Oruh Ip Kunom ke Insiom Nohfohn

Puhla luhk ke mishin in sohk inge mwe ahkacsmakihn yohk srihpac se lah oraclah wo ke oacna sie ma—finne in sohk, kal, yok, kuh etuh ma uh—enenuh pacl in sifacna lutlut ac ahkpah.

Kom ac kuh in sislah yac puhs in sruokyac ma se kom wo kac kuh ahkkapye sie talan. Kom ac kuh in orekmac upaclac suc el eklac ma na fihsracsr se lac sum. Tuh kom fin muh kom e tui tilac pracktis kuh stuhti, e wacngihnlac etuh ac suhmaht se ma kom tuh orekmakihn ac sislah pacl sacohk kac ah.

Ma se inge som nuhke ma kom wo kac oana luti kahs sasuc, srihtaclkihn kuhfwen mwe on, ac us aksohk. Orekmakihnyuck pac in eklac mwet tuhma lutlut luhn Kraist.

In ahkuhtweyac fihsracsr, mwet tuhma lutlut enenuh in sifacna karuhnguhlosyang.

Tiac ma fihsracsr se, ac tiac sifacna sikyak.

Luhlahlfongi ke Jisus Kraist el mwe sang se, tuhsruhk in eis kac pa sie sulwaclah fokoko ma enenuh sie olwelah ke “insiac, nuhnak, ac kuhiyacsr” kewa. Mwe ahkpah se ke lwen nuhkwewa. Ao nuhkwewa. Ac enenuh inswacnweacng lutlut ac sang insiac in sun finsrak sac. Luhlahlfongi lasr, suc pa suhnak lasr nuh sin Mwet Lahngo, fokokoi ke srihfeyuck ke ma upac kuht sun fin facl se inge. El kuhtanglah ke srihpen kuht tiac tui in ahkmongoi, kuht orekmakihn na, ac kuht tiacna fuhlweack.

Tuhsruhk, kuht fin tiac orekmakihn luhlahlfongi ac kuh in ekuhllah sac in oraclah, ac eklac srihkeni etuh lasr ke ma kuht etuh met muh muhtahl—srihkeni luhlahlfongi ke ma kuht tuh etuh met muh pwacye.

Mwe sruhf ma tiac kuh in srihfwe kuht uh muhtwacwacack in liyeyuck muh wolac ac askuhlacna.

Usrwen testimony ekweah ah kuh in fihsrihk kuht ke kihtin pacl na. Enenuh in tiac tui taunyac in muh fihrihr na fokoko.

Ke Wuhlweacng Sasuc, Mwet Lahngo El luti puhpuhlyuck se ke mwet kol se ma sang nuh sin kais sie mwet kuhlwacnsap lal sie kunohkohn yohk srihpac—sie luhpan mani pahngpahng talan. Mwet kuhlwacnsap ma lahlmwetmwet in orekmakihn talan la ah ahkyohkyelihk. Mwet kuhlwacnsap se ma pihkihnyac talan lah ah itucklac sel.

Mwe Luti? God El use nuh sesr mwe sang—luhn etwacack, luhn kuh in mukuikui, luhn pacl wowo—ac El luhngse kuht in orekmakihn ac ahkyohkyelihk in muh kuh in ahkinsewowoye kuht ac ahkinsewowoye tuhlihk Nahtuhl sahyac. Ma ingacn ac tiac sikyak kuht fin fihliyac mwe sang ingacn fin mwe fihl oacna in trophy se kuht luhngse ke pacl nuhke pacl. Mwe sang lasr uh yohkelihk ac puhseni fin kuht orekmakihn.

“Tuhsruhk Elder Uchtdorf,” sahp kom e fahk muh, “Wacngihn mwe sang kuh talan luhk—kuh, wacngihn seltahl yohk srihpac.” Sahp kom liye mwet sahyac ma etweyuck ac suhmaht ke ma elos oruh ac kom puhla muh kom tena apkuhran nuh selos. Sahp kom muh ke facl se met ah, ke lwen in mwe sang sacohk ac talan pucspucs ah, ahluh lom ah oacna in oalal— yohkiyac na kapsra nuh ke ahluh luhn mwet sahyac ah nwacnwaclah ac kahk.

