Fel’ Rogmed ni Ngam Mada’ Gaed fare Tathapeg

Pi walageg nib t’uf rog, bin tomur e October faram, President Russell M. Nelson ni ke fil, “Irreray e ngiyal’ nifan ngom nge fan ngog ni ngad fal’aged rogdaed ko fare bin Migid e Wub rok’ Somoel nge far Tathapeg, ni Yesus Kristus.” Napan Presidnet Nelson ba yoeg marnga’agen Bin L’agruw yay e Wub, me yoeg u fithik’ e falfalaen’. Machane, bpin ulan e Primary nike yoeg ngog mari m’agaen’raed ngay napan nike rung’an e Bin L’agruw yay e Wub. Ke yoeg, “Gube rus bachane e tin nib kireb nira buch umon Yesus ni ra sul bayay.”

Ir gathi yigo e bitir niba fek e thamey ney. Rib mangil e fil nifan ngak’, nge nifan ngomed, nge nifan nigeg ir ma fol e machib rok’ Somoel. Madil rok’ e gathi e tin nib miith nge mo’maaw’. Napan gadad ra fol gad binem, dabda rusgad fa mari m’agaen’dad.

Chuchugur bin tomur e machib rok’ u feyleng, Yesus Kristus nike thapeg e duwer ni wi’in Ir ra yib bayay. Napan nike fulweg, Ke machib u dalip e fanathin, ni bay u lan Matthew 25marunga’agen e rogon nima fel’ rogmed ni ngad mada’ gad Ngak—napan e Bin La’agruw yay e Wub Rok’ fa napan ni ngad maed. Ba ga’ fan e tiney e machib ni bachan ni ba tabolngin e yafos ni yira fal’eg rogon ni nge mada’ nag Ir.

Somm’on fare Tathapeg me weliy e fanathin ni mornga’agen ragag i rugod. Ulan e fanathin ney, ragag i rugod ni kar yaen nga abich ko mabgol. Lal’ e chanem kar thapeged e gapgep nifan e magal, nge lal’ e chanem dabi rrin’. Napan me non be’ ni ba ga’ laman me yib fare mo’on nira mabol, lal’ e rugod nib balyang kar ranoed ni ngar chuw’iyed e gapgep. Napan ni kar suled, nge ngiyal’ ni ke sasaga’al; min ning e mab.

Yesus nike weliy dalip e pi’nen ulan e fanathin me ayuweged. Ni weliy:

“Nge ulan e rran nem, napan ni nggu sul ufithik’ e fla’ab rog, ra fulweg e fanathin nikug yoeg marunga’agen ragag i rugod.

“Ngak pi’in ni ba lowan’ nge ni bay e riyul’ rorad, nge kar thapeg gad fare Kan ni Thothup ni nge powiy’ nagdad, nge dar fol gad e sabanban—ere gu ba yog ngom … ba paer e rran.”

U rebo thin, dabi rusgad fa mari m’agaen’rad bachane yad ra gelnag. Kar gel gaed.

Fa’an gadad me ganop dad, gadad ma thapeged e tin riyul’ napan ni ngad thapeged e gospel rok’ Yesus Kristus udakaen e gam’ing ko priesthood nge fapi michmicheg. Bin magid, gadad ma guyed rogon ni ngad manged nib fel’rogon nima pared nogdad fare Kan ni Thothup. Thingarda thapeged e rogon ney ufithik’e ngongol rodad, buchuw ngo buchuw. Me ululiyed e ngonogl ko liyor ni ra pinning fare Kan ni Thothup ni nge powi’iydad.

Bin dalip e pi’nen nike weliy Yesus ni’ir e chuwgad e sasaliyib. Fare Tathapeg i chiyliy:

“Mu ayuwgad ma dab mpaged be’ nge ban nagmed.

“Ya bo’or e girdi’ ni bay rabad ni yad be fek fithingag, nra bagayad ma be ga’ar, I gag fare Messiah; miyad bannag e girdi’ ni bo’or.”

Somoel ni manang e bochi gidii’ nira guyed rogon ni ngar ban nag e gidii’ nib fel’ rogon nge miyad bannag e girdi’ ni bo’or. Dabda michaen’dad e cha’nem me yoeg ni kar thapeg e thogthog nu tharmey fa dared nga tafen ni ra machib rad e cha’nem e liyeb nag.

Babyor ku Mormon e fil ngodaed rogon e rayog ni ngad nanged e bee’ me baen ko fare gachelpen. Pi gachelpen nima machibnag marunga’agen mab michaen’raed ngak Got, pigpig ngak, nge rrin’ e tin nib mangil. Dabda thapeged e baen ngodad napan ni ngad gayed nge fol e fonow rorad e gachelpen bagel e yul’yul’ rok’ Somoel.

