Sawas Sarawi kan Ohng Mour Wet

Kauno kasalehiong Joseph Smith, song tohto duwen atail mour mwohn mour wet. Wasahu, kitail wia Sapwellimen Koht seri ngehn kei. Pwehki Koht ah kupwuriki Sapwellime serihkan en pweida, E wiahda Sampah pwe kitail en kak alehda paliwar, esehla sang ni atail wiewia kan, kekeirda nan marain en Koht, oh kasalehda me kitail kak kolokol Sapwellime kosoned akan. Irailoko me pweida pahn ahneki “marain pohrail kohkohlate” (Abraham 3:26).

Pwe kitail en kak alehdi dake en kosondi kaselel wet, Koht pilada Sapwelime Ieros en wia atail Sounkomour. Luhsiper, me ah kosondi en kawehla atail mehn pilipil, wialahr Sehdan oh “lekdekdihdo.” Lekdekdihdohr pohn Sampah oh sohte iang alehda palin war, mweimwei eng en kin kieng kitail kosongosong “en pitih oh karotei kitaila, oh salih kitaildi, iangahki koaros me sohte alehda Sapwelimen [Koht] mahsen” (Moses 4:4).

Dahme kesempwal ohng Sapwellimen Koht kosondi en kekeirdahn Sapwellime serihkan iei ren kak kehn “wekpeseng en mehkoaros” (2 Nihpai 2:11). Duwehte pwukel en paliwar kan ah sohte kak laudla de kalauda ni amw sohte pahn kamwakid, eri keirdahn aramas anahne en kin mwekmwekid pwehn peieng kasongsong en Sehdan kan oh ekei wekpeseng en nan mour wet. Me keieu kesempwal ohng keirdahn pali ngehn iei pilipil en nan pwungen me mwahu oh suwed. Irail akan me pahn pilada me mwahu pahn pweida ni arail kokolahng mour soutik. Irail akan me pilada me suwed—me iei koaros pahn lelehng pwehki sang ni kasongsong en mour wet—pahn anahne sawas, iei me Koht limpoak kin men sawaskihda.

Leledohr met, Sapwelimen Koht sawas me keioun laud iei Sapwelime Ieroso, Sises Krais, me pahn lokolok oh kieng kitail mahk sang ni atail pahn koluhla sang dipatail kan. Tomwpen dihpo kasaleieng kitail kahrepen pwoson Kaun Sises Krais ah wia ire keioun kesempwal nan rongamwah wet. Sapwellime Tomwpen dihpo “karedahr me melahr akan ahr kak iasada” (Alma 42:23, oh e “tomw[kihla] dipen sampah” (Alma 34:8, kohsang dipatail koaros oh kiheng atail Sounkomour manaman en sewesei kitail nan mour wet.

Sang kasohralahn dihp me kin wiawi oh alehda mahkepe, koasoandi en Sahmo oh Iehroso pil sawaski songen kisakis tohto me kak sewesei kitail, me pil iangahki doareikitaila sang dihpo nintapio. Atail mour kin ansou koaros tepisang samatail oh inetail. Mehlel, ira koaros mie, ki songesongen kisakis tohto men kaweid atail keirda. Ma soh, ara pahn sohte mie iei pil kisehn kosongosong kan me kitail pahn kak powehdi.

An Samatail Nanleng plan kin kaweid kin kitail ahl tohto pwe en kak kaluwai kitail nan mour wet. I pahn kosoia song pahiou duwen met. Menlau dehr kapokon kieng ie ahi nempe pahiou, pwe met kan kin sawas kawewehda. Mie pil songen men sawasepen mahk me pil duwehte metikan.

Keiou, Ih pahn kosoia marain de Ngehn en Koht. Nan sapwellime padahk lap nan pwuhk en Moronai, Moronai koasoia en eh pahpahu padahk me “Ngehn en Krais kohieng emen emen aramas, pwe en kak ese me mwahu sang me suwed” (Moronai 7:16). Kitail kin wadek padahk wet nan kaudiahl en rahn pwukat.

“Oh Ngehno kieng marain aramas koaros me kohdo pohn sampah; oh Ngehno pil kamarainehda aramas akan pohn Sampah,oh irail akan me kin idawehn Ngehno” (Doctrine and Covenants 84:46).

Kapwurehiong: “Palingeni kohpeseng nan Sampah pwe en kamarainehda me karakarahk kan, oh kasowe irail me sohte alehda Koht” (Doctrine and Covenants 136:33).

Preseden Joseph Fielding Smith kawehwehda nan pwuhk sarawi kan me: “Kauno sohte soikala aramas (ni ansou me re ipwidi pohn Sampah), raparapahki marain oh mehlel, apw aramas koaros … ipwikihdi pwung en ale sawas, kaweid, sawas en Ngehn en Krais, de Marain en Mehlelo.”

Me wia keriau en sawas laud me Kauno sewese kin kitail en pilada me pwung wia tohto en kaweid sang nan pwuhk sarawi me wia kisehn plahn en komour (plan en peren). Kaweid pwukat wia kosoned kei, tiahk sarawi kei, oh inou kei.

Kosonned kieng kitail ahl me Samatail Nanleng kilelehdieng kitail en idawehn ong mour soutik. Aramas me kin medewe me kosoned wia mehkot me Koht kosonehdi ong his me E pahn koloke sohte ese kahrepen Sapwelimen Kauno plan en komour. Nan ahlo, kitail anahne ehu ohng atail Sounkomouro oh warohng en kalaudehla Sapwellime manaman en sewesei kitail ohng wasa me Koht kupwuriki ong kitail. Samatail Nanleng kupwuriki kitail koros en pwurala nan celestial kingdom, wasa me Koht oh atail Sounkomour kin ketket ie, oh ahneki songen mour me irail me kin koukouson wasahu ahneki.

