Ac Inge Nga Liye
Orekma luhn Puk luhn Mormon ke moul luhk tiac srihk liki ma usrnguck se ke acni ac fohk se ma ituckyang nuhke muhtuhn mwet kun sac.
Ke luhngse wacngihn sahflahiyac kuht nuhkwewa esam sramsram lal Oaks ke misac lal Prestuhn Russell M. Nelson ah. Ac ke luhngse ac ahsor, kuht nuhnkuh pac ke ma upac sikyak fin acn Michigan ke pacl fototo tari ac apkuhran in lwen nuhkwewa fin facluh nohfohn. Kuht akihlen ma inge ke luhngse ac luhlahlfongi ke Leum Jisus Kraist.
Ke Sapta ahkyuc ke Puk lal John el sihmihs ke ma tuh sikyak nuh sel Jisus ac mwet tuhma lutlut lal ke eltahl sun sie mwet kun e kena el isuslac ah, sisken sie mwet nguhsr. Ma inge oruh mwet tuhma lutlut in siyuck sel Jisus kihsensiyuck lah mas luhn mwet kun sac tuhkuh oyac. Leum el tohpkohltahl ke el oruh ma na srihsrihk se ac oacyacpac ahklut se. El acnilac nuh infohk uh ac ahruhkwack kihtin fohk ah kac. Na El sang fohk sac mosrwelah muhtuhn mwet sac, ac sapkihn nuhsel in som twacnlah muhtahl ke luhluh in kof Siloam. Ma inge kwewa mukul kun sac ahkos oruh ac “tuhkuh [ma sikyak] el kuh lac in liye,” ma suhmuhslah uh fahk. Fuhkah yohk sripaciyacn mwe ahkpwacye uh, oacna lainyen finsrak kuh amacin kuh ahkkoluk ma sang lain ma pwacye uh.
Tusruhk, ma usrnguck se inge sulpacna oraclah fohs ke Jisus El tuh in ahkkolukye wal fuhlwact lalos, pwacnwacng elos tuyang nuhsin mwet se ma kuh lac in liye ac fahk ke kasrkuhsrak, “Kuht etuh lah [Jisus] el mwet koluk se.” Mukul sac lohng ma elos fahk ke kihtin pacl, na el fahk, “Lah el mwet koluk se kuh tiac … , , Nga tiacna etuh: [tuhsruhk] ma sefanna nga [arlac] etuh uh, … nga tuh sulongihn met, ac inge nga liye.”
Jisus el sang kalmac se met nuhke ma se sikyak inge, fahk nuh sin mwet tuhma lutlut Lal lah ma inge kwewa sikyak “tuh orekma luhn God enenuh in ahkkahlwemyeyuck.” Esam lah pacl luo ke sramsram soko inge orekma luhn Mwet Lahngo tuh motkwoeyuck oacna ke “ahkmuhsraelah” muhtuhn mwet kun sac, sie mukuikui ahksahfyeyuck ke owolac. Ahkuhtweyac se inge ke “orekma luhn God [ma] tuh orekmlac kahlwem” ahkkahlwemye ke sie sikyak luhn akwuck.
Sie ma pwacye ma kahlwem uh pa ma Mwet Oraclah kuhsrao ac facluh ac ma nuhkwewa kacltahl orekmakihnyuck in sang oraclah ma usrnguck se inge: acni ac kihtin na fohk! Ma tiac arlac orekmakihnyuck inge fahkwack lah God El kuh in ahkinsewowoye kuht ke oacna sie inkacnek El sulaclah. Oacna ke Naaman el sruhnga Infacl Jordan kuh ke tuhlihk nuhtin Israel elos sruhnga liye serpent soko fin sahk soko ah, fuhkah fihsrwacsriyac sesr in pihlesruh ma ke moliyucklac lasr ke srihpen ip se ac mukuikui se tiac kahto in liyeyuck.
Tuh kuht esam ke Puk luhn Mormon lah kuhtuh ma uh kwewana fihsacsr ac sacohk ac met liki isuslac luhn Jisus, ac fah palyeyuck muh “Wangin ma wo kacl, ku ma fal in pwen mutasr nu sel. Wangin ma oru kut in ke apkuran nu yorol.” Pacl ekahsr God El suhpwaclah mwe fahkwack lal inge sin Prestuhn luhn Rilif Sosaiti sasuc se kuh sie tuhlihk mukul tiac lutlut ke imac se fin acn New York kuh sie misineri sasuc kuh sie tuhlihk fuhsr lun sie manger.
Na meac fin top nuhke pruhe lasr uh tuhkuh ke fihsracsr kuh ke inkacnek tiac kahlwem? Yac kuht kena karihngihn, in srihke in moulkihn wosasuc luhn Kraist finne fuhkah luhpan acni ac fohk ma utuckuh nuh sesr uh? Sahp e tiacna kahlwem sesr lah meac sikyak kuh efuh, ac, ke pacl nuhke pacl, kuht nohfohn e puhla kuhtuhsrihk oacna muhtwacn mahtuh se ma tuh fahk, “Leum, e fuhkah fin kom use sie mwe insewowo ma tiac wihklac?”
Nuhnuhk ke mwe loh ke siepac ma pwacye,, ma se inge ma ke pristut muhtahl. Ke el sihmihs ke muhtwacwacackiyen alu uh, rit Luke el suhmuhslah: “Na el pahngon mwet sap singucul luo lal ah in fahsrweni, ac sang nuhselos kuh ac wal,” mwe sang tiac ituckyang ke oraclah wowo lalos kuh ke facsin kuh usru. Elos tiacna ituckyang sin sie lutlut luhlahp kuh lutlut in orekma luhn alu. Elos ituckyang muhkwena in fihliyac paho fin sifac sin sie suc oasr wal fihliyucki tari facl ke sie akwuck ma tahkihnyucklac fohlohk nuh yohrohl suc pa kuh fuhlwactlacna sac, Leum Jisus Kraist.
