Liyor

Ta’areb e rogon ko liyor nib gaa’ ea kunuygad u ta’abong u lan e tafen nib thothup nge rrin’ e muruwel’ ko liyor. Fare Somoel me yog, “Ni ngeyag ni ngam pired ni gamed be’ech ko tin nu fayleng ban’en, ma thingar marod ko tofen e meybil ma gamed maligach nag fare sakrament nifen e rran rog nib thothup.” Pin’ey e, iraray fan nriyul’, ni gadad be toey e chapel. Machane, fa’an ni ba t’uf, reb e tafen ni dar thothup nag ir mangil fa’an ni ngam siro’ gad ngak nib buchuw.

Ba gaa’fan e pi’nen ni ngad rrin’ed napan gadad ma kunuygad u dakaen e rran rok’ Somoel. Riyul’, gadad ma tay e mad nib mangil e rayog rogdad—Gathi ni rib fel’ usun machane nib fel’ ni ra dag e liyor ngak e Got. Ngongol roadad e chuchugru nga rogon ko liyor. Gadad ma liyor nag napan ni gadad be un’ed ko meybil; gadad ma liyor nag u fithihk’ e tang (gathi ni ngad motoyil machane u fithik e yon’ed); gadad ma liyor nag napan ni ngad machib nag nge filed ngodad. Yesus ke yog, “Mu pugurangad u lan e rran ney, fare rran rok’ Somoel, thingari pii’ e maligach romed [ni ba yip’fan e ‘maligach … nifan e ngiyal’, salip, fa ayuw, ni ma pigpig ngak Got nge reb e gidii’’] nge pi maligach romed ngak fare Thabi Tolang, me yoeg e denen ngak e bee’, nge ngak Somoel.” Gadad ma u lung dad gathi nifan e gosgos fa falfalaen’—woed e band, ko susun—machane ere gadad ra pugurangad Ngak nge “thapeged e ganop nib machalbog” u gospel Rok’.

Ulan e general conference ke buch de nuw napan, Elder Patrick Kearon ke tayed e wun’dad ni “gathi kemus ni ngad kunuy gad nga ta’abang ko madnam ni ngad feked fare sakrament ko m’olung mi gad check nag ko list rodad. Gadma yib ni ngad liyorgad u t’abang. Bay thalin nib thil ko l’agrow ii galin’ef. Ngan un ngay e kemus ni nga nib nga’. Ma fa’anra ngad liyorgad ma ngad og niged e magar ngak e Got rodad u lan gubin yang gin ni gad be thil riy!”

Maligach e Rran rok’ Got nib thothup ngak Somoel nge fan Rok’ ir e ngonogl ko liyor. Boch e duw kafram, ni-Elder Russel M. Nelson ke weliy: “Uw rogon ni gadaedra tayfan fare rran ko Madnom? Napan ni ku gub bitir, kug fil rok e gidii’ ko mang e tin ni ngan rrin’ nge tin ndabin rrin’ ko fare rran ko Madnom? De n’uw napan ngay mug fil ko fapi thin nib thothup ni ngongol rog nge pangeg ko fare rran ko Madnom e ke par ni pow u thilig nge Chitamangig ni bay u Tharmiy [muguy ko Exodus 31:13; Ezekiel 20:12, 20]. Napan ni gu nangfan e biney, ma dan ki tu’uf ni nggu fil rok e gidii’ ko mang e rayag nge dabiyag ni nggu rrin’. Napan ni gura dugliy e tafney rog ko fel’ e n’en ni nggu rrin’ ko fare rran ko Madnom, kemus ni nggu fitheg, ‘Mang pow ab tu’uf ni nggu pii’ ngak Got?’”

Liyor u daken e rran rok’ Somoel me dag ngodad u dakaen e lem nag nib gaa’ mornga’agen e bayul ni maligach nib gaa’ rok’ Yesus Kristus. Gadad be madnam nag e Faskoyam’ Rok’ u Easter ya ku aram rogon gubin e wiik napan ni ngad thapeged fare pow ko sakrament mornga’agen e bayul, ni tay bu’un e Faskoyam’. Fan e gidii’ ni ma kalngaen’, thapeged fare sakrament e irreram e bin th’abi ga’fan e liyor ko fare rran ni Madnom.

Liyor nag u ta’abong n “woed e downgin Kristus” ni bay e gelingn nib thil nge tawa’ath napan gadad ma machib, pigpig, nge ayuwegdad ngodad. Bay e sikeng ni ke fil e pi’in ni ra sapgad e yafos ko ya’el rorad ni woed e ni yigo rad dabi guy rogon ni nar gaa’nag e ya’el rorad, fa lem nag nib ba gaa’fan e mich rorad, fa thapeg e ngiyal’ ni fan e liyor ngak Got. Ulan e ulung e pi Saint, gadad ma gel nag dad ni fan e liyor nge u lan e mich.

