Srihke ac Ahkkweyeyuck ke Kraist
Ma sikyak ke pacl uh tiac ma in ahkpwacyei lah Leum el siskomlac. Tuhsruhk, elos mwe ahkpwacye lah El luhngse na upac kowos in ahksasucye ac ahkkweyekowos.
Tamuhlwel ac tahmtahel sacohk wiyuck, nga puhla luhngse luhn Leum ke kuht tuhkweni uh. Nga srui in sramsram nuh suwos. Nga pruhe tuh Nguhn fah usot nuh insiowos ma Leum El ke kowos in lohng, yohk likina kahs ngac fah sruhmuhn uh.
Pacl lwoelwes somlah nga suk in luti ke phsyics ac math ke yac luhk ke college ah. Nga puhla toasr. Nga muhtacwacack in puhlah lah nga srihke in luti sie ma ahluhkwelah kuhiyuck. Upaclac toasr luhk kac, oruh muhnahslah kena luhk in kampare srihke. Suhpacrlac luhk pwacnwacng nga puhla muh srihke luhk uh wacngihn srihpac. Nga muhtwacwacack in nuhnkuh in tui, ac oruh sie ma fihsracsr kuhtuh ah.
Nga puhla muhnahs. Ke nga pruhe, nga puhlakihn ahkpwacye luhn Leum. Nga puhla El fahk nuh ke nuhnak luhk uh, “Nga srihke kom, tuhsruhk nga wi kom na.”
Nga tiac etuh pacl sac lah meac kalmacn kahs ingacn. Tuhsruhk nga etuh lah mac enenuh in orek—nga muhtacwacack orekma.
Ke nuhnak ac orekma ke yac ekahsr tohkohyang ah, Nga kahlwemwack ke pweng in ahkkweye lun ma suhmuhslah inge: “Nga kuh in oruh ma nuhkwewa ke Jisus Kraist suc ahkkweyeyuc.”
Nga etwacack lah tikuclkucl luhk ke physics pwacyeiyac uh mwe sang se sin Leum me. El lutiyuc lah ke kahsruh Lal, nga kuh in oruh ma motkwoeyuck muh tiac kuh in orek fin oasr luhlahlfongi luhk muh Elac oasr in kahsreyuc. Ke mwe sang se inge, Leum El tuh oraclah in srihkeyuc ac ahkkweyeyuc.
Kahs se inge srihke puhs kalmeyac. In srihke ma se tiac kalmac pa in test i. Ma in ahkyohkye kuhiyac. In srihkeyuck sie ipin osra pa in fihliyucki ye ma luhlahp se. Fol, toasriyac, ac kuhiyac, eltahl ituck nekena atac na pwaye la kahlwem ac liyeyuck. Osra sac tiacna muhnahslah ke srihkasrak sac. Tuhsruhk, el eklac sie ma kuh in luhlahlfongiyuck, sie ma fokoko in us ma toasr yohk.
Leum el srihke kuht ke ohiyac sac pacna in ahkkweye kuht. Srihke ingacn tiac tuhkuh ke pacl kuht puhla wo kuh mihs. El tuhkuh ke pacl kuht puhla muh kuht kuf tiac kuh in sifwil fahsr nuh met. Leum El luti muh kuht enenuh in sikalweni in ahkkapye ac tiac tohtohlah ke kwacfeacng lasr, tuh kuht in tiac fuhlweack, kuht in srihke na srihke.
Ke kuht sruokyac na luhlahlfongi lasr ke Jisus Kraist—finne ma uh tuhkuh upac nuh sesr ke pacl sac—kuht eklac fokoko in nguhn. Ma suhmuhslah muhtahl ahkuhtweyac ke ma pwacye se inge.
In mwe srihkasrak, mwet pahluh Moroni, el srihkeyuck ac ahkkweyeyuck ke sie ohiyac. El muhkwena muhta ke yac sahflah lal. El suhmuhslah muh wacngihn kawuck lal, pahpah tuhmwacl ah acnwucki, lah mwet lal ah tuh acnwucklac. El ahksahngengyeyuck sin mwet ma suk moul lal ah.