Ac ke alu se ma etuh ke mwe sang luhn pahkotwen, yac ac tiac siepac mwe ahkpwacye wolacna luhn alu sacn in liye mwe insewowo ac wuhlweacng som nuh sin mwet wiacsr ma misac, elos ma sucu lasr suc som liki kuht tari? Kuh elos ac eis mwacta ke srihpen elos tiac eis wosasuc kuh ke sripen elos isuslac ke puhlan pacl kuh ke acn se ma akwuck muhtahl ac wuhlweacng uh tiac oasr yohrohlos? Ke Alu luhn Jisus Kraist luhn Mwet Luhlahlfongi ke Lwen-sahflah oasr lohm muhtahl, ma kihsaclah nuh sin Leum ke pahkotwen, in oruh orekma luhn mwet sahyac lwen nuhkwewa nuh sin mwet misac inge, weacng pacna in sang pacl wowo in alu ac oruh akwuck muhtahl nuhsin mwet ma moul. Ke etuh luhk, mwe ahkpwacye ke ma pwacye luhn God, lungse yohk Lal nuh sin mwet moul ac misac tiac liyeyuck ke acn sahyac fin facluh—sahyen sie alu ma ahkkahlwemye ma pwacye ke ohiyac se inge: Alu luhn Jisus Kraist luhn Mwet Luhlahlfongi ke Lwen-sahflah.
Pacl se emet luhk in liye, use moul nuh sihk ke mwe ahkpwacye ke ma pwacye tiac tuhkuh ke kihtin fohk kuh luhluh in kof Siloam Moh, ma orekmakihnyuck ke ma pwacye ma use ahkkweyelah luhk sin Leum tuhkuh oacna sra puk, ahok, Puk luhn Mormon: Siepac Wuhlweacng luhn Jisus Kraist! Ma sikyak ke puk se inge tuh ahkkolukyeyuck ac pihlwesrweyuck sin kuhtuh met tiac luhlahlfongi, kasrkuhsrak kac apkuhran nuhke ahngyahng lalos ma fahk nuhsin mukul se ma onweyucklac ah lah el tiac kuh in puhlakihn ma el etuh muh elpuhlakihn.
Ma se inge ahkkolukyeyuc lah ohiyac se ma puk se inge tuhkuh in oruh tuh tiacna orekma, suhlahlahlfongi, ahkmwekihn, kuh finne tiac muhtahl. Ingena, pa ingacn kahs upac sin mwet ma luhlahlfongi muh etuh ohiyac se puk sac tuhkuh in oruh, fin pa mwe ahkuhtweyac ituckyang ke ohiyac ingoh tuh lwenglah “ke mwe sang ac kuh luhn God.” Pa inge! Pa ingacn kwewa. Ke oacna sie ohiyac, orekma luhn Puk luhn Mormon in moul luhk uh tiac srihk liki ma usrnguck se ke acni ac fohk se ma ituckyang nuhke muhtuhn mwet kun sac. Nuh sihk, el pa, osra soko in karihngihn moul luhk, pa kahlwem ma use fwackyuck, pa tohlwack innek nga enenuh in fahsr kac ke pacl ohkohk in lohsr tuhkuh uh. Ac pwacyena sikyak ma inge, ac pwacyena lah e sifil sikyak.
Ac use kahlwem se ma utuckuh nuh sihk ke luhngse ac molwelah luhn Mwet Lahngo, nga ahkacsruhi nuh sum mwe loh luhk, ahkpwacye inge oacna ke pahpah ninac kiacn mukul tuhfahna ahkinsewowoyeyuck sac fahk lah mukul nahtuhlos in lohngyuck ke srihpen el “matwac fal.” Ahok, nga pac. El oasr ke matwac fal se in luhlahlfongiyuck, eltahl etuh tuh tiacna fahk. Ahok, nga pac. Mahlwem luo luhlah na nga sun puhtte ahkalngucul limekohsr luhk. Nga apkuhran nuhke misac ac fohlohk. Nga tuh fahsr wi tohkohsrah ac mwet pahluh, wi prestuhn ac mwet sap. Wo liki nuhkwewa, oasr pacl nga puhla sesseslah ke Nguhn Muhtahl luhn God. Nga luhlahlfongi muh mwet loh luhk uh enenuh in ituckyang fiinne in nuhnkweyuck inge.
Ingena, Tamuhlwel ac tahmtahel, nga tuhkuh nuhke luhlahlfongi kuh in nguhnihk lah Alu luhn Jisus Kraist luhn Mwet Luhlahlfongi ke Lwen-sahflah el alu pwacye se fohlohkihnyuckyak ke Wuhlweacng Sasuc—ac kuhtuh pac—ke srihpen nga tiac kuh in lahfwekihn mwe ahkpwacye ke fohlohkihnyuckyak sac. Ke ma sikyak emet ah, sahp oasr yuruk sie tausin— singucul tausin?—kuhtuh pac mwe ahkpwacye lah ma nga sruhmuhn misenge inge pwacye. Ke ma inge yohk engan luhk in wi kawuck se luhk tuhkweni fahsr inkacnek Jerusalem, ke puhsra muhnahs luhk nga yuck:
Ke inen Jisus Kraist, amen.