Diak a Chad el Dengchokl el di Ngii el Tang

Ng mla mo okeim el rak, el kusuub a siukang, luldimukl er a siukang er a ebangkelio. A kulmuchel ngara fortune cookies.

Ngara San Francisco ra Chinatown, ea belsilir a telungalk ra Gong a lorekui er ngii el ngara fortune cookies me a ultebechel lomelekoi el kmo “A omerael el telael mael omuchel er sel kot el bakes.”

Se er ak dirk ngeasek, ak miruul a fortune cookies. Ak outebkuro becheleu, e meleu e omeob el mo chaibibeob a kata er ngii el cookies el dirk tilobed er a oven el mekekeald.

Ak kilebetiekl, lek mlo medengei el fortune cookies a dimlak lomuchel tebedechel a siukang er a Sina. Sel losiik er a klekakerous ra siukang er a Sina, Merikel, me a Europe ra fortune cookies, e ak kulsiik er a fortune cookies ra betok el beluu—eldi ua chad el lousbech a betok el basio lolkael el kirel a seseb er a oreomel. A blil a blengur ra Sina el ngara San Francisco, Los Angeles, me a New York olterau a fortune cookies, ngdi diak el likel ngara Beijing, London, malechub a Sydney. Tedi rechad er a Ngebard a Outkeu ra National Fortune Cookie Day. Ngdi tal Sina a omesterir a “Authentic American Fortune Cookies.”

Fortune cookies a omosiroi, e beot lokesiu. Ngdi ngosisiu el osisechakl lomekesiu a omeruul ra siukang lokiu a kakerous el teletael a sebechel ngosukid el dmangech a siukang er a ebangkelio. E chelechang a Rubak oldars a beches el techall el mo mesuub a siukang er a ebangkelio el ua ikel cheldecheduch er a Babier er a Mormon ma ulaoch el cheldecheduch el ngara Beches el Renged el mla dubech.

Ng bek el basio el rechad el di melukl. A United Nation ouchais el 281 milion el chad a melukl. Tial 128 milion a lmuut el betok el chad er sera 1990, e edei el taem er sel mle lidisel ra 1970. Ngara bek el basio, eng rekord lochur er a re mla bult losiik er a Ikelesia er a Jesus Kristo er a Uriul-klebesei el Santo. Bek el Chedaol Sils, ea rechad ra Ikelesia me a resechelirir el ngara 195 el milechell er ngii el beluu me a basio a mo dmak er a ikel 31,916 el ongdibel er a Ikelesia. Kede melekoi a dart ma luich ma eim el bedengel a tekoi.

Ak dirk mla ra, Albania, North Macedonia, Kosovo, Switzerland, me a Dois, el mle sioning ra re beches el chedal a Ikelesia lotutii sel cheldecheduch er a olive tree. Ngara Jacob 5 , ea Rubak er a sers me a re Mesiungel a melisiich er a risel a kerrekar el olive me a rechelel el mengudel e omech el mo dmak a ikel ngara kakerous el basio. Chelechal sils ea rengelekel a Dios a kldibel tang el ngara Jesus Kristo; a Rubak a oldars a ngarngii el teletael el mo menglou a klengar er kid er a mla moluut el ebangkelio er Ngii.

Meng mengetmokl er kid el kirel a rengedel a babeluades, a Jesus a ouchais er sel okesiu el cheldecheduch ra klou el belsoil me a merengel a chebechiil. Ngara ikal cheldecheduch, a re blel siotai er tir el chad a millekoi a betok el tekoi el diak el sebecherir el mong. Ma mastang omekrael er a re mesiungel me “lorreched el merael mora ikel rael ma delibech el rael ra beluu” me a “meteu el rael ma ikel kakine” e “mngititerir el mei” ngkel chebuul, sechudel, chelemus, me a mikou. Mak melekoi el okiu ra Reng, tiang a kid el rokui.