Ma krayag ningad chuw e sasaliyib napan ni ngad liyor nag ulan fare temple. Biney me ayuwegdad ni ngad lemnag nib manechubog nge damiiteeg ngadad ko pi’nen nira chuwdad ko wo’ nib m’ag.

Fan ni gaa’ ko fanathin ney nib ga’ e gadad e ba ganop napan ni ngad thapeged e gospel, guyed fare Kan ni Thothup, nge chuw e baen. Lal e rugod dabi ayuweg e pi’in ni dab ke thapeged e gapgep; dakiriy e bee’ rayog ni nge thapeg e gospel, thapeg e powi’iy ko Kan ni Thothup, nge chuw e baen nifan reb e bee’. Thingarda rrin’ed biney nifan dad.

Fare Tathapeg me weliy e fanathin ni mornga’agen salpiy. Ulan e fanathin ney, mo’on nike pii’ e bochi thilen ko salpiy, ni kanoeg talent, ngak dalip e tapigpig rok. Ke pii’ lal’ e pi talent ngak bin somm’on e tapigpig, bin magid ni ke pii’ l’agruw, nge bin dalip nike pii’ ta’areb. Ufithik’ e ngiyal’, bin somm’on nge l’agurw e tapigpig kar l’agruw yay i urngin fapi talent ni kar thapegew. Machane bin dalip e tapigpig nike ker e low nge mithag fare ta’areb e salpiy. Ngak e pi tapigpig ni kar l’agruw yay e pi talent rorow, mo’on ni ke yoeg, “Kam cheg, … i gur e fel’ nge michaen’ e tapigpig: kam miachaen’ ko boech e ban’en, Ere gura fi’leg em ningam suwer ko bo’or e ban’en: maen ulnagin e falflaen’ rok somoel.”

Mo’on nike puwaen’ ngak e tapigpig ni ke ker e low nge mithag fare salap bachane ir “gab kireb ma gab malmal.” Nike fek e salpiy rok nge chuweg riy, nge nike chuw. Machane, fa’an e tapigpig nike l’agruw yay i urngin e talent rok, ir ra thapeg ta’abrogon e thin ni kam cheg woed reb e pi tapigpig.

Ta’areb e milwol ko fanathin ni Got ma lemnag thingarda gaa’ nag e salip rodad ni kad thapeged, machane de ba’adag ni ngad ta’areb nag e salip rodad ngak reb e bee’. Mu lemnag marunga’age e ganop rok e tafil ko Hasidic ni Zusya ko Anipol. Zuzya e senseyni ke tabab ni nge rus u nap’an nib chugur ko yam’. Pi tafil rok nike fith, “Masta, mangfan me da’ada’ ni murus? Kam thapeg e yafos nib mangil; riyul Got ra pii’ ngom e tawa’ath nib gaa’.”

Keyog Zusya: “Fa’anrad Got ra yoeg ngog, ‘Zusya, mangfan dabi mang reb e Moses?’ Gura yoeg, ‘Bachane dam pii’ ngog e ya’el nib gaa’ woed ni kam pii’ Moses.’ Ma fa’an gura sakiy nga p’oewchen Got Me yoeg ngog, ‘Zusya, mangfan dabi mang reb e Solomon?’ Gura yoeg, ‘Bachane dam pii’ ngog e ganop woed Solomon.’ Machane, fa’an gura sakiy nga p’oewchen Tasunmiy Me yoeg ngog, ‘Zusya, mangfan dabi mang Zusya?’ Mangfan dabi mang e mo’on kug pii’ e gelngin ngom ni ngam mang? Ere, aramfan ni gube da’ada’.”

Riyul’, Got ra m’ingaen’en riy fa’anra dabda pagaen’daed e ngongol, wurengaen’, nge murnguy rok’ Somoel ni nge gaa’ nag e salip rodad ni kad thapeged. Bay e ayuw rok’ nib sumunguy, Ir ba’adag ningad manged daed ngad mangil gaed. Dariy’fan ngak fa’an gadad ma tabab gad ni bay e pi salip nib thil. Nge ta’abrogon ngodad.

Bin tomor, fare Tathapeg me weliy e fanathin ni mornga’agen e saaf nge kaming. Napan ni ra sul u fithik e fla’ab Rok’, “ma urngin girdi’en e pi nam nu fayleng ni bay ni kunuyrad nga p’eowchen. Me ere weregrad ngar l’agruw ulunggad, ni bod rogon e en nma gafaliy e gamanman nma fek e saf nge chuwegrad u fithik’ e kaming: bayi tay e saf nga ba’ ni mat’aw rok, me tay e kaming nga ba’ ni gilay’ rok.”

Pi’in u mat’aw Rok’ nira thapeged e gil’ilungun Rok’, nge pi’in u gilay’ rok’ me dabi thapeged demtrug e pi’nen. Fare papngin nge fal’ngin nib t’uf napan me pi’ gaag napan Gum’ ko bilig, mi pi’ e garbod ngak napan ma Gum’ ko belel, me fekeg nga tabinaw napan be’ nda mu nanged owcheg, me pi’ e mad ni nggon’ napan dariy e mad ni nggon’, me taliliy nigeg napan ke m’ar nge ke bay u kalbus.

