Fapi Tawa’ath Ndariy Bi’id Manemus: Bayul rok’ Yesus Kristus, Foskoyam’, Sulyarmen

Boech e duw kafram, klass romaed ko gospel ni kakadbul era filed yuyang i chep ulan e Bible. I gag e guba’adag fapi guruy ni ba’achichig. Biney e mu’un fare guruy ngay ko John 11:35—ni’ir e th’abi achig e yoel riy ulan e chep nib thothup, nikemus nibe ga’ar—“Me yor Jesus.”

I gag rog, nike yoer Yesus ko tin ni kirbaen’ nge tin ni falfalaen’ ban’en e be michag nag ngog e n’en ni buch: ni fare Fak Got nib thothup e yib nga fayleng me fil rogon ni nge par ufithik’ daed me tawa’ath nagdaed.

Napan ni gadaedra yoer nifan e kirbaen’ fa falfalaen’, Yesus Kristus e ribe nangfan nib polo’. Rayag nira yib ngodaed ko ngiyal’ ni kari tu’uf fapi tawa’ath ndariy bi’id manemus: Bayul rok’ Yesus Kristus, Foskoyam’, sulyarmen.

Mary nge Martha nra yoer gow ni bachan walagrow ni pumo’on ni fithingan i Lazarus, ni ke yim’. Thamiy Yesus e murnguy, me yoer. Me fosag Lazarus.

Yesus u Jerusalem ko fare ngiyal’ ko fare Paluk’af. Yor nag, ma deyag ni kunuy fapi gidii’ rok’ ni go wod ba alabol ni kunuy pifak. Fare Bayul rok’ e bay e daba’ nima pi’ ngodaed e athap ko ngiyal’ ne kirbean’ rodaed.

Fare Somoel ko fagi mileay’ e yor nag me fith ngak fapi tapigpig rok’, ni biney e rayag nibe yipfan e minestering brothers nge sisters, “Mang e kubay ni gurarinʼ ko mileayʼ rog?”

Mary nib sak’iy u barba’ fare malang. Me fith Yesus, “Mang fan ni ga be yor?” Ma nang ni “yor e lu’ nnep’, me yib e felfelan’ ni kadbul.” Foskoyam’ e bay yib ko fare kakadbul riy nifan ngak e gidii’ ni gubin.

U dakean fapi binaew ulan fare Babyor ku Mormon, napan ni yib fapi gidii’ Ngak nib yul’yul’, mari sug e falfalaen’ rok’ Yesus. Me yor nag.

“Me fek e pi bitir roraed, ni tata’areb, nge yibliy raed, me meybil ngak’ e en Chitamangiy ni fan ngoraed.

“Ma napʼan ni rinʼ e biney, me yoer bayay.”

Biney e Easter nifan Yesus Kristus: Era suguy gum’ircha’endaed me fulweg taban fapi duwer rodaed. Ra falay e luu’ rodaed, ma gathi luu’ ko falfalaen’.

Napan ni gadaedra yor, ma bochingiyal’ ma gadaed ma siroq nag, fa thamiyed e tamra’. Machane fa’anra yim nang ni Yesus Kristus e be nangfan e amith u fayleng nge falfalaen’ e rayag ni nge pi’ gelngindaed ulan e biney e yafos nib momaw’ rogon.

Reb e matam, u South America ni yor. Ni yim’ fak, ni bpin ni bitir. “Demturug ko mang e gura rrin’ ni ngeyag ni ngguy biyay,” nibe yor ulan pa’ag. Ma kug un ko yor.

Napan fare yibliy ko fare Temple u Puebla Mexico, bay reb e bpin ni yor ko falfalan’. Ni gara guy ni owchen e ba sug ko mich nge athamgil nibe tay. Me ga’ar, “Todos mis hijos están aquí en el templo hoy”—“Gubin pifakag e yead bay u roy ulan e temple e daba’.” Mfen ni bo’or ni yaed be mukun ngalan e nu’un rok’ Somoel nibe sug owchraed ko luu’ ko falfalaen’.

