Ayuw nib Thothup nifan ko Gidii’

U dakean fare Profet Joseph Smith, Somoel e ke dag boech mornga’agen e bin somm’on e yafos rodaed. U rom, ma ud moyed ni gadaed bugi ya’el ni bitir ku Got. Bachan e ba’adag Got ni nge ayuweg pifak ni ngar mon’og gaed, aram fan nike ngongliy rogon e fayleng nrayag ni ngad thapeged e dowef riy, min fil rogon, i thapeg e tin nib thothup ban’en, min guy ko rayag ni ngad fol gaed ko fapi motochiyel rok’ Got. Pi’in nrayag ni ngar thap gaed “era yib e fla’ab nga dakean llolgenraed ni dariy bi’id manemus” (Abraham 3:26).

Ra ngan rrin’ rogon e biney e wo’en nib thothup, Got e mel’eg fak ni Ma’agirag Rok’ ni nge mang e Tathapeg rodaed. Lucifer, ni pi’ reb kanawo’en nra gathay mat’won e gidii’ ni ngar mel’eg gaed, e mang Mo’oniyan’ min “thuruy nga but’.” Yib nga fayleng ma dani pi’ fare tawa’ath ngak ko fek dogur, min pi’ mat’won nrayag ni nge “baen me malmit nag e gidii’, me powi’iy e gidii’ ni ngar kalbus gaed ni bachan, nge urngin e gidii’ ni dabi motoyil nga laman [Got]”(Moses 4:4).

Kabang ko wo’en e tonom rok’ Got nifan ko rogon ni nge mon’og pifak e woed rogon ni ngar thamiyed ni “bay e togopluw ko gubin banʼen” (2 Nephi 2:11). Ku woed rogon e ufin u fithik’ i dow rodad ni dabiyag ni nge ga’ ni fa’anra dabi togopluw ko fare motochiyel ko gravity, ere ku woed ni mon’og u fayleng era tu’uf ni ngan yean u fithik’ lumeal rok Mo’oniyan nge togopluw ko gubin ban’en. N’en nib ga’fan ko mon’og nib thothup ir e mel’eg u thilin e mat’aw nge kireb. Pi’in nira mel’eg e tin nib mangil era mon’og ko fal’nginraed ni dariy bi’id manemus. Ma pi’in nira mel’eg e kireb—e napan nira yib e lumel nu fayleng—mara tu’uf e ayuw rok’, ni Got ni gadaed btu’uf rok’ e ke ngongliy wo’en e biney.

Aarm n’umngin napan, ma bin tha’bi gel e ayuw nike pi’ Got e fare Tathapeg, Yam’ ko dowef, nira gafgow me pi’ pilwon me n’agfan e pi denen. Biney e Bayul nib sug ko murnguy ma rib gel’ e aram fan nib tu’uf e mich ngak Somoel Yesus Kristus ni’ir e bay ni bin somm’on e yalen fare gospel. Fare Bayul Rok’ e “yib nag fare foskoyamʼ ko yamʼ” (Alma 42:23ni “bayul[nag] fan fapi denen ko gidiiʼ nu fayleng” (Alma 34:8nibe thangthang e pi denen rodaed me pi’ gelngin fare Tathapeg ni nge ayuwegdaed ko pi gafgow rodaed.

U mm’on ngay ni ngan thangthang fapi denen nikad rrin’ed fa ni n’agfan rodaed, fare wo’en e Chitamangiy ni bay u Tharmiy ma pi’ bo’or mit e tawa’ath ni nge yiroriydaed, nib mu’un e ayuw ngay u mm’on ni ngan rirn’ e denen. Yafos rodaed u fayleng e gubin ngiyal ma matabab nibay e chitamangiy nge chitiningiy. Ma susun, nira bagyow, ma bay boech e tawa’ath rok’ ni nge ayuwegdaed ngad mon’oggaed. Ma fa’anra dangay, ma irerray reb e togopluw nib tu’uf ni ngad gayed rogon ngad gel gaed ngay.

Tonom Rok’ e Chitamangdaed nu Tharmiy e nge ayuweg me powi’iydaed ko biney e yafos. Nggu weliy aningeg e pin’ey. Wenig damu tafney nribay aningeg, e pin’ey ya yaed mathuk ko napan ni bay gu weliy mornga’agen. Ma kabay, boech e murnguy ko yiroriy nib mu’un ko tiney.

