Na Nau Mi Lukim
Maski wanem samting i kamap, wok bilong Buk Momon long laip bilong mi i no liklik long mirakel olsem taim ol i putim spet na pipia long ai bilong dispela aipas man.
Wantaim strongpela lav yumi olgeta i sapotim Presiden Oaks long toktok em i mekim long dai bilong Presiden Russell M. Nelson. Na wantaim wankain lav na bikpela sore, yumi olgeta i luksave long ol bikpela hevi i kamap long Michigan i no long taim i go na long olgeta wol tu. We acknowledge these things with love and trust in the Lord Jesus Christ.
Long Sapta nain bilong John i rekodim ekspiriens bilong Jisas na ol disaipel taim ol go arere long wanpela turangu man, i aipas long taim mama karim em. Dispela i mekim ol disaipel long askim Jisas sampela taim ol hatpela askim bilong rilijin long kamap bilong dispela man. Bikpela i mekim wanpela isipela samting i mekim ol kirap nogut, long bekim dispela askim. Em spetim graun na tanim kamap wanpela liklik hap graun klei. Na bihain em putim long ai bilong dispela man, na tokim em long waswas insait long Pulwara Siloam. Dispela aipas man i bihainim dispela olgeta tok na em “kam [bek] i lukluk,” olsem skripsa i tok. Evidens em i bikpela samting, i no olsem ol laik bilong wanpela o tok kros o tok nogut taim yu skelim wantaim tok tru.
Ol birua bilong Jisas i poret olsem dispela mirakel bai daunim biknem na namba ol ting ol i gat, olsem na ol i go holim dispela man ai bilong em i orait pinis na tokim em strong olsem, “[Jisas] em i sin man.” Dispela man i harim long liklik taim, na em tok,“Maski em i man bilong mekim sin, o nogat, mi noken save. tasol wanpela samting mi [i] save. bipo mi stap aipas, tasol nau mi lukim.”
Jisas yet i givim namba wan mining long dispela samting i kamap. Em tokim ol disaipel bilong em dispela i kamap bai “wok bilong God i mas kamap ples klia.” Tingim olsem 2-pela taim long dispela stori pasin Jisas mekim i olsem Em “putim wel antap” long ai bilong dispela aipas man, em i wanpela wok i mas pinis wantaim waswas. Toktok bilong “wok bilong God [i] kamap ples klia” i soim olsem ating wanpela odinens i kamap.
Wanpela tok tru i klia em ol samting dispela Bikpela i kamapim skai na graun i yusim long kamapim dispela mirakel: spet na han i pulap wantaim graun! Ol dispela samting yumi ting i nating i tokaut olsem God i ken blesim yumi long wanem rot Em i susim. Olsem Naman i les long Wara Jordan o ol pikinini bilong Israel i les long lukluk long snek antap long stik, em isi tru long yumi tok nogat o les long ol samting bilong kisim bek yumi, long wanem dispela samting i liklik tru.
Tasol yumi tingim olsem long Buk Momon sampela samting i isi na i gutpela tumas na pastaim long Jisas i bon, tok profet i bin stap pinis olsem “em [bai] nogat gutpela lukluk; na taim yumi [mas] lukim em, bai nogat gutpela lukluk bai yumi no laikim em.” Planti taim God i salim strongpela toktok bilong Em long maus bilong wanpela nupela presiden bilong Rilif Sosaiti o wanpela misinari husait i traim long lainim nupela tok ples, wanpela mangi i no skul o wanpela bebi i slip insait long menja.
Na sapos ol bekim bilong ol beten bilong yumi i kamap long ol klia o paulpela rot? Yumi laik stap strong insait long bihainim gospel bilong Krais maski em i nidim planti o liklik spet na graun? Em bai i no klia long yumi wanem i kamap o wanem as, na, sampela taim, yumi bai pilim wankain liklik olsem dispela bikpela sista husait i tok, “Bikpela, olsem wainem long wanpela blesing i no klia?”
