwarum bilong Twelpela, em posisen mi save kisim sasten long en long olgeta wod, steik, na jeneral konferens long laspela sevenpela na hap yia.
Yumi nau go het wantaim dispela jeneral konferens i save kamap tupela taim long wanpela hap yia, na i go het olsem mipela i bin plenim na wantaim ol spika na musik we Presiden Nelson i makim bihain long planti mun bilong redi. Wanpela senis tasol em dispela, introdaksen tok klia bilong mi, na toktok bilong mi long ples bilong Presiden Nelson long laspela sesen long Sande avinun.
Dispela em i namba wan taim insait long 75 yia we wanpela Sios Presiden i bin dai sampela de pastaim long wanpela jeneral konferens. Dispela i mekim mipela i mas plenim hau mipela i ken holim ol bikpela lidasip bung long sait bilong jeneral konferens na tu ol jeneral sesen bilong konferens, na long wankain taim mipela i ken makim taim bilong planim em hariap tru. Presiden Nelson i bin kliagut long gutpela bilong jeneral konferens long givim daireken long ol Seint long ol mun i bai kam. Mipela i givim ona long em long bihainim ol taim bilong konferens em i bin givim tok orait long en.
Long dispela taim bilong bel sori na krai, mipela i bin bung pinis long givim ona long Presiden Russell M. Nelson pastaim long ol jeneral konferens bung bilong mipela na bihain mipela i bin makim taim bilong planim em hariap tru bihain long konferens. Olgeta dispela samting i bin kamap wantaim tok orait bilong famili bilong Presiden Russell M. Nelson na Kwarum bilong ol Twelpela.
Bikos mipela olgeta husait i bin kisim wok long toktok long jeneral konferens i laik givim taim bilong mipela long givim tribiut long Presiden Nelson, mipela i askim olsem olgeta konferens spika bilong mipela long givim ol dispela kain ona liklik taim tasol, na lusim ol bikpela tok tenkyu long taim bilong funeral, we mipela i stat long plenim pinis.
Sotpela tok tenkyu bilong mi yet—we i stret long dispela konferens na long ol tok tenkyu we mipela i bin givim pinis—em olsem: mi laikim tumas Russel M. Nelson na bin lainim moa long gospel na gospel lidasip long longpela prensip na bung bilong mi wantaim em i winim ol narapela lida mi bin save long ol. Em i piksa bilong yumi olsem wokman na man bilong bihainim Bikpela Jisas Krais. Long dispela mi testifai long nem bilong Jisas Krais, amen.