Bin somm’on, nggu non ni mornga’agen fare Tomilang ko Thothup nima yib rok’ Kristus. Ko machib nib ga’ rok ulan fare babyor ku Moroni, Moroni ni yoeg fapi thin ko chitamangin ni “fare Thothup e ma piiʼ ngakʼ gubin e gidiiʼ, ni nge yog ni ngar nanged e felʼ ko kireb” (Moroni 7:16 Kagdaed ma bi’eg mornga’agen e biney e machib ulan e tin nib be’ech e thogthog nikan pi’ nifan e tiney e rran:

“Ma fare Thothup e ma pi’ e tomilang ngak e gidii’ ni gubin nra yib nga fayleng; ma fare Thothup e ma tomilang nag gubin e gidii’ ulan e fayleng, ni fa’anra motoyil nga laman fare Thothup” (Doctrine and Covenants 84:46).

Bayay: “Ya Thothup rog e ku pi’ ngak e fayleng ni nge tomilang nag e pi’in nib gumaen’ mab mudung, me gechig nag e pi’in ni darma fol” (Doctrine and Covenants 136:33).

President Joseph Fielding Smith nike weliy fapi scripture ney ni “Somoel e dani pag e gidii’ (nikan gargeleg ngalan e fayleng), ni yaed roraed e yaed be gay e tomilang, machane gubin e gidii’ … ma kan gargeleg nibay mat’won ni nge thapeg e gagiyeg, min powi’iy, ko fare mulwol nibe yib rok’ fare Thothup ku Yesus Kristus, fa fare Tomilang ko Riyul’.”

Bin ni l’agruw e ayuw nib gel nibe yib rok’ Somoel e ma ayuwegdaed ngad mel’eged e tin nib mat’aw ulan fapi chep nib thothup ni’ir e kabang ko fare wo’en e thap (wo’en e falfalaen’). Pin’ey madil e bugi motochiyel, gam’ing, nge m’ag.

Fapi motochiyel e ma dag fare kanawo’en nike duugliy e Chitamangdaed nu Tharmiy nifan e mon’og rodaed ko biney e yafos ni manechubog. Gidii’ nima tafney nag ni fapi motochiyel e kanawo’en Got ni nge guy ko mini’ e nge gechig nag e woed ni dar nangfan e tu’ufeg rok’ Got nge fare wo’en e falfalaen’ rok’. Ko biney e kanawo’en, ma rayag ni ngad thapeged e tha’ ngak fare Tathapeg rodaed mayag ni ngad thapeged gelngin ni nge ayuwegdaed i rrin’ e n’en ni ba’adag Ir nifan ngodaed. Chitamangdaed nu Tharmiy e ba’dag ni gubin pifak me sul ngak ko fare celestial kingdom, ko gin nibay Got riy nge fare Tathapeg, min thapeg e yafos ko fla’ab ko celestial.

Fapi gam’ing nge fapi m’ag e kabang ko fare motochiyel nibe dag wo’en fare yafos ni manechubog. Fapi gam’ing, nge fapi m’ag nib thothup ni gadaed ma ngongliy ngak Got, e bugi wo’en nib tu’uf ko ney pa’i kanawo’. Gu ba’adag ni guma tafney nag ni fapi m’ag e woed nibe dag e tonom rok’ Got, ni fapi tawa’ath rok’ nth’abi tolang e ma pi’ ngak e pi’in nibe gay rogon i ayuweg fapi motochiyel rok’ ma be fol ko fapi michmicheg.

Boech e ayuw nibe yib rok’ Got e ma yib ko rogon e pi n’en nikad mel’eged nima m’ug u dakean fare Kan ni Thothup. Fare kan Thothup e bin dalip e pigchalpen Got. Ni muruwel rok’, ni woed rogon ulan e chep nib thothup, e nge micheg mornga’agen fare Chitamangiy nge fare Fak, ni nge fil ngodaed, me yag ni yib ngan’daed, me powi’iydaed ko gubin ban’en nib riyul’. Bay ni bo’or mornga’agen ulan fapi chep nib thothup fare “m’ug” nima yib u dakean fare Kan ni Thothup, ni woed e micheg nib thothup nima yib ni fa’an ni yira fith mornga’agen fare Babyor ku Mormon. Biney nima m’ug e susun ni dabin mal’fath nag ko fare tawa’ath ko fare Kan ni Thothup, ni biney e yima pi’ u tomuren e tawfe.