O, nga arulacna finsrak nga kuh in sruokowi ac kahsre kom in kahlwem ke ma pwacye se: Kom mwet ahkinsewowoyeyuck ke kahlwem, tuhlihk nguhn se nuhtin God ma pahtpaht. Ac kom us na wi kom sie mwe finsrak ma som ahluhkelah ma kom kuh in nuhnkuh.

Oacna ke sihmlac ke poet, kom tuhkuh nuh facluh “us ma wolacna”!

Muhtacwacyacn moul lom an oreklac sin God, ac oacyacpac sahflahiyac an. Kom sislah kuhsrao in tuhkuh nuh inge, tuhsruhk kuhsrao tiac siskom lac!

Kom pa ma nuhkwewa ac kom fal.

Oasr mwe sang utuckot lom!

Ke Doctrine and Covenants, Leum El fahk:

Puhslac mwe sang, ac nuh sin [mwet] nuhkwewa ituckyang mwe sang se ke Nguhn luhn God.

“Nuh sin kuhtuh ituckyang ma se, ac nuh sin kuhtuh ituckyang sie pacna, [ac] mwet nuhkwewa in eis woiyac.”

Kuhtuh mwe sang lasr inge sihmlac asr ke ma suhmuhslah. Puhslac ma tiacna.

Oacna ke mwet pahluh Moroni el fahk, “Nikmet lahfwekihn mwe sang luhn God, tuh ma inge puhslacna; ac ma inge tuhkuh sin God sepacna inge.” Elos sahp tuhkuh ke “ohiyac puhs … ; tuhsruhk God sepacna inge pa oruh ma inge nuhkwewa.”

Sahp e pwacye lah mwe sang luhn nguhn lasr uh tiac pwengpweng pacl nuhkwewa, tuhsruhk tiac kalmac pa tiacna yohk srihpac. Nga kuh in akacsruhi nuh suwos kuhtuh mwe sang luhn nguhn nga akihlen sin mempucr fin facluh nohfohn? Nuhnkuh lah kom ac nuh ahkinsewowoyeyuck tari ke ma se kuh puhs liki mwe sang inge:

• Ahkkahlwemye pahkomuhta.

• Akihlen mwet ma pihlesreyuck.

• Sokwack srihpac in engan.

• Mwet ahkiwe mwet uh.

• Akihlen ma usrnguck srihsrihk.

• Sang kahs in kaksak ke pwacye.

• Nuhnak Muhnahs.

• Auliyak.

• Kampare nuhke sahflah.

• Ahkuhtweyac in fihsracsr ma uh.

• Kuhpahsr nuh sin tuhlihk.

• Ahkkweye mwet kol ke Alu.

• Kahsruh mwet sahyac in etuh lah elos mempucr kac.

Sahp kom tiac liye mwe sang inge srihpsrihpyak ke ward talent show. Tuhsruhk nga finsrak kowos in akihlen yohk srihpac lalos nuh ke orekma luhn Leum lah oacna kom tuh kahlyac fuhkah, ahkinsewowoye, kuh finne molelah sie tuhlihk nuhtin God ke mwe sang lom ingacn. Esam lah: “Ke ma srihsrihk ac fihsrwacsr, ma yohk tuhkuh kac.”

Ke srihpac se inge lwelah kuht in oruh ip srihsrihk kunacsr.

Tamuhlwel ac tahmtahel sacohklacna wiyuck, kawuck, nga pruhe tuh Nguhn fah kahsre kom in akihlen mwe sang ac talan ma God El usot nuh sum. Ke mainge, lwelah kuht in, oacna mwet kuhlwacnsap wowo ke puhpuhlyuck luhn Leum, ahkyohkyelihk ac ahkpuhsyelihlk.