Aram rogon, dabda pagtalindad e ngongol ko liyor ni gubin e rran ni fan dad nge u lan e tabinaw. Fare Tathapeg nike pug urandad, “Machane, fapi micheg romed me pii’ u fithik’ ni mangil u gubin rran nge urngin ngiyal’.” Ta’areb e ppin ni ke guy, “Dabiyog ni nggu lem nag mornga’ag e reb e rogon nib mangil ni nggu liyor ngak Got ma aram ni ngam pinning e bitir u lan e yafos rodad nge ayuweg raed nge fil ngorad e kanawo’en Rok’ ni fan ngorad.”

Alma nge Amulek ni kar fil gad nag fapi Zoramites ni me dabiyog ni ngar yaen nga synagogue ere rayog ni ngar liyor gad ngak Got ni gathi kemus ta’areb e wiik, machane gubin e rran, nge “ni demutrug e re gin’en ni gimed bay riy.” Kar weliyew e meybil ir e rogon ko liyor:

“Thingar mu piiʼed gimed ni poloʼ ngakʼ u lan e singgil romed, nge yungin ni gimed ma miith riy, ngo lan e pi wuruʼ e binaw romed.

“Arragon, ma napʼan ni damur meybil gaed ngakʼ Somoel, ma ngam paged e pi gumʼirchaʼ romed nge sug ko lʼagaenʼ ngak, u lan e meybil ni gubin e ngiyalʼ.”

Kar yoegew mornga’agen e bi’eged fapi chep nib thothup, weliyed mornga’agen e mich rorad ngak Kristus, ayuw nge pigpig, thapeg fare Kan ni Thothup, nge fas u lan e falfalaen’ ni gubin e rran. Mu lemnga e tafeny ney: “fas u lan e falfalaen’ gubin e rran.” Me weliy mornga’agen bin la’agruw e lem nag rog:

Thamey nge pii’ e magar ngak Got e, ba riyul’, nima yib e falfalaen’ ko be’ech nag u lan e liyor mab kireb ni ngam lemnag ni binem e kemus ni kureb e muruwel’.

Liyor nib riyul’ ba yipfan’ ni ma t’ufeg Got nge pii’ laniyaen’ rodad Ngak—ir e thabi tolang e tawa’ath rayog ni ngad pii’. Napan ni ke thapeg e duwer ko bin thabi ga’ e motochiyl ni fan gubin e pi motochiyal, me Yesus e fulweg ni g’ar, “Thangri t’uf rom Somol ni ir e Got rom ni polo’ u gumircha’em, ngu polo’ i lanin’um, ngu polo’ i leam rom.” M Ir e tay fithngan e biney e motochiyal nso’omon.

Ireray e pow nifan e rogon Yesus ni ke liyor nag e Chitimangiy. Yafos nge bayul nib maligach Rok’ me buch ni fan e fla’ab rok’ e Chitimangiy. Gadad ma puguran gad e wenig rok Yesus u fithik’ e gafgow nge amith: “Chitamag, fa’anra yag ma ga fek e re kap ney ngam chuweg rog!,” Machane tomuren ni yoeg “Machane gathi tin ni gu ba’adag e ngam rin’ ya tin ni gaba adag.”

Liyor ir e guyed rogon e rayog rodad ni ngad fol e susun nib machalbog. Dabiyog ni ngad thapeged machalbog u lan ta’areb e neap’, machane fa’an ni gadad ra “Ma ngam pii’ed [ngak] ni maligach ni m’ingaen’ nge kalngaen’,” Ir ra tawfe nagdad ko fare Kan Thothup nge sug nag dad ko runguy Rok’.

Ulan bin somm’on e guruy ko fare Doctrine and Covenants, fare Somoel nike yoeg pi’ney mornga’agen e feylang:

“Kar wawliyed nga kireb ko gam’ing rog, nge kar kireb nag e micheg nib manechubog;

“Dar guyed e Somoel ni ngar toyed yalen rok’ nib mat’aw, machane gubin e bee’ me ranoed u wo’ rorad, nge u fithik’ e ya’an rok e got rorad, me ya’an ney e woed rogon e feylang.”

Rib mangil gadad gubin ma pugurandad e susun rorad dalip e mo’on nib yangren nib Jewish Hananiah, Mishael, nge Azariah, ni kar kalbus nag u Babylon chuchgur ni tomuren Lehi nge tabinaw rok’ kar chuw gad Jerusalem. Ba m’on niga’ lingun u Babylon e thiliyeg fithngan Shadrach, Meshach, nge Abed-nego. Tomuren, napan gali cha’ney dubrad ni ngar liyor gad ngak e sasing ni ke tay Nebuchadnezzar, me chiyliy e cha’ney nira tay, ngalan ba tafen e nifiy ni be daramram, me g’ar ngorad, “ma bay reb e got ni rayag rok ni nge ayuwegmed?”

Kagamang e fulweg rorad:

“Fa’an ra bay reb e got ni rayag rok ni nge ayuwegmad u lan fare tafen e nifiy ni be daramram ma ra yan i aw ni Got romad, ni ir e gamad ma fol ko thin rok, me ir e bayi ayuwegmad u pa’am.

“Machane fa’anra dabi ayuwegmad, … ni dab gu ted fan e birom e got, ma dab gu siro’gad ko fare liyos ni gol ni kam n’uf nga lang.”