A chedaol lechukl a kmul kmo:

“Bek el beluu a bol siotai er tir” el mo er sel “belsoil el ngara blil a Rubak.”

“Mkedmeklii a rolel a Rubak … ea klebkelel a mo mocholt el mo ra beluulechad, ma rokui el chad a mo mesang, e bom kltmokl el kirel a ikel sils el merael mei.”

Chelchal taem, e tirkel le siotai er tir el mo er sel belsilel a Rubak a mei el mla ra bek el basio me a siukang. Re chuodel me a rengeasek, merau ma chebuul, beluu ma beluulechad, kid a rulii a ongdibel er a Ikelesia el di mo uai a beluad.

Meng mle bdelul a re Apostol, a Petrus a milsang a babeluades el milkengii a ues er “a klou el sits a mlo imoim er a ikel eual ulebengelel, … mlar ngii er a chelsel a bek el bedengel a … charm.” Ngulsisechakl a Petrus: “Ak mocha medengei el kmo a Dios a meral di osisiu er a rengul a re bek el chad. … Ma chad er a ngidil beluu el medakt [er a Rubak], e meruul a melmalt, a diak el bol chitii.”

Ngar sel cheldechedechal ngke lungil Samaritan, a Jesus a siotai er kid el mo dmak a derta er kid me a Ngii el ngara blil—Ikelesia er Ngii. Ngii a olengit er kid el mo ungil tonari. A ungil Samaritan a yaksok el lmuut el mei e harau ra re milngetmokl er tirkel mla ra Blil. Kiei el ngara ebangkelio ra Jesus Kristo a uldimukl a meledaes er a basio el mora rokui er a chelsel a mla moluut el Ikelesia er Ngii.

Sel reng er sel “delmerab er a lengiil blai” a uldimukl ra “ngdiak a chad el dengchokl el di ngiltang.” Sel omei er a ikelesia, alsekum me ke mesang a chad el di ngiltang el dengchokl, kau ng sebechem el moutkeu e bom dengchokl lobengkel? Tiang a locha diak el siukang er kau. Ngkal chad a locha ngodech osengem me a diak longedecheduch el uai kau. E uaisei, el ua ikel lolekoi a fortune cookie, “A omerael el sechelei el ngara ebangkelio me a beltikel reng a omuchel er sel kot el doutkeu e diak a chad el dengchokl el di ngii el tang.”

“Ngdiak a chad el dengchokl el di ngiltang” a dirrek el belkul a diak a chad el dengchokl el di ngiltang er a uldesuel me a rengul. Ak ulebengkel a mle oumekikngit el reng el chedam el mlo oldingel er a ngelekel sechal. Bebil rak ruchei, e ngkal ngelekel sechal a kmal mle semeriar el mo beches el deacon. Tial tekoi a mle uldimukl a telungalk er ngii lomechar a mong meng kot beches el lorecherel.

Ng di sera le ngara ikelesia, ea re deacon a ulecherchur er ngii. A orecherel a mle beches, ngdi diak el chatter ra taem. Mlo merur e telmall a rengul, ngkal ngeasek el deacon a dilul kmo ng diak el luut el mora ikelesia. Ng dirk mekngit a renguk el kirel me a telungalk er ngii.

Ngara ikal hokorii el rael el mora Jericho, kede bek chad el bla locherechur er kid, mla mo chebechobel e mekngit a rengud, locha dirrek el mla muracheb malechub e kede mlodechelakl. E ngarngii a kakerous el teido ra omeruul, le kede bek el chad el dirrek el mla mo meterkakl, altang dimlak el meues malechub el morenges, e locha mlara rengud e tomall a rengrir a re bebil ra rechad. Tiaikid a uchul eng mekngit a rengud e mla tomall a rengrir a re bebil ma uchul a Jesus Kristo a obekid el mora Blil. Ngara Ikelesia er Ngii me a okiu a chedaol ruoll er Ngii me a telbiil, e kid a mei er a derta er kid me a Jesus Kristo. Kede ou beltikelreng e nguu a beltikelreng, mesiou e modingel, ousubes e nguu a klausubes. Ongit me molatk, “ng diak a kengtil a rengul a beluulechad el babeluades lak el sebechel lomekungil”; berraod loltekau a beluulechad a mo kebekakl—a deureng er a Osobel a merang.

