Ikacslah
Kuht ac ingena fahsr nuh met ke toeni luhlahp se ke tahfuhn yac inge, mukuikui placniyucklac tari ac weacng mwet sramsram ac on suleyucklac sel Prestuhn Nelson tukun mahlwem puhs ahkwoeyuck.
Tamuhlwel ac tahmtahel sacohk wiyuck, kuht ohsun ke ahsor ke misac lal Prestuhn Russell M. Nelson suc kuht luhngse. Nga sramsram nuh suwos ekihn Prestuhn luhn U luhn Mwet Sap Singucul Luo, suc pa kunohkohn se ahkkweyucklac nga nuhkac ke kais sie toeni ke ward, stek, ac toeni luhlahp ke yac itkohsr tahfuh somlah ah.
Kuht ac ingena fahsr nuh met ke toeni luhlahp se ke tahfuhn yac se inge, mukuikui placniyucklac tari ac weacng mwet sramsram ac on suleyucklac sel Prestuhn Nelson tukun mahlwem puhs in ahkolah. Ma sefanna ituckyang weacng pa inge, sramsram in ikacslah luhn ahkuhtweyac luhk, ac sramsram luhk ahol acn lal Prestuhn Nelson ke sahflahiyen toeni ke infulwacn lwen in Sacnri.
Pacl se emet ke sahp yac 75 ma Prestuhn se luhn Alu uh misac lwen ekahsr na met liki toeni luhlahp. Pahng se nuh sesr in placnwelah lah kuht ac kuh in oracni fuhkah ma eneneuh nuhke miting luhn mwet kol in kuhpahsryang nuhke toeni luhlahp oacpacna nuhke miting ke toeni luhlahp, ke pacl sac pacna plwacnelah aluiyen fihli lal uh in sa. Prestuhn Nelson el kahlwem ke yohk srihpac luhn toeni luhlahp in sang kolyuck nuh sin Mwet Luhlahlfongi ke mahlwem ekahsr fahsruh uh. Kuht ahkfuhlwactyacl ke kuht fahsr ke ma placniyucki tari nuh ke toeni se inge.
Ke pacl ahsor se inge, kuht tuh oraclah miting se in fahk kahs in wihlkacs nuh sel Prestuhn Russell M. Nelson met liki miting ke toeni luhlahp lasr ac oraclah alu in fihli lal uh in arulacna sa tukun toeni se inge. Ma inge nuhkwewa oreklac wi lwelah luhn sucu lal Prestuhn Russel M. Nelson ac U luhn Mwet Sap Singucul Luo ah.
Ke srihpen kuht nuhkwewa mwet ma kuneyucki in sramsram ke toeni luhlahp se inge luhngse eis pacl la in oraclah kihsen wihlkacs nuh sel Prestuhn Nelson, kuht tuh ngihsrwe nuh sin mwet sramsram nuhkwewa lasr in oruh kain wihkacs inge in fototo, in tiac ikolyac wihlkacs nuhke alu in fihli uh, suc kuht muhtwacwacack placni tari.
Kahs in wihkacs luhk sifacna—falyang nuhke toeni se inge ac nuhke wihlkacs kuht oraclah tari—pa inge: nga luhngse Russell M. Nelsonac ac yohk ma nga lotelah ke wosasuc ac ohiyen kol ke wosasuc sin kawuck mahtuh se luhk inge ac asruoki luhk nuh sel yohk likina mwet kol sahyac ma nga etuh. El mwe srihkasrak se nuh sesr ekihn sie mwet kuhlacnsap ac mwet fahsr tukin Leum Jisus Krasit. Ke ma inge nga fahkwack, ke inen Jisus Kraist, amen.