Wacngihn Sie Muhkwena Muhta

Ke yac 50, nga tuh lutlut ke facsin, wi pac facsin ke alu uh. Nga muhtwacwacack ke fohrtun kukis.

Fin acn San Francisco Chinatown, mongo in ekuh luhn sucu Gong ahksahf ke fortune cookie[fohrtun kuki] ac ke sie kahs lahlmwetmwet oacna “Sie fuhfahsryucsr ke tausin mael muhtwacwacack ke step srihsrihk se.”

Ke nga mwet fuhsr, nga tuh orek fohrtun kuki[kuhrackuhs asr sihm loac]. Orekmakihn klof kuhtin fasrfasr, nga luhmwacni ac kotweyac in oraclah atacn kuhrackuhs raun fol ma tuhkuh liki ohfen ah.

Mwe lut nuh sihk, nga etwacack lah fohrtun kukis tiac ma ke ipin facsin emet luhn Mwet China{Sacni} ac. In sokwacak kuhtuh ma tiac oacna sie ke fohrtun kukis luhn Mwet China, Mwet Macrike, ac Mwet Europe, nga suk fohrtun kukis ke muhtuhnfacl pucspucs—oacpacna ke sie fah orekmakihn acn pucspucs in oraclihk sie e in imac uh. Chinese restuhracn fin acn San Francisco, Los Angeles, ac New York kihte fohrtun kukis, tuhsruhk tiac fin acn Beijing, London, kuh Sydney. Mwet Macrike muhkwena ahkfuhlwactye National Fortune Cookie Day. Acn China muhkwena oruh ahkuhtweyac lalos ke “Authentic American Fortune Cookies.”

Fohrtun kukis el pwacr, ac fihsacsr. Tuhsruhktuh ip yohk se pacna in kapsruh orekmakihnyen facsin ke kain in atac kuh in kahsre kuht in akihlen ma tiac oacna sie ke facsin luhn wosasuc. Ac inge Leum El acse ohiyac sasuc in luti ke facsin luhn wosasuc oacna Puk luhn Mormon ahkuhtweyac ac puhpuhlyuck luhn mwet pahluh ke Wuhlweacng Sasuc ahkpwacyeye.

Yen nuhkwewa mwet uh som liki acn selos. United Nation ripohrti 281 miliacn mwet tuhkuh liki acn selos. Ma se inge puhs liki miliacn 128 mwet ke 1990 ac pacl tolu motkwoeyuck muh puhs liki ke 1970. Yen nuhkwewa, ma suhmuhslah ke mwet forlah elos konwacack Alu luhn Jisus Kraist luhn Mwet Luhlahlfongi ke Lwen-sahflah. Sacnri nuhkwewa, mempucr ac kawuck ke kain in acn 195 tuhkweni nuh sie ke acn in toeni 31,916 luhn Alu uh. Kuht sramsram ke kahs 125.

Pacl fototo somlah, fin acn Albania, North Macedonia, Kosovo, Germany, ac Switzerland, nga tuh mwet loh kacn mempucr sasuc ma ahkpwacyei ahkuhtweyacn sahk olive lun Puk luhn Mormon. Ke Jacob 5, Leum luhn imac in grape ac mwet kuhlwacnsap Lal ahkfokokoye kwewana okah ke sahk olive ac lah kac ah ke elos oracni ac kapsreni nuh sie ma tuhkuh ke kain in acn nuhkwewa. Mihsenge tuhlihk nuhtin God tuhkweni nuh sie ke Jisus Kraist; Leum el kihsaci ma wowo se in ahkyohkye fohnlah luhn moul lasr ke wosasuc fohlohkihnyuckyak Lal.

Ahkoekuhtlac nuhke tohkohsrahi inkuhsrao, Jisus el sruhmuhn ke sie puhpuhlyuck ke kuhfa luhlahp ac kuhfwen macruht sac. Ke puhpuhlyuck inge, mwet ma suliyuck inge sukok srihpac in tiac tuhkuh. Mwet leum sac sapkihn mwet kuhlwacnsap Lal in “sulaklak fahla nu pe inkanek uh ac nu inmasrlon lohm in siti uh” ac “inkanek in ima u ac acn pac likin siti uh” ac “pwanma” mwet sukasrup, mwet sukapas, mwet kun, ac mwet ul. Sruhmuhn ke ma kawihl, kais sie sesr pa ingacn.