Ngara 1 Nephi 19 , e kede menguiu: “Molmuut er ngkal Dios er a Israel e [te] merdered ra eungel ocherir; … te dimlak el soriri ngii. … Me te mlo mengelebed er ngii, e ngii a mlo chouarm el kirel; e te merngii, e ngii a mlo chouarm el kirel. Oi, te tilbar, e ngii a chouarm el kirel.”

A sechelik ra Brobesong Terry Warner a dilul kmo a ultelechakl luldasu, omengelebed, omar, ma melub a dimlak el blechoel ngarngii lomeruul diubech er sel temel a klengar er a Kristo. A omerelled el mora derta er kid—tokuni tirkel songerengel, meched a rengrir, tirkel cheloit el di tiltang—a blekerdeled el mo er Ngii.

Ngara mla moluut el Ikelesia er Ngii, e kede bek el chad el di ungil sel sekum meng diak a chad el dengchokl el di ngiltang. Mei e lak kuk di de ngar omeruul malechub e de becherei. Bode meral ngara rengud loutkeu, moungil medengelii a chad, oldingel er ngii, Bol sebechel a dereta el sechelei, odos, odam le bo diak el ngodech el chad malechub el chad ra tara beluu e bai bol ngalk el ngara blil.

Chelecha el taem, e te betok el chad a melchesuar el di tiltang e ngara kemikl. A Social media me a artificial intelligence a rullid meke de oureng el mo kmeed er a chad me a bedengel. Ng soad el remenges a oto ra ngered. Ng soad a meral de kaiuekeed me a blekokeuii.

Ngarngii a betok luchul e kede locha melchesuar el diak kede kired el ngara ikelesia—seikid, ea belkul a tekoi el kmo, ngdi kid el tang el dengchokl. Kede locha bekikl a dongedecheduch, biled, ng tekingel a telungalk er kid. Kede locha omelchesiu lolngesonges, kede bul a dekool; oureng mede klikiid a klechad er kid; dikea dedak kid me a kmong techang e melchesaur ra ringel e merur, e kerekikl el kirel tia mesei el llechul a Ikelesia. Kede locha mesobil, mlo merek el bechiil, ke melakl el dil. A re ngeleked a cherodech; ng diak ki moungalk. Dimlak ki mosiou ra mision malechub aki mle mereched el me remei. Me a lmuut el betok.

Mosiah 18:21 a siotai er kid lomak a rengud el mo tang el ngara beltikelreng. A kulengit er kid me lak de sal bekikl, lak desal mengetiit, lak desal omekberaod ra re bebil—e, sel sekum eng ulsbechal, lak dilkid el orringel a tekoi er kid. Ngdiak el sebeched el mebii a Zion ra chelsel a tal sils. Ngdi bek el “alii,” a derta el mekekeald el lomeruul, a nguu a Zion lokedii. Bode mengai el oumerang er a Rubak e dolilt el ngara deurreng loltirakl a bek el Llechul.

Ngara osisechakl, er sel blil a klaumerang me a re kasisiich el Santo, eng diak a chad el dengchokl el di ngiltang leng sel telbiil el ngara Jesus Kristo.

Ngulsisechakl a Profet Joseph Smith: “Ngior er kid el mo omes, mo dmak e olengeseu el otbechii a klebkelel tial Uriul-klebesei el mo ruchei, ‘tial mo oldak a ikel rokui el mle duubech el ngar a eanged ma beluulchad … ,’ sel sekum me a re Santo ra Dios a bol mechudel el mo tang ra ikel bek el beluu, me a rechederir, ma rechad.”

