Me Chelechang E Ak Mla Mo Omes

El loba meral beltikelreng kede rongesii sel klemchel a President Oaks el kirel a kodellel a President Russell M. Nelson. E oba osisiu el beltikelreng me a klengit el reng, kede melchesuar sel kereior er a Michigan me a beluulechad rokir. Kede medengei aikal teletael e ultuil er a beltikelereng ma klaumerang er a Rubak el Jesus Kristo.

Sel etiu el bliongel er a Johanes a melekoi er sel omeruul el Jesus me a re oltirakl er Ngii el mlo ngelakl er a chad el di olengetngit, el mlechell el mikou. Me te mlorimel a re mesiungel loker ra Jesus a bebil ra meringel el ker ra klechelid, el kirel a uchelel me a mle uchul a ngelsengesel ngkal chad. A Mastang a ulenger sera rellii a beot e mechas a rengud er ngii el tekoi. Ngii a tilebar a chutem e kitir a kekerei el lurachem el rengul a chutem. E okor e ngiluu el chirtemii a medal ngkal chad, e dilu er ngii mel bol techelbii a medal er sel diosech er a Siloam. Ngika el meiko el chad a ultirakl el mo rullii e “lmuut el [mei] el mla mo omes,” a chedaol llechukl a melekoi. Ng klou a ututelel a ochotel a klemerang, el ileakl era ikel kuk di berrous malechub eng mondai malechub ng klengit el kirel a klemerang.

Ea, dektir er tial longasireng a luut el medechel leng ulektakt el Jesus a mla dersii el mengitechut a deruchellir, me tirkal cherreuel a Osobel a mlo mengedecheduch er ngika el chad el mlamo omes e mle kesib a rengrir e dilu el kmo, “Kemam a medengei el kmo a [Jesus] a mekngit el chad.” Ngikal chad a ulurrenges el telkib, e dulang el kmo, “Ng diak kudengei el kmong mekngit el chad … , ng diak kudengei: [engdi] tal tekoi [a] kudengelii, … el kmo ak mle mikou, e chelechang e ak mla mo omes.”

Ngii el Jesus a ulechotii a kot el belkul tial ues, e ulechais er a re oltirakl er Ngii el kmo tiang a dilubech “me bo locholt a klisichel a Dios el oureor er ngii.” Molebedebek el kmo erul taem er a chelsel tial cheldecheduch ea omerellel a Osobel a lulekoi er ngii el “chiltii” a medal ngkal chad el mikou, el omeruul el kirel mekedmokl lokiu a omelcholb. Tial omesodel “me a urellel a Dios [bol] mocholt ” a melutkl kirel a rellel a chemotang el chedaol ruoll.

A tara klemerang el ungil meues a ikel dongu el ngkel Ulmeob er a babeluades me a beluulechad a ulusbech el mo kudmeklii tial ongasireng: tub me a mui er a chimal el chutem! A ikaikid e kora diak a kmal ulsbechel klekedall a ouchais el kmo a Dios a sebechel lomekngeltengat er kid lousbech a ngidil teletael el Ngii a melilt. Ngdi uai a Naaman el diak el soal elmo ra Omuachel er a Jordan malechub e te bebil er a rengalek er a Israel dimlak el sorir lomes er ngkel bersoech el ngara kerrekar, meral sebechel beot er kid a obes er ngkel luchul a ngebetel a klengit le ngikel teletael el melutk el kirel a kora omekrur a belkul.

Ngdi kid a medengei el ngara Babier er a Mormon el kmo a bebil ra tekoi a bleketakl e kesiokel le sera uchelel ra cherelel a Jesus, eng mlulaoch el kmo “ngii a [dimlak] a ungil teletelel ma lechub eng klamiokel; el rullid me le [tab osenged] er ngii, ng dimlak a ngeral olechaumad el kirel e diak a ngeral ochau a rengud elmo re ngii.” Ng betok el taem ea Dios a ouchais er a klebokel el Klemechel lokiu er a dirke mlokedong el president er a Relief Society malechub eng diak a skulel el buik er a sers er a New York ma lechub eng tolechoi el ngara ongolel a charm.

Meng mekerang alsekum a nger er a nglunguched a mei eldi beot, malechub eng diak el blekeketakl a rolel? Kid ngarngii er a rengud a mo outekangel el kiei el ngara ebangkelio er a Kristo el diak el iior a klungel a tub me a rengul a chutem el lusbechall? Ng locha diak el bol bleketakl el merkid a ikel ngara mla meketmokl ma lechub e ngara uchul, ea cherengel a taem, e kid a mo melchesuar er kid el uai ngkel klou redil el odos el dilu, “Rubak, bai le borngii a klengeltengat el diak el berrotel a ngeiul?”

Momtab ersel lochotel a tara klemerang, tiang a kirel a chedaol priesthood. Sel loluchesel kirel a loleketek er a Ikelesia, ea omengiuel sel kot el kerbai ra Lukas a kmo: “E ngii a milekedongeterir a re teruich ma terul obengkel el mo kldibel e mesterir a klisiich ma omengedereder,” el sengk el dimlak el ngai lokiu ra ungil babilengir malechub eng mloterekokl lokiu a uldelid el siukang ma lechub eng cheroll. Ng dimlak el moterkokl leng ngulkiu ra skuul er a klechelid ma lechub eng chelechad kirel a klechelid. Te mlo terkokl eldi ulekiu sel lomor imorir ra bebul a btelul a chad el mlara chad loba ngerachel el ngiluu ra lemolm el lulech elmo re ngkel luchul a rokui el chedaol ngerachel, el Rubak el Jesus Kristo.