Ma suhmuhslah ahkkahlwemye:

Muhtuhnfacl nuhkwewa ac fah suliyuck nuhke sie kuhfa ke lohm sin Leum.

Kom in ahkolah inkacnek luhn Leum, … tuh tohkohsrahi lal fah tuhkuh nuh fin facluh, tuh mwet uh in kuh in eis kac, ac in ahkolah nuhke lwen ac fah tuhkuh.”

Mihsenge elos ma suliyuck nuhke kuhfa luhn Leum tuhkuh ke acn ac facsin nuhkwewa. Mahtuh ac fuhsr, kahsruhp ac suhkahsruhp, ma acn sum ac facluh nohfohn, kuht oruh tuhkweni in Alu lasr uh oacna nien toeni se ke acn kuht muhta we.

Ekihn mwet kol luhn Mwet Sap, Peter el liye kuhsrao ikacslah sie aruhruhma ke “sie kaot na lulap, kukla ke sruwasrik akosr kac ah nu faclu, … suc sesseslah ke kain in … ma orakrak.” Peter el tuh luti: “Inge nga akilen lah pwayena God El oru mwet nukewa oana sie. … Kutena mwet su sangeng [sin Leum], ac oru ma suwohs, God El insewowo sel, el finne tuhn fuka ku mwet oya.”

Ke puhpuhlyuck se ke Mwet Samaria wowo sac, Jisus el suli kuht in tuhkuh nuh yurin sie sin sie ac Yohrohl nuh iwen monglac Lal—Alu Lal. El suli kuht in mwet tuhlan. Mwet Samaria wowo sac olwelah in fohlohk ac ahkfalyelah kahsruh orek nuh selos ke iwen monglac Lal. Moulkihn wosasuc luhn Jisus Kraist wi oraclah acn ke Alu fohlohkihnyuckyak Lal.

Nguhn se ke acn luhn “nien mongo” weacng pac “wacngihn sie muhkwena muhta.” Ke kom tuhkuh nuhke alu uh, kom fin liye sie mwet muhkwena, kom kuh in nuhnak muhnahs paenguhl ac weluhl muhta? Ma se inge sahp tiac facsin lom. Ngetnget kuh sramsram kuh mwet sac sahp e siena liki kom. Na pwacyelah, oacna ke sie fohrtun kukis fahk, “Sie fuhfahsryucsr luhn kawuck ke wosasuc ac luhngse muhtwacwacack ke hello se emet ac wacngihn sie muhkwena muhta.”

“Wacngihn sie muhkwena muhta” kuh pac in muh wacngihn sie muhkwena muhta ke ma el puhla kuh ke ma kawihl. Nga wi pahpah muhsahllah insiac se in muhtwacta nuh yurin wen se nahtuhl. Yac somlah, wen sac tuh engan in eklac sie tikin sasuc. Ohiyac se inge oruh sucu lal ah molwelah fahluhk sasuc se emet lal.

Tuhsruhk ke alu ac, tikin ac isrucnuhl. Fahluhk lal ah sasuc, tuhsruhk tiac stael pwengpweng se. Mwekihnlac ac ngalyak, tikin sasuc sac fahk muh elac fah tiacna sulpac som nuhke alu ac. Insiuck srackna ngal ke srihpacl ac sucu lal ah.

Ke inkacnek sensen nuh Jericho, kais sie sesr tuh isrucnyuck, ahkmwekihnyeyuck ac ahkngalyeyuck, sahp ahksruhksruhkyeyuck kuh ahkolukyeyuck. Ac ke kain in srihpac puhs, kais sie sesr oacyacpac pihlesreyuck, tiac akihlenyuck kuh lohngyuck, sahp sukok srihpac in ahkkolukye mwet sahyac. Pwacyena lah ke srihpen ahkngalyeyuck kuht ac ahkngalyeyuck pac mwet sahyac oruh Jisus Kraist el uskuhtme nuh iwen monglac Lal. Ke Alu Lal, ac ke akwuck ac olwelah Lal, kuht tuhkweni nuh sie sin sie ac nuh sel Jisus Kraist. Kuht luhngse ac luhngseyuck, kuhlwacnsap ac kuhlwacnsuhpweyuck, nuhnak muhnahs ac kuht eis nuhnak muhnahs. Nuhnak muhnahs esam, “wacngihn ahsor luhn facluh ma kuhsrao koflah unwelah”ma toasr luhn facluh muhlahlahi—engan luhn Mwet Lahngo lasr pwacye.