Dios “ngdiak a ngodech el loruul er ngii ngdi molsobel er sel mo klungiolel a beluulechad; … e ngii a mo ngoititerir a rokui el sechal [ma redil] el mo er ngii. …

“… Ngii a oleker er tir rokui mel rengesii e bol kldemel a rengul; … e rokui el di osisiu el mora Dios.”

Obult el ngara Jesus Kristo a kired el oridid er a tekingel a tech me a tekoi er a beluulechad. El ua President Dallin H. Oaks ra lolsisechakl, kid a kired el mo imikl a ngidil tekingel a siukang ma klechad el doruul el omtok a ikel llechul a Dios e mo Uriul-klebesei el Santo. Ng mesaod el kmo, “Ngarngii a bedengel a siukang er a ebangkelio, ungil blekeradel ma dongerchiir [ma] doruul el diosisiu er a re [bek] el chedal a Ikelesia ra Jesus Kristo ra Uriul-klebesei el Santo.” A siukang er a ebangkelio a uldimukl er a klikiid ra delbois, ngara ikelesia ra bek el sandei, diak lolim a rrom, melokeu a dekool, melim a tea, ma kohi. Tiang a uldimukl ra merang e melmalt; medengei el kmo kede merael bedul uchei, e diak el bedul bab malechub el bedul iou ra deruchall er a Ikelesia.

Ak mesuub ra re mekedung el chedal a ikelesia me a re sechelik ra bek el beluu me a siukang. Omengiuel a chedaol llechukl ra kakerous el tekoi me a osengel a siukang a dochelii a dmolech el klemedengei er a ebangkelio. Kakerous lomesodel a blekerdelel a Kristo a dochelii a beltkil a renguk me a klemedengei er ngak el kirel a Osebelek. Kede rokui el mukngeltengat sel de beketeklii el kmong ngera siukang er kid, ua President Russell M. Nelson lolsisechakl, el ngelekel a Dios, ngalek er a telbiil, mesiungel a Kristo.

Sel budech er a Jesus Kristo a keltmokl el kmal kirel di me rekid. A ngeasek el chad a dirk uleker el mla ra rengul, “Elder Gong, ng sebechek el direk mora babeluades?” Ng melebedebek alsekum meng sebechel losubeches er ngii. A kulker ra ngklel, e ullerenges er ngii, e siotai er ngii el mo mengedecheduch er a bishop er ngii, e milchulii. Ng mirael loba urungulel el ngara Jesus Kristo.

Ak milsaod er ngkal ngeasek el sechal ra kuk tara cheldecheduch. Nguriul e ak ngiluu a babier el diak a ngakl er ngii lulmuchel el kmo, “Elder Gong, a bechik me ngak a mla omekeroul er a re tetiu el ngalk … e mla mesiou a eru el mision.” Ngdi “Ak blechoel di omelchesiu el diak el bol sebechek el soiseb er a rengedel a celestial … le kngtik er ak ngeasek a kmal mle mekngit!”

Tial babier a melmolm, “Elder Gong, sera omdu er ngkel ngeasek el chad er a kirel a nguu a urungulel er a klasubes , e ak mlo mui ra deurreng, el mlo muchel lomelchesiu el kmong sebechek [el nguu a klausubes].” Tial babier a mirekui el kmo,“Ak mocha soak ngak el chad er chelechang!”

Otireklel a telbiil a mo mesisiich sel de bora derta er kid me a mora Rubak er a chelsel a Blil. A Rubak a omekngeltengat er kid el rokui sel lak a chad el dengchokl el di ngii el tang. E techa medengei? Ngkel chad el de dengchokl er bita er ngii a sebechel mo kot lungil sechelid el fortune cookie. Mei e de sikii e de ketmeklii a basio el mo er Ngii me a derta er kid er sel belsilel a Sib, ngara renguk el nglunguchek el ngara chedaol ngklel a Jesus Kristo, amen.