Ale Sapwellime Kisakis

Kikihwei kisakis wia tiahk ehu me kin kesempwal nan keinek koaros, wasa koaros, oh mwehi koaros. Sangete mahs, aramas kin kihwei kisakis ong emen emen en kakehlailih nanpwungarail, kasalehda limpoak oh kalahngan, oh kilelehdi mwekid kesempwal akan me rasehng kopwopwoud kan, ipwidi kan, oh pil rahn kesempwal teikan. Ahpw kaidehnte aramas kelepw sang nan sapwellimen Koht kapikipik kan me kin kisakispene! Nan pwungen karasaras teikan me kitail kak pil idilahng, penguin kan kin dedehki arail kin kihwei takai lingaling kan ohng iengerail kan, oh bonobos (me pahn rianiki mwongki timwpansi) kin kisakiski wahn tuke kan pwehn kalaudehla arail miniminpene.

Soangen kisakis dah me kowe kisakiski? Medewe ansou ehu me ke diarada—de wiahda—kisakis unsek ohng aramas emen me ke kin poakepoake. Ke esehte me kisakiso pahn wia mehkot ehu me kompoakepomw pahn inenen kesempwaliki oh mwahuki. Dahme kisakiso? En ahmw nohnohu me? kempoakepomw? sounpadahk men? ahmw papah kahlap? Soangen pepehm da me ke ahneki ansou me ke diarada kisakis wet? Dahme ke pepehm ni ahmw medewehiong aramas menet alahldi kisakis wet? Me rasehng, ansou dah me aramas emen kihong uhk kisakis kaselel ehu, oh ia mwomwen ahmw alehdi?

Ansou me I sounpar isuh, ni ahi mihmi rehn ahi pahpa oh nohno nan Arabia, nein seri kasdo ehu me adaneki Chitty Chitty Bang Bang kapidohi. Kasdo wet pid duwen sidohsa manaman ehu me kak pein tangatangseli, pei pohn pihl, oh pil pihr! I ese me nan England irail wiahda kisin sidohsa en mwadong ehu me duwehte Chitty Chitty Bang Bang, oh udahn I men neineki ehu! Ke kak waik mehkot, oh kisin sidohsao kin kihwei ah pehn pihr ko! Ahi pahpao seiloklahng England ong ehu seilok en doadoahk oh e idek rehi ma mie mehkot me I mwahuki en wahdo, eri I indaiong ia wehn ahi men naineki ehu kisin sidohsa Chitty Chitty Bang Bang.

E pwurasang ah seiloko, oh sohte sidohsa pwarada. Udahn Ih insensuwedla oh medewe me e manokehla. Ahpw rahn eisek mwuri wia ahi rahn en ipwidi, oh kisin kisakis ehu, me kidikidpene mwahu, wie awiawihong ie. Iangahki ineng laud, oh songosong en dehr kasik mehkot laud, I kihpeseng kisakiso oh diarada nei sidohsao. Songen ai peren Ih sengiseng. Ih waik kisin mete kis eri pehn pehir ko pwediei, duwehte sidohsa me mih nan kasdohu! Ia wehn ai kapingkiong ai pahpao kisakis kaselel wet. Ih kin mwadongki kisin sidohsao sounpar kei oh kolokolki sounpar tohto. Mwein en ai pahpao pereniki kihdong ie kisin sidohsao tikitik sang ai perenikihda ai alehdio.

Kitail kak medewe me kisakis en kihkiwei ahneki Pali siluh:

1. Kisakis en kihkiwei, wasa me pahn kihwei o pilada, wiahda, de kounopada kisakis o oh kihong Irail akan me E poakoahng. Met pidada ineng oh ngong ong me pahn kihwei o en kihwei mehkot me pahn mie katepe.

2. Duwen alehda oh ritinga de kihpeseng en kisakis o, ansou me lahp me pahn alehuale kisakis o sang lahpe me kihwei o, kin ekei pak kin pwuriamweiki, ahneki kaping, oh peren mwohni ah ritingada de kihpesengkisakis o, kikihpeseng sahlo o oh kikihspeseng en koaruk o pwe en esehda songen kisakis dah iei mwo.

3. Erimie mwein Ih me keieu kesempwal, iei alehdi kisakis o. Alehdi kisakis me kohiong uhk ni sapan inenen kesempwal sang amw ale oh kilang songen kisakis dah ieu mwo. E wia Mehkot, ieu, en pereniki kisakis o oh pil kasalehda duwen amw kalahnganki ong me kihwei o. Alehda kisakis ni mehlel, kitail kin kesempwaliki ong pein kitailkitail kin dodohngki ni unsek nan atail mour kan, oh kin tamataman kalakalanganki ong me kihwei o.