Tiahk sarawi kan oh inouo kan wia kisehn kosonedo me iei ahl en mour soutik. Tiahk sarawi kan, oh inou sarawi kan me kitail kin wiahda rehn Koht, wia kehndake oh kehl kei nan ahlo. I kin men medewe me pwukoaho en inouo me wia Sapwelimen Koht plan, Sapwelime kapai keioun laud kin koieng irail me kin inoukihda me re pahn kolokol Sapwelime kosoned kokohlate.

Ekei Sapwelimen-Koht sawas ong me kin wiahda mehn pilipil mwahu kin kohsang Ngehn Sarawi. Ngehn Sarawi o me wia towe kesilimen en Koht akan. [Karasepe Koht Sahm, Koht Nah, oh Koht Ngehn Sarawi.] Ah doadoahk, me sansalehr nan pwuhk sarawi, iei en kadehde Sahmo oh Iehroso, kasukuhlih kitail, oh kataman ohng kitail mehkoaros, oh kahlwai kitail ohng me mehlelo. Pwuhk sarawi kasalehieng kitail soang tohto duwen kasansal en Ngehn Sarawi, duwehte Ngehn Sarawi ah kin wia kadehde ire mehlel duwen Pwuhk en Mormon. Kasansal kaidehn kisakis en Ngehn Sarawi, me kin wiawi mwurin paptism.

Ehu me keioun mwahu duen Sapwelimen Koht sewese Sapwelime serihkan iei kisakis en Ngehn Sarawi. Kesempwal pen kisakis wet sansalehr ni mehlel me e kin koieng emen mwurin ah kin koluhla oh papdaisla nan pihl “oh [Pwuhk sarawi kawehwe] me lapwepen dihpo sang kisiniei oh sang Ngehn Sarawi” (2 Nihpai 31:17). Aramas emen me ahneki lapwepen dihp wet—oh pilehu mwakelekelda sang koluhla oh momouriki tiahk sarawi kan me re inoukihda ansou en kamadipw sarawi—kak alehdi inouo me Ngehn Sarawi, Ngehn en Kauno, “ansou koaros … mihmi loalerail” (Doctrine and Covenants 20:77).

Apw, Preseden Joseph F. Smith kosoia me Ngehn Sarawi pahn “kamarainehda aramas akan ong Sapwelimen Koht dodohk, pwe en kak sewesei irail ansou me re wiahda inou kan en Sahmo, oh en mihmi loalerail oh en wia arail kadehde Nan arail mour, ni pwung oh mehn kaweid mwahu ong me mehlelo oh kin audehkin irailda peren oh kalahngan rahn koaros, oh inengieng en wia me mwahu ong mehteikan, en lokolongki sapwung apw Kaidehn en wiahda me sapwung,pwe en kadek oh ahneki mahk, oh limpoak mehlel. Koros me ahneki kisakis wet, this pearl of great price, kin sohte kak uhdisang wia me pwung. Preseden Smith kaimwsengkihla mahsani, ma sohte sawas en Ngehn Sarawi,” “sohte me kak keid nan ahl inen oh tehtiko.”

Songen manaman tohto me kak sewesei kitail nan mour wet, e sohte mwahu pwe me tohto saikinte kaunopada ong arail pahn uh mwohn atail Sounkomour oh Soundor, Sises Krais. Sapwellime karasaras en lih meipwon ehko, kalapw sansalda nan kapokon wet, kaweidki me irail me alehdi luhk pwehn tuhweng Ih, apalihn nempehn irailko me pahn onopehng.

Kitail koaros ese karasepen sohte kaunopada: misineri kan me kawehla pali ngenirail pwehki luwetala, me pwulopwul kan me kawehla pali ngenirail ni arail sohte kin iang Sarawi oh kemwekid kan, ohl akan me kin kaskasau arail pahn alehda Prihsduhd en Melkesedik, ohl oh lih—me ekei pak Kaun en paionihr de warohng wia pahpa oh nohno—me kohkohsang ahl en inou oh sohte kin kalapw kolokol inou sarawi kan en tehnpas sarawi.

Mie songen wekidekla tohto kin pwarada ni ansou me towehkan kin sohte idawehn kapakap en palingenirail, onopki Pwuhk sarawi, oh kin koluhla. Ni sansal, ekei kin sohte weliakapw arail inou kan nan wihko sang ahr kin sohte ale kamadipw sarawi. Ekei kosoia me Mwomwohdiso wet sohte kin kiheng irail arail anahn akan; weliankihdi dahme re kilang en wia ohng arail anahn pwehn tiengki mwohn dahme Kauno ketkidahr nan Sapwellime padahk kan oh soahng kan me pahn mwahu ong kitail en sewesehki mehteikan.

Karakarahk oh koapwoaroapwoar ki Kauno iei wini en wiewiah wet. Pwuhk en Mormon kin padahngki, Kauno “kin kapaida irail akan me kin kamehlele Ih” (Ilemen 12:1). Kamelele Kauno wia anahn ong koros me kin wiahki kosoned en Koht oh padahk kan en Sapwelime Soukohp akan ong song kan me aramas lolokong kan kin pein wiahda.

I kosoiadahr sawas tohto ohng mour wet me Sahm limpoak en Nanleng ketkidahr pwehn sewesehki Sapwellime seri kan en pwurala Reh. Atail pwukoah Nan pilahn kaselel wet iei en kopworopworki Koht oh rapahki oh dodohngki sawas kaselel pwukat, ahpw me keieu kesempwal iei Tomwpen Sapwelime Iehros o, atail Sounkomour oh Soundor, Sises Krais, I kapakapki me iei kitail pahn padahngki oh momouriki mehlel pwukat, ni mwaren Sises Krais, amen.