Ne ohinge Moroni el tiac fuhlweack. Tuhsruhk, el suhmuhslah puhla lal ke Jisus Kraist ke plwet nuh sin mwet ma elac tiac moul liye, weacng pacna tuhlihk nuhtin mwet ma suk in unilyac. El suhmuhslah nuh sesr. El etuh lah kuhtuh e isrucn kahs lal inge. El etuh lah kuhtuh e pihlacsracl. Tuhsruhk el tiac tui ke sihm uh.
Ke srihkeyuck lal, luhlahlfongi lal Moroni ahknwacsnwacsye yucklac ac fokokoi. El eklac nwacsnwacslah liki met ah. Kahs lal fahkwack ke kuh luhn sie mwet sruokyac luhlahlfongi nuhke sahflah. Kuht kuh in puhla kuh se ingacn ke kuht riti luhlahlfongi kuh lal inge:
“Inge nga, Moroni, suhmuhslah kuhtuh ma nga motko muh wo; ac nga sihm nuh sin mwet wiyuck, mwet Laman; ac nga kena tuh elos in etuh lah puhs liki yac ahngfoko ac longoul somlah ke akucl se tuh utuckuh ke tuhkuh luhn Kraist.
“Ac nga siliyac ma sihmlac inge, tukun nga sruhmuhn kuhtuh kahs puh ke ohiyacn kwacfe nuh suwos.
“Liye, nga kwacfe nuh suwos tuh ke kowos ac riti ma inge, fin ac ma lahlmwetmwet se sin God tuh kowos in riti ma inge, tuh kowos in esam luhpan pahkotwen luhn Leum nuh sin tuhlihk nuhtin mwet, e ke oreklac lal Adam finne nuh ke pacl se ma kowos fah eis ma inge, ac motko ma inge ke insiowos.
“Ac ke kuht eis ma inge, kuht enenuh in siyuck sin God, Pahpah Ma Pahtpaht, ke inen Jisus Kraist, fin ma inge tiac pwacye; Kuht fin siyuck ke insiyac pwacye, ke kena yohk, ac oasr luhlahlfongi nuh sin Kraist, El ac ahkkahlwemye ma pwacye ke ma ingacn nuh sum, ke kuh luhn Nguhn Muhtahl.
“Ac ke kuh luhn Nguhn Muhtahl kom kuh in etuh ma pwacye ke ma nuh kwewa.”
Luhlahlfongi lal Moroni fokokoi ke el muhkwena, tuhsruhk el sahrmwelihk ke kahlwem in pwen fihl nuhkwewa ma suk Pahpah Inkuhsrao ac Mwet Lahngo Jisus Kraist.
Sie pac mwet pahluh ke Puk luhn Mormon, Jacob, el srihkeyuck ac ahkkweyeyuck ke pacl se el srihk el puhlakihn ma upac ac ahsor luhlahp. Tuhsruhk pahpah tuhmwacl, Lehi, luti nuh sel lah God elac ahkinsewowoyacl ke ma upac nuh sel inge.
“Ac liye, ke kom matwacn tuhlihk kom kweokkihn ma upac ac ahsor yohk, ke srihpen koluk luhn tamuhlwel wiyom.
“Ne ohinge, Jacob, tuhlihk isuslac se emet nuhtihk yen mwesis, kom etuh wolacna luhn God; ac El fah ahkmuhtahlye kweok lom nuh ke kapkapwack lom.
“Ohinge, nguhnum fah ahkinsewowoyeyuck, ac kom fah karihngihnyuckyang yurun tamuhlwel se wiyom, Nephi; ac lusen lwen lom fah eisyuckyang in kuhlwacnsapuh God lom. Ohinge, nga etuh lah kom moliyucklac, ke srihpen suwohswohs luhn Mwet in Molwelah lom; tuh kom liye lah ke fohnlah luhn pacl uh El tuhkuh in use molwelah nuh sin mwet uh.”