Kin ale kisakis me sohte lapala ahpw mie karepe oh katapan laudsang ni ansou me ke pahn kadingada kisakis. En alehdaiei en pereniki oh ehu ong me kihwei kisakis o Nan ahl ehu me kakehlailihla ehupenehn me kihwei o oh me ale kisakis o. Ni ai kin medewehda kisin sidohsa en mwadong o e kin wahdong Ie mehn kataman kesempwal kei, ansou me Ih kin pwurehng kehnda limpok en ai pahpa ong ie, me sansal da sang ni kisakis o.

Samatail Nanleng kolokol ong kitail kisakis tohto kei ong emen emen kitail, Sapwelime seri kan. Ih kin keredo sang Ih me Sapan o duwehte pwarer ehu sang ni Sapwelime mongiong Sapan o. “Kisakis mwahu oh unsek koaros kin kohsang powe, oh kin kohdo sang Sahm en Marino.” Nan atail inou Ong Samatail o, Ih me Soun Kihwei ah kitail me pahn alehda.

Ahpw kitail sohte kak alehdi mehkot ma sohte kisakis me keieu Laud sang Samatail o, Sapwelime Simpwulo, Sapwelime Iehros Sises Krais. Kisakis koaros sang Rehn Sahmo kohdo sang Sapwelimen Sounkomour o tohnmetei Nan Kedsemeni oh pohn lohpwuo, oh Sapwelime Iasadao. Sises Krais, atail Soundor o, wia kisakis me Keieu Laud sang Samatail o. “Nan kisakis en Sapwelime Iehros o Koht kounopoahng {kitail} ahl kaselel ehu.”

Imen koasoia me pid ehu kisakis laud-unseken mehlel soutuk me utung atail koahiok en alehda soang teikanme Sapwelimen Sahmo ineng en ketikiong kitail—kisakis kesempwalkisakis en marain pwe ni ansou me kitail kin alehdaoh alehdi nan palingenitailduwen peren oh kahpwal akan en mour oh atail peidek kan me sohte pasapeng pe kan: kitail wia Sapwelimen Koht Seri kei. Mehlel wet me kapwuriamwei! Udahn Kaselel! Oh e sohte wia karasaras

Song medewe ehdin ahmw rong soangen! Kowe emen Sapwelime serepein. Kowe emen Sapwelime pwutak kesempwal. Oh ahl me ke mihmi powehn wia Sapwelime plan en komour. Ni Eh wehweki duen limpoak, E ketin mwangih komwi mwohn ohmw kohdo pohn sampah,dahme ke esehla nan mour en sampah wet, oh Eh ketin koasonedi ni keneinei dahme pahn pwarada lakapw. Oh, Ia wehn Ah kasik kehn kak pwurala Reh ehu rahn, pwe en Alehdi Sapwelime kisakis kaselel kanmour soutuk Reh.

Peidek o kaidehn ma mehlel kisakis wet mehlel, ahpw ma kitail pahn kak diar oh alehda. Kisakis wet kohdong kitail ehr sang Sahmo. Pweinen kisakis wet kosangehr rehn Sounkomour o. Ahpw ma Ke kasukuhlki mehlel wet, kosoia met, oh kolokol mehlel mwet erein sounpar ehu, mwein kapwuriamwei ih o sohralahr oh ke solahr kehn manaman oh meleilei o.

Ahpw ma kisakis kaselel en wehwe—oh sohng mwahu Koaros, meleilei, oh kopworopwor me kin kohdo sang Ih—sohte kin alahlda, sohte me kin kihpeseng, oh alehda, Ia wehn ah pahn ohla mwahu! E pahn wia Mehkot kansensuwed ehu ong me kihdou! “Eri ia pahn katepen kisakis ehu ohng aramas emen ma e pahn kohieng, oh e ahpw sohte alehdi kisakiso? Kilang, e sohte kapingki me kohiengo, e pil sohte kaping kalahngan ohng aramas me kiskiseo.”