E ngara ikelesia el medengelii sel sengk er a klubechub, tiang ng bai diak el bol mengasireng el lochotii el kmo a Ikelesia el klemerang meng mesa ikal klengeltengat me a telbiil a mora re mla mad el rechedad, tirkel rechedal a telungalek er kid el mla mo dibus er a delongeled? Ti rekang kirir el mo mekelbus e leng dimlak el rengesii a ebangkelio ma lechub e te milechell er a taem malechub a basio el chedaol ruoll me a telbiil a dimlak el ngarngii me blol sebecherir el ngmai? A Ikelesia ra Jesus Kristo er a Uriul-klebesei el Santo a ngarngii a chedaol, el ulterkokl el blil a Rubak el ngarngii a klisiich el ngii a chubechub, lolsobel el ureor a longetmokl ra bekl el sils ma klebesei el kirir tirkal mla mad, me a dirrek el techall er a omengull me a rellel a chedaol ruoll el kirir a re direke kiei. A klemdengei er ngak, tial tokubets e lolchotel sel klou el beltikelreng er a Dios elmo ra re ngar me a re mla mad a diak el meues ra ngidil ker er a beluulechad—ngdi ngara di imol ikelesia el lolecholt ra klemerang er tial tokubets el tekoi: A Ikelesia ra Jesus Kristo er a Uriul-klebesei el Santo.

Sel mle kot el lulebok osengek er ngii, e mlo melchesuar el klengar el meral ngarngii el lolechotel a klemerang a dimlak el mei el lokiu ra omengedaol loba rengul a chutem malechub a diosech er a Siloam. Ng diak, sel dongu ra klemerang lulemsau ra mlo mekungil er ngak a mlara Rubak el mlei el babier, oi, sel Babier ra Mormon: Tiang a Dirrek el Louchais el kirel a Jesus Kristo! A rechad el loumerang er tial babier a mla modechelakl e motngakl ra rebebil ra diak el loumerang, a ikel ngasechereng eldi ua ikel mekngit el omelkingir tirkel chad el dilu er ngikel chad el mlo ungil el kmo ngii a dimlak el sebechel el melchesuar a ikel ngii a lodengei el blol lomelchesiu.

Ng mla betech tekoi el me rengak el kmo sel luchelel tial babier meng mlo rengii a diak el chelderodel, diak el klemerang, lomekrur, e dirrek el diak el chedaol. Sei, a meredes el cheldecheduch el mlara chad el di ngii el lomdasu el kmo a bo dodengelii sel uchelel e tial babier a mlo rengii, ea di tal lomsodel meng mlodars el kirel a ikel luchelel a kmo ngii a mlo iuud el “lokiu a sengk ma klisichel a Dios.” Tia kid. Ngdi ikang. Meng uaisei, sel klisichel er a chelsel a klengar er ngak er a Babier ra Mormon a diak el kekerei ra ongasireng ersel kuk omerellel a tub me a rengul a chutem el mlora medal ngkel mikou el chad. Ea, denguu er ngak, ng selbecheklel a renguk, ng medidiich llomes er a ocholt, el melidiich er sel rael el kirek el oiak ngii se lemei a ilkolk. E kmal sebecherir.

El mla meskak a ues el beltkil a rengul a Osobel me a mengikiid el krasia, ak meskemiu a sioning er ngak, el ungil delbodeb er tiang el diuai ngikel beches el mlukngeltengat el oungalek er ngika el chad el dilu el kmo a ngelekir a kirel mo morenges e lengii a mla mo “klou el chad.” Ma le uaisei, ngak mak dirrek. Ngii a mlamo klou el chad, tir a kmung. Ma leuaisei, ngak mak dirrek. Ng medechel a erul buil eng mo tansiobi er ngak me ak mo okai me a eim a rekik. Ak mla mo cherur a kodall e lmuut. Ngak a mla obengterir a re king me a re queen, re president me a re apostol. Ea kot lungil er ngii, e a bebil ra taem e ak mlo ulis el melechesuar a Chedaol Reng er a Dios. A kumerang el kmo a sioning er ngak a kirel el ta el mo ngara uldasu er tiang.

E, elechang, Rodam me a rodos, ng dmolech e ulterekokl a renguk el kmo a Ikelesia er a Jesus Kristo er a Uriul-klebesei el Santo a meral mloluut el ikelesia er a Beches el Renged— e lmuut te kung—ng diak el sebechek el otngakl a ikel locholt el er tial oluut. Me a ikel mle kot el omeruul el dilubech, a kelel bla bol telael a blak ngarngii—teruich el telael?—bebil er a olechotel a tekoi el ngii a bla kulekoi er a chelechal sils a klemerang. Uaisei el dmeu a renguk el mo teloi lobengkel ngkel sechelik el ngara rael er a Jerusalem, e okiu er tial mechetechetel ngor e mo mengitakl:

Loba ngklel a Jesus Kristo, amen.