Atoning Lav bilong Jisas Krais.
Oraitim na fogivnes bai painim i stap insait long atoning lav bilong Jisas Krais.
Mi tokaut long lav bilong mi long Presiden Russell M. Nelson na bikpela tenkyu long bikpela senis em i bin gat long yumi wanwan. Na long yumi olgeta, Mi tenkim God long lukautim na mekim bikpela tru laip bilong Presiden Dallin H. Oaks.
Wantaim olgeta yia i kam na go, mi pilim bikpela lav bilong mi long Sevia, Jisas Krais, na long marimari bilong Atonmen bilong Em. Bikpela sakrifais bilong Em, long winim dai na pasin sin em i nambawan kontribiusen long olgeta histori bilong manmeri. Save bilong mi long dispelapresen i kam long Heven em i olsem wanpela skul bilong heven we bai gohet abrusim matmat.
Dispela strongpela pasin sore bilong Sevia long fogivim sin na long hilim ol sua we sin bilong ol narapela i kamapim em soim pasin lav bilong God.
Laik bilong mi em long givim hop ong ol lain husait i painim fogivnes long ol sin we i nogat stret na long givim bel isi long ol lain husait i painim hiling i kam long ol bikpela ol sin ol narapela i kamapim.
Hiling na Fogivnes bai painim i stap insait long atoning lav bilong Jisas Krais.
Feit insait long Jisas Krais
Sapos yu mekim bikpela sin na wok long o gat laik long tanim bel stret na pilim amamas bilong fogivnes, plis save olsem dispela mirakel i weitim yu stap. Sevia i save singaut yet, “Kam long mi.”
Strongim feit bilong yu insait long Sevia, Jisas Krais, bai strongim laik bilong sol bilong yu long save long Em, bilip long Em, na givim bel bilong yu long Em. Enos bin askim long fogivnes bilong em yet: “Bikpela, hau bai mi mekim dispela?” Bikpela i bekim, “Bikos long bilip bilong yu long Krais, husait yu no bin harim o lukim bipo.”
Na Moronai i tok moa olsem, “Sapos yu tok nogat long olgeta nogut pasin long yu yet, na lavim God wantaim olgeta strong bilong yu, tingting na stong, marimari bilong em i inap long yu.”
Tanim long sin, na tanim i go long God, na wok long strongim feit bilong yu insait long Jisas Krais em i wanpela naispela stat. Taim yu givim laik bilong yu long God wantaim pasin daun, yu mas tokaut long ol bikpela sin i go long bisop o brans presiden bilong yu, tasol fogivnes bilong yu bai kam long Sevia. Fogivnes em i wanpela presen i kam long heven na i kam long marimari bilong Jisas Krais.
Tok tru
Dispela laik tru long go bek long God em i kam wantaim strongpela laik long tok stret wantaim Papa bilong yu long Heven, wantaim yu yet, wantaim ol husait i kisim hevi, na wantaim prishud lida bilong yu. Papa bilong yu long Heveni amamas long laik bilong yu long kam long Em wantaim bel i bruk na spirit bilong tanim bel. Long gat spirit bilong tanim bel em putim yu yet go daun insait long han bilong God; wantaim bel i bruk i bringim wanem samting Aposel Paul i tok aut olsem “sori bilong god,” laik bilong bel long lusim olgeta samting na go bek long Em.
Kisim kam bek wanem samting i bruk.
Pasin bilong yu long laikim tru dispela samting i lidim yu go stretim samting yu bin brukim. Tasol, taim yu luksave olsem sampela samting i no stap long pawa bilong yu long stretim, yu beten strong olsem Bikpela, long marimari bilong Em, bai helpim long oraitim ol lain husait i bin kisim bagarap long ol pasin bilong yu.
Ol hevi i kam long bikpela sin long ol narapela planti taim i save hat stret long winim. Yu bihainim eksample bilong ol pikinini man bilong Mosaia, husait i bin “wok strong tru long stretim olgeta ol hevi we ol bin mekim”? Toktok wantaim ol lain husait yu respektim long ol samting we yu bai i no inap long lukim.
Taim mi wok long redim dispela tok, mi kisim wanpela imeil long wanpela husait i wok long traim long tanim bel na laik kam bek long Sios. Meri bipo bilong em i wok long karim hevi yet long lus “ bilong marit bilong [ol] bilong oltaim oltaim, [hevi wantaim ol pikinini], hevi bilong nogat moni, … painim hat long bungim olgeta ekspens, [na] nogutpela piling bilong giaman bilong narapela i pas strong insait long bel.”