Ke 1 Nephi 19, kuht rit: “Finne God luhn Israel [eltahl] tuh longyac ye niaclos; … elos wackuhl. … Ohinge elos sruhngluhl, ac El kweok kac; ac elos kalyeiluhl, ac El kweok kac. Ahok, elos acnwel, ac El kweok kac.”

Kawuck se luhk Profesihr Terry Warner el fahk lah nuhnuhnkweyuck sac, ahkkeok, srihngsrihng, ac acniyuck tiac arlac sikyak ke pacl Kraist el moul in ikoac ah. Oruh lasr nuh sin mwet sahyac uh—yohk na nuh selos suc masrinsracl—maluh, elos ma muhkahimtaclah, pa oruh lasr nuh Sel uh.

Ke Alu fohlohkihnyuckyak Lal uh, kuht nohfohn puhla wo ke wacngihn sie muhkwena muhta uh. Lwelah kuht in tiac kahsruh muhkwena kuh insese nuhkac. Lwelah kuht in pwacngack ke pwacye, akihlen, kuhlwacnsuhpuh, luhngse. Lwelah kais sie kawuck, tahmtahel, tamuhlwel in tiac sie mwet fahsr kuh mwet sac tuhsruhk in tuhlihk se lohm ah.

Mihsenge puhs mwet puhla suhpwacr ac srenglah. Social media ac artificial intelligence kuh in oruh kuht ke fototo nuh sin mwet ac kahl luhn mwet. Kuht luhngse lohng puhsren kais sie. Kuht luhngse ohiyac wowo ac kuhlwacng.

Oasr srihpac puhs ma kuht ac puhla muh kuht suhfal kac ke alu ac—pa nuh ke, sramsram mwena luhmah, kuht muhkwena muhta. Sahp kuht elyah ke lihkihn puhsracsr, nuknuk, ohiyac luhn sucu. Sahp kuht puhla suhfal, folin paip, suk ahknacsnacs; fahsrelihk liki mwet se ac puhla ngal ac mwekihn; elyah ke ma se kuh masap ke Alu uh. Sahp kuht lolacp, fahsrelihk, kuh katinmas. Tuhlihk nahtuhsr uh wohwohn; wacngihn tuhlihk nahtuhsr. Kuht tiacna kuhlwacnsap ke misin kuh sana fohlohk nuh lohm ah. Tahk soko ah som sokolac.

Mosiah 18:21 suli kuht in oracni insiacsr nuh sie ke luhngse. Nga suli kuht in ahksrihkye elyah, ahksrihkye nuhnuhnkuh, in ahksrihkye sapkuh nuh sin mwet sahyac—ac, ke pacl enenuh, in kuh in ahkfihsracsrye nuh sesr sifacna. Kuht tiacna oraclah Zion ke lwen se. Tuhsruhk kais sie “hello,” kais sie pwacngak kuhlwacng, use Zion fototoeni. Lwelah kuht in luhlahlfongi ke Leum yohk ac sulaclah ke engan in ahkos masap Lal nuhkwewa.

In mwe luti, ke un mwet luhlahlfongi ac asruoki luhn Mwet Luhlahlfongi, wacngihn sie muhkwena muhta ke srihpen wuhlweacng lasr ke Jisus Kraist.

Mwet Pahluh Joseph Smith el luti: “Fihliyucki nuh sesr in liye, wi oruh ac kahsruh in ahkfahsrye wolacna luhn Lwen-sahflah, ‘fihl se ke fohnlah luhn puhlan pacl … ,’ ke Mwet Luhlahlfongi luhn God fah fahsreni nuh sie ke muhtuhnfacl nuhkwewa, ac sruf , ac mwet.”