Ko maal, tabinaew nge buguliyoror ni yaed be chal ngoraed nga’ur gafgow niged raed. Luu’ ko domomuw e be sagael’ nibe athap i yean. Laman nibe dada’, reb e bpin ulan reb e binaew e be ga’ar, “Buguliyoror, u mm’on ni nggum’, gu ba adang ni ngam nang bu’uw e chongin ko tabinaw rom.”

Reb bpin nge pumo’on ni ngan seal nag row uan fare nu’un rok’ Somoel. Nike 70 e duw rok’, ni woed. E pin ni nge mabgol, ni kari soen nag e roffen ney ni nge buch. Ir be chelcheleg e dress rok’ aray nge arram. Ma be map luwan ko luu’ ko falfalaen’. Fapi michmicheg rok’ Got e be buchbuch. Fapi m’ag rok’ e ma fek fapi tawa’ath i yib.

Napan nibe machib nag reb e bpin ni dariy figirngin, me fil Boyd K. Packer ba machib nrib fel’. Tomuren e tuwthin nikar tew figirngin, me yoeg fare bpin boech e thin ni dani fel’. Me buch ni riyaq fare figirngin ngabi yim’ e roffen nem. Ke gaman wugeem e duw,” nike yor fare bpin, “kug par u infierno ni bachan e thin nu l’ugnag ngak, ni dani fel’, ma rib togan.”

Easter ngak Yesus Kristus e rayag ni nge, ayuwegdaed, nge munguy nag, me fal’ag e pi tha’ ney, ulan l’agruw raba’ fare veil. Yesus e rayag ni nge fosag e kirbaen’; rayag ni nge bing wo’en e man’agfan. Rayag ni nge pagdaed ulan e kalbus ko pin’en nikad doged ni dani fel’ fa tin nike yoeg be’ ngodaed.

Easter ngak Yesus Kristus e rayag ni nge pagdaed ngad thamiyed Got. Biney e fayleng e be yoeg ngodaed ba n’uw, fa gaed ba ngochngoch, fa sleklek—fa dani fel’ llolgodaed, fa fel’ ya’ay, fa dani gel e thothup rodeaed. U thilyeg nib thothup u dakean Yesus Kristus, e rayag ni ngad paged e tiney e leam nge tafney.

Ko fare falfalaen’ ko Easter, kad don’ed e tang, “Yam’ e kan gel ngay; ma gidii’ era foskoyam’. Kristus e ke gel ko biney.” Foskoyam’ ni tay Kristus e ke pagdaed u kalbus ko yam’, nge pi magawon rodaed ko dowef. Bayul rok Yesus Kristus e krayag ni nge sulweg yarmen daed ko tin nib thothup ban’en. Ke yib e racha’ u fithik’ i dow, yor ni yib e racha’ u owchen, ni ngeyag ni ayuwegdaed ngad chuwgaed u fithik’ e denen nge fo’odnag. Ke chagliydaed nga ta’abang, polo’ i ga’angin mab thothup, ngodaed nge ngak Got. Ko gubin ban’en nib fel’, Yesus Kristus e ke sulweg e fla’ab ni bo’or—ni gathi kemus ko tin kafram machane ko tin nrayag ni nge buch.

Yafos nge tomilang rok’ Yesus e be micheg nag fare tu’ufeg rok’ Got ngak pifak. Bachan Got ni Chitamangiy nib tu’uf pifak rok’ ni gubin ni demeuturug e duw fa gin ni yaed bay riy, rayag ni ngad pire’egned fare tu’ufeg rok’ ko mulwon ni ngan nib ngan pire’eg e gapas nge falfalaen’ ngak ko yalen nib thilthil. Demuturug yang, fa gin, fa mini’, gadaed gubin ma ta’areb rogondaed nib thothup ni bachan e en ni Sunmiydaed. Woed fapi gidii’ nu Islam, Judaism, nge Christianity e bay e tiliw roraed ni yib rok’ Chitamangiy i Abraham reb e tha’ ko m’ag ni yib u Egypt nikab kakrom.