Em serim wantaim mi hau prishud lida bilong em “pilim long [askim em] long pre na tingim gut wainem [em i ken mekim long helpim bipo meri bilong em ma ol pikinini bilong ol].” Wantaim tok orait bilong, em mi serim dispela hap imeil bilong em:
“[Nambawan] tingting bilong mi olsem [moni] mi lusim long taim marit bruk i planti moa long ol i nidim, tasol brans presiden bilong mi i strongim mi long fas na pre long long em. …
“Nambawan taim, bel bilong mi i hevi wantaim dispela tingting long stretim ol rong. Long wainem ol sin bilong mi i no bilong mani, mi tingting planti long mining bilong ‘gutpela bekim’ [tasol] mi luksave hariap olsem em i no bilong mani tasol.
“Ol prishud lida bilong mi bung wantaim [bipo meri bilong mi] na ol pikinini bilong mi na luksave olsem ol i wok long karim hevi yet na i no hil yet.”
“Nupela gol bilong mi bin long go het wantaim feit. Mi soim laik bilong mi long helpim ol na mi no laikim wanpela samting bek. … Mi mekim ap tingting bilong mi long [salim sampela moni long pe bilong mi long bipo meri bilong mi] we i bikpela hap bilong net pe bilong mi. Bipo long mi mekim nambawan peimen, Bikpela [putim strongpela tingting long mi olsem mi nid long] peim [tupela taim moa long dispela amaun].
“Mi lainim olsem long bekim ol rong em i no long moni tasol. Em i long soim daun pasin long dediketim laip bilong mi long Bikpela. Dispela moni em long putim bek wanem samting mi kisim long famili bilong mi bikos long ol rong sois bilong mi. Dispela em i long mekim na bihainim ol promis na i no laikim wanpela samting bek na helpim em i no wari long ol peim ol samting bilong haus olsem em i ken painim Spirit.”
Ol wok bilong yu long stretim bek wanem samting yu brukim i nogat samting long mekim wantaim moni, tasol wantaim daun pasin askim Bikpela, yu ken painim olsem i gat planti moa yu ken mekim.
Tok Orait bilong God
Taim yu painim fogivnes bilong Em, wet long Em bai givim tok orait bilong Em. Tingim dispela skripsa:
“Ol i … bin [daunim] ol yet, tru tumas ol i bin daunim ol yet long daun bilo stret, na … ol i krai nogut tru long God, ye, tru tumas ol i bin krai long God olgeta de. … [Tasol] Bikpela i no harim krai bilong ol hariap bikos long pasin nogut bilong ol.”
“Tasol Bikpela i bin harim krai bilong ol, na i stat long … mekim hevi bilong ol isi; … na … stat long rausim sampela hevi long ol,
Wet tasol taim Bikpela i givim yu blesing bilong em long kain kain we.
Long taim bilong Bikpela, yu bai harim nek bilong Em i tokim yu,, “Dispela ol samting bai i no givim yu hevi moa.” Wanpela de, taim yu go het i go long Seivia, Papa bilong yu long Heven bai “rausim dispela pasin sem long [bel bilong yu], tru long gutpela wok bilong Pikinini Man bilong em.”
Bagarap na Pilim pen
Long yupela husait i bin kisim bagarap nogut tru long ol bikpela sin bilong narapela, mi laik tru long serim lav na sori bilong Seivia, na bel sore na bel isi bilong Em.
Dispela sore yu pilim, bel i bruk, dispela lus, piling bilong mekim nogut, tanim laip bilong yu olsem yu tingim long en long kamap—mi promisim yu, olsem Seivia save long yu na lavim yu. Go long Em. Em i bel isi na givim yu strong; Em bai salim ol ensel bilong Em long helpim yu sanap. Wainem taim bai pen bilong yu i pinis, hevi bilong yu i isi, ol memori we yu no laikim i lus tingting? Mi no save. Tasol dispela mi save: Em i gat pawa long bringim bek ol naispela samting long asis bilong ol pen bilong yu.
Ol brata na susa yumi laikim tumas long Grand Blanc, Michigan, wantaim strongpela bilip bilong ol long Jisas Krais, wantaim strong na pasin bilong givim, i bin na bai, long ol wik na mun i kam, bai pulap kapsait long lav na bel isi bilong Seivia.
Taim yu gohet long putim tras bilong yu long Em, ol klaut bilong tudak na krai bilong yu long nait bai tanim i go long aiwara bilong amamas na bel isi long lait bilong moning. “Sore bilong yu bai senis i kamap amamas. …. Na i nogat [wanpela] man inap rausim amamas bilong yupela.” Dispela taim bai kam. Mi tokaut olsem em bai kam.