Lwen sac fah tuhkuh ke kuht e tulac ye muhtuhn Pahpah pahkomuhta tuhmasr Inkuhsrao in fahkack ma kuht oraclah ke kuhlwacnsap lasr. Elac ke etuh lah meac kuht oruh ke mwe sang El use nuh sesr inge—kuh, kuht orekmakihn fuhkah in ahkinsewowoye tuhlihk Nahtuhl. God el etuh lah suc kuht uh, suc kuht luhmweyucklac in oacna, na oruh ma El enenuh sesr uh yohk.

Tuhsruhk El tiac motko kuht in eis ke, puhlaik yohk, kuh mwet fokoko in sun acn ingoh. Ke facl se El oraclah inge, kapkapwack sikyak kahkahsrihk ac muhtweng—tuhsruhk oacyacpac in orek pacl nuhkwewa ac tiac fuhlweack.

Esam, Jisus Kraist pa oraclah tari ip luhn mwet fokoko ke El kuhtanglah misac ac ma koluk.

Ip kunacsr pa in fahsr tukihn Kraist. Ip kunacsr pa in forlah liki ma koluk, ngwet nuh sin Mwet Lahngo, ac fahsr ke inkacnek Lal, step se ke pacl se. Ke kuht oruh ohinge, ke oaru ac luhlahlfongi, kuht puhkuhllah kutkut luhn ma sesuwohs ac tahfonglac lasr ac kahkahsrihk na ahknwacsnwacsyeyucklac, ne ke sun lwen askuhlacna se ma kuht fah nwacsnwacslah yurin Kraist.

Mwe insewowo ahkolah tari. Olwelah inge oasr tari. Sruhnguhl ah ikack. Ma lasr in sulwaclah in utyak ac muhtacwacack.

Muhtacwacack sac sahp srihk. Tuh Wona.

Ke luhlahlfongi uh muhnahs, muhtacwacack ke finsrak se ke Kraist Jisus ac kuh Lal in ohllah ac ahknwacsnwacsyelah.

Pahpah tuhmasr El siyuck kuht in suk mwe srihke inge ke luhlahlfongi in tiac oacna atacn mwet muhtwacta tuh in oacna mwet luhlahlfongi na pwacye ma tuh som liki acn Babylon ac akiyac insiaclos, nuhnkaclos, ac fahsr nuh met nuh Saion.

Kuht etuh lah kampare lasr sifacna tiac kuh in oruh kuht in celestial. Tuhsruhk eltahl kuh in oruh kuht in luhlahlfongi ac olweacng nuh sin Jisus Kraist, ac El kuh in oruh kuht in celestial.

Ke srihpen Mwet Lahngo sacoklacna lasr, wacngihn na pwacye sie ma tiac kuhtangyucklac. Fin kuht fihliyac finsrak ac luhlahlfongi in El, kuhtanglah lasr e sikyak. El olwelah nuh sesr lwelah nuhke Fokokoiyacl, kuh Lal, ac luhng kuhlwacng yohklacna Lal. Kais kuhtuh step, kahkah srihsrihk, kuht fah kihluckyang fototoeni nuhke lwen luhlahp ac wolacna se ke kuht fah muhta Yohrohl ac mwet kuht luhngse ke facl wolacna ne tok.

In sun acn ingoh, kuht enenuh in oruh ip kunacsr misenge ac lwen nuhkwewa. Kuht kuloh ke step ma kuht eis ekweah, tuhsruhk kuht tiac tui insacn. Kuht etuh lah srackna loeslac acn kuht e fahsr nuh we, tuhsruhk kuht tiac lwelah ma ingacn in tulokihn kuhti.

Pa ingacn srihpac lasr uh—ekihn mwet fahsr tukun Kraist.

Nga kwacfe ac ahkinsewowoye mempucr nuhkewa ke Alu uh, in luhlahlfongi ke Mwet Lahngo ac orekmakihn, muhtweng ac kwacfeacng, in oruh ip kunom ke insiom nohfohn—tuh engan lowos an in nwacnwaclah ac ke, sie lwen, kom fah eis ma nuhkwewa ma oasr yurin Pahpah. Ke ma inge nga fahk mwe loh luhk ke inen Jisus Kraist, amen.