Fare daramram be mang nib thabi gawael nike lii’ pi’in ni kar tay e gidii’ u langin, machane de gafgow nag Shadrach, Meshach, nge Abed-nego. “Me ga’ar e en ni Nebuchadnezzar, “Ke sorok fare Got rok Shadrak, Meshak nge Abednego ni kar … pi cha’ney ni yad ma fol ko thin rok ma yad ma par nib pagan’rad ngak, … ni ngar rin’ed mi yad dow ko pogofan rorad, ya kab fel’ u wan’rad ni yad ra yim’ ko bin ni ngar siro’gad ngar ted fan yugu reb e got.” Kar pagan’ug ngak Jehovah ni fan e wo’en e ayuw rorad, “machane fa’an ni gathi,” ereray, Got u lan e ganop Rok’ de taleg e yim’ rorad, ma boch ni kar pagan’ug Ngak.

Demtrug e pi’nen ni ra gaa’nag fare Chitamangiy nge fare Fak nra mang e liyos. Pi’in ni ra ya thin Got ko tin riyul’, fa dabun demtrug e muruwel ngak, ni woed rogon be manged ngodad e liyos rorad. Pi’in ni ra gaa’nag e ulungi gidii’ fa muruwel’ nib ga’ ko fonow nib thothup ma liyor e got ni deriyul’. Pi’in ni be yoeg ni ra liyor ngak Got machane dabi fol e pi motochiyl’ Rok’ ma ranoed u lan e wo’en rorad: “Pi girdi’ ney e yad be tayfag ko thin ni yad be yog, machane rib mal’af lanin’rad rog.” Fan ko liyor rodad ni yigo’, “bin riyul’ e Got, mi yad nang ko mini’ Jesus Kristus, ni [Ir] e kam l’oeg ke yib.”

U tomur, e rogon ni ngad fasgad, ir e reb e mite liyor nib ga’ nib mangil. Me dag e mich rodad ba yip’fan ni ngad ta’ab rogon nag dad e Chitimangiy nge Fare Fak—gel nag e papngin rorad u langin ngodad. Fa’an, woed e pi thin ma weliy, ta’ab rogon nag ir e rogon nib fel’ ni ngam pii’ e thin nib manging’ u tiliy, ere rayog ni ngad lem nag mornga’en, e ta’abreb nag e rogon nib fel’ rogon ni ngam manged boed ir. Biney ma weliy thingarda rrin e ngongol nib ga’ fa’an ni ngam thapeged e thothup nag. Machane, manged boed Kristus nira buch napan ni rrin’ e ngongol ko liyor. Thin rok’ Elder Kearon kafram mornga’agen e liyor, “u lan e rogon ni ra thilyegdad,” e baga’fan. Liyor nig riyul’ ni ra thilyeg.

Irereay e tin nib fel’ ko e wo’en ko micheg—wo’en ko liyor, t’uf, nge ba’adag ngak Got. Gadad ma tabab e wo’en u dakaen e tawfe, me thapeg e michmicheg ni ra thapeged ngodad e fithingan Kristus man fol ko gubin e pi motochiyel Rok. Gadad ma thapeged e tawa’ath ko fare Kan ni Thothup, fare tamilwol ko murunguy rok’ Tathapeg nima bayul ngadad nge be’ech nag dad ko denen napan gadad ra kalngan’. Rayog ni ngad yoeged ni u dakaen e kalngan’, gadad be liyor ngad Ngak.

Me tomur ni bay boch e gam’ing ko priesthood nge micheg nira fal’eg u lan e na’un rok’ Somel ni ra thothup nagdad. Pi yalen nge gam’ing ko fare temple nira buch nifan e liyor nib tolang.

President Russell M. Nelson ni ke weliy “gubin e pumo’on nge pin nra un ko gam’ing ko priesthood ra ngongliy me ayuweg e m’ag rok’ Got e rayag ni nge yib gelngin Got ngak.” Biney ir gathi e gelngin gadad ma thapeged ni ngad ayuweg nge tawa’ath nag. Biney ir e gelngin nib thothup ni ma gelnag nge be’ech nag dad. Napan gadad ra dared u dakaen e wo’en ko micheg, fare “gelngin ko thothup nag rok Got nira yib” ngodad.

Gadad gubin, ni woed e pi Nephites nge Lamanites mar, “awgaed nga butʼ nga charen I rifrifanʼay Yesus, nge … liyoer gaed ngakʼ.” Gadad gubin, woed Yesus nike chiyliy ngodad, “awgaed nga butʼ nge liyor gad ngak’ Chitimangiy [u] fithgan [fare Fak].” Gube athap gadad ra thapeged fare Kan ni Thothup nge pii’ e gum’ircha’dad ngak Got, ma dakuriy reb e Got ni ngam tay ni nge m’on ngak, nge mang e gachelpen rok’ Yesus Kristus me manged bo’ed ir ulan e yafos rodad. Gube micheg napan gadad ma rrin’ed biney, gadad ra thapeged e falfalaen’ nifan ko liyor. U dakean fithngan Yesus Kristus, amen.