Atoning lav bilong Jisas Krais i ken stap insait long ol taim bilong hevi tru, tasol yumi olgeta i nidim oltaim marimari bilong atoning Seivia bilong yumi. Presiden Dallin H.Oaks i bin tisim olsem: “Bikos long atoning ekspiriens bilong Em long laip bilong yumi long graun, Seivia bilong yumi inap long mekim isi bel, oraitim, na strongim olgeta man na meri long olgeta hap, tasol mi bilip olsem Em i save mekim olsem tasol long ol lain husat i wok long painim Em na askim Em long helpim. Aposel James i bin tisim olsem, ‘Yu i mas daunim yu yet long ai bilong Bikpela, na em bai i apim yu’ (James 4:10). Yumi inap long kisim dispela blesing taim yumi bilip long Em na pre long Em i helpim yumi.”
Elda Robert D. Hales
Mi kisim tok orait long poro bilong mi na foma Jenerol Autoriti, Elda Robert E. Wells, nau em i gat 97 pela krismas, long serim ekspiriens bilong em long 60 pela krimas i go pinis.
Taim em stap long Paraguay long 1960 na wok olsem wanpela intenesinol benka, Robert Wells, em i bin 32 pela krismas tasol long dispela taim, na meri bilong em, Meryl, tupela i bin pailot long tupela balus, na ol i bin flai i go bek long ples bilong ol long Uruguay i go long Paraguay. Taim ol i bungim ol bikpela klaut, Robert na Meryl lusim olgeta lukluk na redio kontek long ol yet. Robert hariap tru landim balus, na em i kisim toksave olsem balus bilong meri bilong em i bin krash. Meri bilong em wantaim tupela poro husait i kalap wantaim i bin dai. Ol pikinini bilong em, long haus long Asuncion, i gat seven, faiv na tupela krismas.
Elda Wells i toktok long sore bilong em:
“Ol toktok bai i no inap long ekspresim dispela pen i stap insait, daunim ol piling na kilim ol sens bilong mi. Aiwara bilong strongpela sore i ron tasol i nogat stop. Long mekim ol samting wos, tingting bilong mi i wok long painim rot long dispela hevi bilong dai bilong meri bilong mi, mi painim mi yet ekspiriensim dispela piling nogut olsem mi yet gat asua long bilong dispela balus i krash.
Robert i putim asua long em yet olsem em i no sekim gut balus na i no givim tok klia gut long meri bilong em long flaim balus. Em pilim nogut olsem em i no lukautim gut.
Robert i tok:
“Tingting bilong mi go long tudak tingting. Mi bin stap tasol—[long helpim ol pikinini,] i no moa.
“Mi … lusim dispela strongpela laik long gohet moa.”
Long dispela taim, Robert bin kisim blesing wantaim wanpela bikpela ekspiriens long sait bilong spirit. Em i stori:
“Wanpela avinun, wanpela yia go pinis, taim mi brukim skru long pre, wanpela mirakel i kamap. Taim mi beten stap na askim Papa long Heven, mi pilim olsem Sevia kam long sait bilong mi na mi harim wanpela nek tokim dispela ol toktok long sol na iau bilong mi: Robert, atoning sakrifais bilong mi i baim ol sin na rong bilong yu. Meri bilong yu i fogivim yu. Ol poro bilong yu pogivim yu. Mi bai karim ol hevi bilong yu. …
“Long dispela taim, hevi bilong pilim nogut [na hevi bilong bel] bin raus long mi. Mi kisim helpim! Mi hariap tru save long Atoning pawa bilong Sevia na … dispela i aplai long mi stret. … Mi … ekspiriensim lait na amamas olsem samting mi no pilim bipo. … Mi bin kisim wanpela presen mi no wok het long kisim—presen bilong marimari i kam long Bikpela. … Mi nogat rait long kisim—mi no mekim wanpela samting long kisim, tasol Em i givim long mi.”
“Yumi olgeta wan wan i ken “kamap holi insait long Krais long marimari bilong God, long rot bilong kapsaitim blut bilong Krais, [kamap] holi, i no gat asua.”
Mi tokaut long lav, bel isi na marimari bilong Seivia na Ridima bilong yumi. Em i stap laip. Yumi bilong Em, yumi pikinini bilong kavanen. Taim yumi bilip long Em, bihainim Em, na trastim Em, Em bai rausim ol sore na sin bilong yumi. Bihain, laip bihain long dispela laip, long haus bilong Papa bilong Em, yumi bai stap wantaim Em. Insait long nem bilong Jisas Krais, amen.