Urngin e bee’ e kar balyangaen’ gad, pi’in ni yaed bay nga ba’an matʼaw, ma pi’in ni yaed bay nga baʼan gilaeyʼ. Kar fith napan nra, fa dabi, pii’ ngak e gaan, garbod, nge mad fa ayuwegen. Me fulweg, fare Somoel nike yoeg, “Ngari gog ngomed, yu ngiyal’ ni um rin’ed e pin’ey ni fan ngak bagayad e pi cha’ney nth’abi sobut’ u fithik’ e picha’ ni pi walageg ney e kam rin’ed ngog.”.”

Milwol ko fanathin e be mo’em: napan ni ngad pigpig ngak reb e bee’, gadad ma pigpig ngak Got; napan dabda rrin’ed, gadad ma m’ingaen’en nag Ngak. Ir ba’adag ni ngad use nag e tawa’ath, salip, nge ngongol rodad ni ngad yibliy nag e yafos rorad gubin pifak e Chitamangiy nu Tharmiy. E ba’adag nib thothup nifan e pigpig ngak e bee’ be weliy u lan e poem nib mangil nike yol e bee’ nu Finland ni Johan Ludvig Runeberg. Walageg nge gag kug rung’angad e poem ne “Farmer Paavo” bo’or e yay. Ulan fare poem, Paavo ir e tamiley’ nib gafgow ni ke fas ko le’engin nge 10 bitir rok u nam ko pi lupath u Finland. Ufithik’ bo’or e duw, bo’or e pi wuldug kar gathay nag, udakaen e bo’or e rran ko raen u spring, yoko’ ulan e summer, fa ice ulan e autumn. Gubin yay e wuldug nib achigchig nira yib, le’engin nira yor, “Pavvo, Pavvo, gur e pumo’on ni dabi mangil, got ni ke chuw ngodad.” Paavo, tomuren, me yoeg, “Mu ma’athuk e ’alach nge flour ere rayog ni ngam faleg e flowa ere e bitir rayog ni ngar abichgad. Gube muruwel’ nib gel’ ni nggu faleg e ‘ayal u milaey. Got be sikeng nag dad, Machane Ir ra pii’ ayuw.”

Gubin yay e wuldug nira gathay nag, Paavo me weliy e le’engin ni thingari tay bochi reb e ‘alach ulan e flour ere e bitir rayog ni ngar abichgad. Me muruwel’ nib gaa’, me fu’og e but nifan e’ayal u milaey nge ayuweg e milaey rok ko bo’or e raen u spring nge ice u autumn.

Tomuren bo’or e due nibay e gafgow, Paavo ni ke togbey bo’or e wuldug nib mangil. Le’engin rok’ nike yoeg, “Paavo, Paavo, rib falfalaen’ e ngiyal’ ney! Rayog ni nggu chuw e ‘alach, nge faleg e flowa ni bay kemus e rye.” Machane Paavo ke fek e pa’ rok le’engin nge yoeg, “Mu ma’athuk e ’alach nge flour, bachane e milaey rok’ e bugul yoror rodad nikar fek e ice.” Paavo nike pii’ e tawa’ath ko wuldug rok e tabinw rok ere rayog ni nge ayuweg e bugul yoror rok.

Fan ko fare fanathin rok fare Tathapeg marunga’agen e saaf nge kaming e thingarda use nag e pi tawa’ath ni kad thapeged—ngiyal’, salap riy, nge tawa’ath—ni ngad pigpig ngak e pifak Chitamangiy nu Tharmiy, ni rib gaa’ ngak e gidii’ nibay e gafgow nge ba t’uf ayuw.

Gube pinning e bitir ku Primary ni mari m’agaen’dad, nge ngomed, nima leaked ngak Yesus Kristus nge tay e pagaen’ romed ngak fare Kan ni Thothup woed ni ngam tay e pagaen’ romed ngak e fagar. Tay e pagaen’ romed ngak e gidii’ nib t’uf romed nge me ba’adag e Tathapeg. Guyed e ayuw rok’ Got ere napan ni ngam gelnag e salip romed, nge ayuweg reb e bee’, ni mus e be mo’omaw’. Gamed ma fel’ rogon ni ngam mada’ fare Tathapeg, nge rayog ni ngam uned Preident Nelson be manged e falfalaen’. Napan ni ngam ayuweg gubin e feylang ni nge t’ear midlen ni fan Bin La’agruw Yay e Wub rok Yesus Kristus, gara thapeged bochi athap ere rayog ni ngam uned nga tafen Somoel, daba’ nge rebo rran.

Napan gadad ma yon’ed ta’areb e tang nib bi’ech:

U dakean fithngan Yesus Kristus, amen.