God “el tiac oruh kuhtwena ma sahyacn na ma in ahkinsewowoye facluh; … tuh elan kuh in pwacnlah nuhkwea mukul [ac muhtwacn] nuh Yohrohl. …

“… El suli elos nuhkwewa in tuhkuh nuh Yohrohl ac epeis ke ma wolacna Lal; … ac mwet nuhkwewa in oacna sie nuh sin God.”

Eklac nuh sel sel Jisus Kraist enenuh in wacngihnlac yohrohsr ma luhngse ac facsin luhn facluh. Oacna Prestuhn Dallin H. Oaks el luti, kuht in tiac orekmakihn kuhtwena ohiyac kuh facsin ma lain masap luhn God ac in eklac Mwet Luhlahlfongi Ke Lwen-sahflah. El ahkuhtweyac, “Oasr facsin luhn wosasuc sefanna, mwe nuhnak ac ma eneneyuck ac mukuikui ma eteyuck sin mwet nuhkwewa ke Alu luhn Jisus Kraist luhn Mwet Luhlahlfongi Ke Lwen-sahflah.” Facsin luhn wosasuc pa nuh ke in tiac kosro, wi alu ke wik nuhkwewa, tiac eis ke mwe sruhi, paip, ti, ac kohfi. Weacng pac suwohs ac orekma pwacye, etuh lah kuht fahsr nuh met tiac nuh lucng kuh ten, ke kunohkohn luhn Alu uh.

Nga lotwelah sin mempucr wowo ac kawuck ke acn nuhkwewa ac facsin. Lutlut ke ma suhmuhslah ke kahs pucspucs ac kain in facsin ahkyohkye etwacack ke wosasuc. Kain in mukwikwi ke ohiyen Moul in Kraist ahkyohkye luhngse luhk ac kahlwem ke Mwet Lahngo luhk. Kuht nuhkwewa ahkinsewowoyeyuck ke kuht ahkuhtweyac facsin lasr uh, oacna Prestuhn Russell M. Nelson el luti, oacna sie tuhlihk nuhtin God, sie tuhlihk nuhtin wuhlweacng, ac mwet tuhma lutlut luhn Kraist.

Mislac luhn Jisus Kraist ma nuh sesr kais sie. Pacl fototo somlah sie mwet fuhsr siyuck in etuh na pwacye, “Elder Gong, kuh nga srackna kuh in som nuh inkuhsrao?” El motko lah el kuh in eis nuhnak muhnahs. Nga siyuck inel, lohng in wo, sohlwacl in ohsun nuh sin pisap lal ah, asruhilac nuh sel. El fahsr ke finsrak kacl Jisus Kraist.

Nga sruhmuhn mwet fuhsr se inge ke sie pac tuhkweni. Tohkoh nga eis sie lacta tiac sainiyucki suc muhtwacwacack, “Elder Gong, nga ac muhtwacn kiuck uh tuhfahlah tuhlihk yuc … ac kuhlwacnsap ke misin luo.” Tuhsruhk “nga kwacna puhla muh nga ac koflah utyak nuhke tohkohsrahi celestial … ke srihpen ma koluk luhk ke nga fuhsr ah arulacna koluk!”

Lacta sac tuhtahflah, “Elder Gong, ke kom sruhmuhn ke mwet fuhsr sac eis finsrak ke nuhnak muhnahs, nga tuh sesseslah ke engan, muhtwacwacack in kahlwemwack lah sahp nga [kuh in eis nuhnak muhnahs].” Lacta sac sahflah, “nga sifacna luhngse nga ingena!”

Wuhlweacng in wi yohkwelihk ke kuht tuhkuh nuh yurin Leum ac nuh yurin kais sie in iwen monglac Lal. Leum El ahkinsewowoye kuht nuhkwewa ke oruh kuht tiac muhkwena muhta. Ac suc etuh? Mwet se ma kuht muhta siskac sahp ac muh eklac fohrtun kukis kawuck wowo se lasr emet. Lwelah kuht in puhsisacl in suk ac ahkolah acn Lal ac kais sie sahyac ke kuhfa luhn Lamb, pa pruhe luhk, ke ine muhtahl luhn Jisus Kraist, amen.