Mwet pahluh Joseph Smith el puhla pac srihkeyuck ac ahkkweyeyuck ke pacl se el muhta Nien kaul Liberty. Ke ahsor luhlahp lal, Mwet Pahluh Joseph Smith el wowoyak:
“O God, kom oasr yac? …
Leum el liye nwacsnwacs ke kweok lal Joseph ma pwacnwacng elan sun sahflaiyac ke El topuk:
“Wen nuhtihk, mislac nuh in nguhnum; ma upac ac mwe kweok lom inge ma nuhke kihtin pacl na;
“Tuh, kom fin sruokyac nuhke sahflah, God el fah sruhkkomyak nuh yen fuhlwact lucng; kom fah kuhtanglah mwet lokoalok lom nuhkwewa.”
Mwe srihkasrak wowo se emet ke srihkeyuck ac ahkkweyeyuck sikyak ke Iwaclah luhn Mwet Lahngo. El eis nuh Facl ma koluk luhn facluh. El puhla ngal ac ahsor lasr. El nihm ke kuhp mukohl sac. El ahkpwacyei suwohswohs Lal pacl nuhkwewa.
Ke srihpen Iwaclah wolacna Lal, Jisus Kraist El kuh in ahkkweye kuht ke pacl upac nuh sesr. El etuh lah Elac ahkwoye kuht fuhkah ke srihpen El puhla ma nuhkewa ma kuht e puhla fin facluh se. “El fah eis nuh Facl kweok ac mas luhn mwet Lal … tuh Elan kuh in etuh fal nuh ke mahno lah El ac kahsruh fuhkah mwet Lal fal nuh ke mas lalos.”
Kuht etuh in Imac Gethsemane, lah Mwet Lahngo El siyuck sin Pahpah lah mwe kweok inge kuh in Ahluhkellah—na El sifwil fahk lah fin luhngse luhn Pahpah, na Mwet Lahngo El fah oruh. In kuhtuh kahs sahyac, oasr ahlohloh ac tahfuh luo luhn Mwet Lahngo, tuhsruhk El luhlahlfongi ke Pahpah Tuhmacl Inkuhsrao.
Tamuhlwel ac tahmtahel, srihkeyuck ac ahkkweye lom e tiac liyeyuck oacna Moroni kuh Jacob kuh Mwet pahluh Joseph. Tuhsruhk ac fah sikyak. E kuh in tuhkuh mihs, ke ma upac ke moul in sucu. E kuh in tuhkuh ke mas kuh suhpacr kuh ahsor kuh muhkwena.
Nga fahk loh lah pacl inge tiacna ahkpwacyei lah Leum El siskomlac. Tuhsruhk, elos mwe ahkpwacye lah El luhngse na upac kowos in ahknwacsnwacsye ac ahkkweyekowos. El ahkfokokoye kowos in kuh in us ma toasr nuh ke moul ma pahtpaht.
Fin kuht tu kuh ke luhlahlfongi ke kuhlwacnsap lasr uh, Leum elac ahksasucye kuht. Elac ahkkweye kuht. Ac sie lwen kuht e forlah ac liye lah ma upac ingoh mwe ahkpwacyei luhngse Lal. Kuht e liye lah El nahwe kuht in tu Weluhl ke acn wolacna. Oacna ke Mwet Sap Paul el fahk ke sahflahiyen moul lal, “Nga sang nufon kuiyuk ke akutun luk; nga aksafyela kasrusr luk, ac nga sruokya ku lulalfongi.”
Nga fahkwack lah God El etwekowos. El etuh ma upac kowos sun. El wi kowos. El fah tiacna som liki kowos. Nga fahkwack lah Jisus Kraist pa Wen nuhtin God. El pa kuh lasr, Mwet in Molwelah lasr, ac finsrak lasr. Kuht fin luhlahlfongi in El, El fah oruh kuh luhn nguhn yohrohsr in fal nuhke ma upac nuhkewa kuht puhlakihn. Nga fahkwack ma inge ke ine muhtahl luhn Jisus Kraist, amen.