Reb e ayuw nima yib rok’ Got nrib ga’ nifan pifak nib yul’yul’ e fare tawa’ath ko fare Kan ni Thothup. Fan e biney e tawa’ath ni rib ga’fan e yima pi’ u tomuren e kalngaenʼ nge tawfe ko raen, ma aram me [be weliy rogon fapi chep nib thothup] yibe manʼaegfan ko pi denen romed u dakean e nifiy nge fare Kan ni Thothup” (2 Nephi 31:17). Cha’en nran n’agfan e pi denen rok’—ma be be’ech nag ir ni gubin e rran nibe kalngan’ ma be gay rogon ni nge par ni woed rogon fapi m’ag nikar ngongliyed u dakean fapi gam’ing ko sakrament—e rayag ngak fare tawa’ath ni fare Kan ni Thothup, ni’ir fare Thothup rok’ Somoel, “e gubin ngiyal’ … mara par roraed” (Doctrine and Covenants 20:77

Ere, President Joseph F. Smith ke machib nag ni fare Kan ni Thothup ra “tomilang nag laniyaen’ e gidii’ ko torik’ Got ban’en, mara micheg ngoraed nikar rrin’ed fare muruwel rok’ e Chitamangiy, ni ngeyag ngoraed fare mich ni’ir era par nibang roraed u n’umngin napan e yafos roraed, ni’ir era ayuwegraed ko pin’in nib riyul’ nra suguyraed ko falfalaen’ ni gubin e rran, ni yaedra adag ni ngar rrin’ed e tin nib fel’ ban’en, nib fel’ e tafney roraed ni yaed ba gafgow ko bin ba’aray ni ngar rrin’ed ban’en nib kirbe, ma yaed ba gum’aen’, mab sug e tu’ufeg roraed nga n’umngin napan ni yaedra par u fithik’ e gafgow. Pi’in nibay e biney e tawa’ath rok’, ni gowoed ba pearl nrib fel’ fal’ngin, e gubin ngiyal’ mara’i par nibe ul’ul’ i rrin’ e mangil. Fa’anra dariy fare ayuw nima yib rok’ fare Kan ni Thothup,” President Smith ke yoeg, “ma dariy be’ nrayag nge yean u langan fare pi’i kanawo’ nib k’iy mab achig daran.”

Bo’or mit e ayuw nrayag ni nge powi’iydaed ulan e biney e yafos, rib gel e kirbaen’ riy ni bo’or e gidii’ e dar fal’ag rogon nir ni nge mada’nag fare Tabiyul ni’ir e Tathapeg rodaed, Yesus Kristus. Fare fanathin ni fare ragag i rogod nin pinningraed ni ngar mada’ niged, ni bochi e gidii’ kar yoeged u mu’ulung ney, e balay e dani fal’ag rogon raed.

Susun ni gadaed manang mornga’agen e tiney: fare tapigpig ni talag e mon’og rok’ nib thothup, fal’yangren nike taleg e mon’og rok’ nib thothup nibachaen kar chuw ngorad ko pi machib nge gosgos ko Galasia, pumo’on nibe yoen’ ran fare Melchizedek Priesthood rok, pumo’on nge bpin—ni bochingiyal’ ma bay e gidii’ roraed ni yaed fapi gidii’ ko pioneer fa bay e galbithir rok’ nib fel’—nike chuw ko fare kanawo’en e m’ag ko ngongliy nge fal’ag e m’ag ulan e temple nib thothup.

Oren e tiney nima buch e bachan e deyag rok’ fapi members ni ngar fanow niged fapi machib ni’ir e def ko tin nib thothup ban’en, ni woed e meybil ni gubin ngiyal’, fil e chep nib thothup, nge kalngaen’ ni gubin e rran. Ma boech, e darma un ni gubin e wik nge darma be’ech nag fare fek fare sakrament. Ma boech e be yoeg ni Galasia e dar pi’ ngak e tin nib tu’uf rok’, ni yaed be yoen’ loen e tiney ko tin ba’aray ban’en nike mu’ i pi’ Somoel ngoraed u dakean fapi machib rok’ ni woed rogon e pigpig rodaed ngak.

Gumaen’ nge pagaen’ ngak Somoel e ir e falay ko biney. Ni woed rogon nike machib nag fare Babyor ku Mormon, Somoel era “tawaʼath nag me monʼog nag e piʼin ni yaed ma tay e pagaenʼ roraed ngakʼ” (Helaman 12:1). Pagaen’uy ngak Somoel e rib tu’uf ngak e pi’in ni de fol ko fapi motochiyel rok’ Got nge fapi machib ko fapi profet Rok’ ko gonap ko gidii’.

Kug non morngaʼagen boʼor e ayuw ni ke piiʼ ngodad Chitmangdad nu Tharmiy ni ayuwegdad pi fak Rok’ ni ngar suloed Ngak. Thingar dad ni paganʼ ni Got nge sap nge use nag pinʼey e ayuw nib thothup, nib gaʼ fare Bayul ko Fak Rok, Tathapeg nge Tabiyul rodad, Yesus Kristus. Gube meybil ni gadad ma machib nag nge fol nag pineʼey e kenggin, udakean fithingan Yesus Kristus, amen.