Ih lukei Kumwail en alehda met, de kalaudehla amwail wewehki sang nin tapio, duwen amwail wia Sapwelimen Koht Seri kei. Ke anahne kihpeseng sahl o, tehrasang doaropwe me kidimpeneo, kihpeseng koakon o, oh alehdaki kaping ni mehlel, wewehki ni mwakelekel duwen mehlel wet. Ngehin Sarawio kak kasalehiong nan ohmw mour me ke wia sapwelimen wasa lapalap seri kesempwal.

Ni ansou me ke pahn alehda majestic reality nan ohmw mour oh kehn kasenamwahu oh kamwahupe, ahmw mwonkid oh wiwia pahn wekdekla! Ke kak kehn Sapwelime limpoak, rong ngihle, oh kasawihda peh kan, ni sohte lipilipil, me ke wia de pil sohte wia mehkot, nan ohmw mour. Komw kak pwurehng kasawihda ia mwomwen ahmw kin tehk komwi oh mehteikan. Inou me ke wiada rehn Sounkomour kehirda laud, oh sang ni wekdekla lingan wet, kaselel, oh koapwoaroapwoar.

Menlau, ke kak menlau kapakap ki en wewehkihla ma Ke udahn Alehdi duwen wekihla laud wet Nan palingenimw? Ke kak menlau alehda kisakis wet? Ke pahn kak wia wen ahmw kak koaros, ni saledek, ni keneinei sang Dahme ke kin kalapw wia—sang ni ahmw wiwia kapai koaros en Kong komwi sang kisakis teikan me pil iang patehng.

Mwehin ke pahn kin medewehiong, “Dahme I kak wia pwehn alehda Kalangan sang rehn Koht?” Eri, udahno, sohte. E wia kisakis ehu sang me kin Kisakiski o. Met me udahn fact. Mweidehng en pidelong. Kumwail wia Sapwellime seri kesempwal. Kowe emen sapwelime. Ke dehr sahlioalkihda. Ke dehr kahudi alehda kisakis wet ki sang ni madamadau kan me dene ke sohte warohng. Ni mehlel o, sohte emen kitail “warohng kisakis”—koaros en Sahmo ihtesang ni warohng, mahk, oh kalahngan en Mesaiaho, ahpw Ia wehn ah mentehno emen emen Sapwelime seri kan en Alehdi! Eri, ni ansou me ahmw wehwe miehda rehmw, perenikihda ih me kin wahdo kisakis.

Ni ei kin nananti ohng ahi pwoson ni erein ei sounpar 20 samwa, Ih ansou me I esehda me Ngehi emen nehin Koht pwutak. Ni ansou me i dodoahki kisakis wet sang loalei, ih ansou me I esehla laud ihs ngehi oh me mie me poakpoakei e. Soang tei kan me kin sewesei ie kehirda ei wehwe iei wadek nei pwuhk sarawi kan, ai kapai sang patriarchal, patehng tempas sarawi, papah meiteikan, oh kapakap ohng Sam. Ih kin medewe duwen kansensuwed, kamedek, oh kapahiou en mour ah pahn kak wekidekla oh kansenamwahu Ih ie sang ai ese duwen mehlel kaselel wet.

Moroni padahkiong kitail en “dehr soikala kisakis kan en Koht,” ahpw en “kohdo rehn Krais, oh kolokol kisakis mwahu Koaros.” Ke kak kohdo rehn Krais ki kehlail en Sapwelime limpok oh alehda Sapwelimen kisakis koaros en popohl, kopworopwor, marain, mehlel, kaudiahl, lolokong, oh marain—ni omw pahn kilongwei mwowe, pehmw kan kohpeseng, oh kounopadahnger en alehda. Ke kak Alehdi kisakis kan pwehki ke poasonki marain me ke wia Sapwelimen Koht Serepein men, ke wia Sapwelimen Koht pwutak emen, oh mie Sapweilme kisakis kesempwal, Sapwelime Ieros en komour komwi la, kamaiau iuhkda, oh kasarawi uhkla.

Kowe iei sapwelimen Koht seri. E sohte wiahte koul Kaselel ehu me kitahil kin koul ki. Ke kak manlau alehdi, kilang, oh alehda kisakis en marain wet oh esehla sang Reh? Ke kak kesempwal ki duehte kohl kesempwalehu? Pwurehng alehda kisakis wet, de keieu en alehda, oh mweidehng en wekidala sohng koaros en omw mour. Met wia ahl kaselel ehu me Koht kounopadahr ong kowe sang ni kisakis en Sapwelime Iehros o. Ke pahn pwe kehn kak ahneki popohl! Ni mwaren Sises Krais, ahmen.