Skelim ol evidens bilong narapela tok tru, dispela em bilong holi prishud. Luk i rekotim kirap bilong sios, na namba wan lain bilong em i rit olsem: “Jisas i singautim ol 12-pela aposel i kam, na em i givim bikpela strong na namba long ol,” em ol presen i no kam long namba o bihainim kastom o samting bilong namba wan pikinini. Ol i no kisim long wanpela baibel skul. Taim ol husait i gat tok orait i putim han antap long narapela, dispela presen bai kam, na dispela i bihainim lain stret i go bek long as bilong atoriti bilong God, em Bikpela Jisas Krais.
Na insait long wanpela sios we i kliagut long presen bilong marimari, em i no narapela gutpela evidens bilong trupela bilong dispela sios long lukim ol dispela blesing na kavenan i go long ol wanblut bilong yumi husait i dai pinis, ol famili bilong yumi husait i bin stap pastaim long yumi? Ating bai ol kisim pe nogut, long wanem, ol i no bin harim na save long gospel o mama karim ol long wanpela taim o ples taim ol odinens na kavanen bilong God i nogat long en, a? Sios bilong Jisas Krais bilong ol Seint long Las de i gat ol sekred haus we ol i bin dediketim pinis we ol i save mekim wok bilong kisim bek na marimari long olgeta de na nait bilong ol dispela daiman, na tu, ol i save givim ol sans bilong lotu na ol odinens bilong ol lain i stap laip. Long save bilong mi, dispela evidens bilong bikpela lav bilong God bilong ol lain i stap laip yet na i dai pinis ino nap lukim long narapela hap long wol—tasol long dispela sios i soim tok tru long dispela samting: Sios bilong Jisas Krais bilong ol Seint long Las-de.
Namba wan taim ai bilong mi i op, mi painim tok tru i no bin kam wantaim anointing bilong graun klei long pul wara bilong Siloam. Nogat, samting i bin bringim kam tok tru hiling bilong mi em ol pes bilong wanpela buk, yes, dispela Buk Momon: Narapela Testimoni bilong Jisas Krais! Ol tokwin bilong dispela buk i bin kisim bagarap na sakim long han bilong sampela manmeri i no bilip, belhat bilong ol i save wankain olsem kros bilong ol lain husait i bin tokim man i orait pinis olsem em i no inap tru long kisim wainem samting em i binekspiriensim.
Tingting i save kam long mi olsem wei dispela buk i kamap em i narakain, yumi no inap bilipim, sem long en, moa yet i no holi. Dispela em i strongpela toktok i kam long wanpela husat i mas save hau dispela buk i bin kamap, moa yet olsem toktok i stap olsem tanim tok bilong dispela buk bin kam thru “long presen na pawa bilong God.” Em i Orait. Em i Orait. Maski wanem samting i kamap, wok bilong Buk Momon long laip bilong mi i no liklik long mirakel olsem taim ol i putim spet na pipia long ai bilong dispela aipas man. Long mi yet, em i olsem wanpela stik bilong seifti long sol bilong mi, wanpela lait i bilong revelesen i soim tru, i givim lait long hap mi wokabaut taim tudak i kam. And surely they have, and surely they will.
Na dispela i givim mi lav bilong Seivia na grasia bilong Em long kisim bek, Mi serim wantaim yupela witnes bilong mi, i kisim strong long hia olsem tupela papamama i kisim blesing i tok long harim pikinini man bilong ol bikos em i “kamap man.” Orait, mi tu olsem. Em i bin bikpela inap long ol i bilipim em. Orait, mi tu olsem. Mi gat 2-pela mun moa long bungim namba 85 bet de bilong mi. Mi bin stap pinis arere long dai na mi kam bek. Mi wokabaut pinis wantaim ol king na ol kwin, ol presiden na ol praim minista. Moa gutpela, planti taim mi save pulap tru long Holi Spirit bilong God. Mi trast olsem witnes bilong mi i mas gat sampela tingting bilong skelim hia.
Ol bratasusa, mi bilip tru long bel olsem Sios bilong Jisas Krais bilong Ol Seint long Las-de em i trupela sios bilong Nupela Testamen i kam bek—na moa—bikos mi no inap long giaman long evidens bilong dispela kambek. Taim ol dispela samting i kamap long mi namba wan taim kam nau, ating mi gat 1000—10,000?—narapela ol samting i soim olsem ol samting mi tok long tete em i tru. Olsem na, mi amamas nau long joinim pren bilong mi long rot bilong Jerusalem long singsing:
Long nem bilong Jisas Krais, amen.