Chitamangiy i Abraham e yib nga Egypt min taw’ath nag.

Joseph, nin pi’ ni chuway’ nga Egypt, nangfan e lik’ay rok’ Faraoh nibe weliy mornga’agen fare medlup e duw nra yungo’ol e woldug nge medlup e duw nira yib e famine. Joseph ni ayuweg e tabinaew rok’ nge gidii’ rok. Joseph ni yor napan ni guy fare ga’angin fare tonom rok’ Got, ni gubin ban’en ni fel’ rogon u ta’abang ni bachan fan e pi’in ni ka’i fol ko fapi m’ag roraed.

Moses, nin chugliy u tofen Faroah u Egypt, ni thapeg me sulyarmen fapi kiy ko mukun nag pifak Got.

Prophecy ni yibe buch, ni Josephm Mary, nge fare tir ni’ir Kristus e ranod ngalan yu Egypt. U Cairo, reb e Muslim nib ta liyoer e ga’ar: “Fare Quarn e machib nag ni Joseph, Mary, nge fare tir ni Yesus e ra pire’egned e nu’un ko nam rog. Ulan e nam rog, napan ni kab bitir Yesus ma’i kay e ggan romaed, gin ni nang rogon e yaen riy, nge gin ni nang rogon e numon riy. Uroy ko nam rog, michuwaen’mad ngay ni papa’ngin e gek’iy nike m’ing kowan nga but’ e fan ni nge pi’ wa’amngin e ggan ngak nge tabinaew rok’. Ir ni’i moy ulan e nam romad e ke tawa’ath nag e gidii’ riy nge but’ riy.”

Tonom rok’ Got nifan e gidii’ nge mat’wonraed e ke bing wo’en ni ngeyag ni ngad llowean’gead ko pin’en nibe buchbuch rodaed. Boech e pin’en nikad filed e ke yib ko bugi machib sana dariy bi’id ni gadaedra mel’eg. U fithik’ e tu’ufeg, me yib Yesus Kristus nga but’ maki sul biyay nga tharmiy u fithik’ gubin ban’en. Ribe falfalaen’ ko gelngindaed nib thothup, ayuw ni gadaed be dag machane danur athapeg e tawa’ath riy, mich ko kalngaen’ nge n’agfan. Napan nibe yor ni bachan gelngin e gafgow, nge amith, nge tin ni gadaed be yean u fithik’—nib ga’ nibe buch ni bachan e pin’en nibe mel’eg e gidii—ma k’aram rogon nibe un Got nu Tharmiy ngodaed.

Ra reb fapi Easter ma be micheg nib ul’ul’ nge un ko galasia ngay e l’agruw nibang ko fare wo’en e bayul nib thothup, foskoyam’, nge sulyarmen u dakean Yesus Kristus. Biney nib thothup ko un ko galalsia e darma yib nib oloboech fa dariy kanawo’en. Madnom ko Psalm, fare Wik nib Thothup, nge Easter e me madnom nag fare Bayul rok’ Kristus nge fare Foskoyam’. Woed e daba’, ra gubin e April 6 ma gadaed be tayfan fare rofen nin ayliy min toey Fare Galasia ku Yesus Kristus ni Fan ko Gidii’en Got ko Tin Tomur e Rran. Fare Sulyarmen e irreram fan ni gadaed ma gak’ nga ta’abang ko fare Madnom ko fare general conference ko April.

Fare Sulyarmen e yib napan fare foskoyam’ ni tay Yesus Kristus, Moses, Elias, nge Elijah nra fulwegned fapi kiy ko priesthood nge mat’won ngalan fare Temple u Kirtland ko fare Easter ko Madnom, 1836. Roffen nem nin fulweg fare Galasia rok’ Yesus Kristus e yib mat’won Got nge fapi tawa’ath rok’ nga pifak ni nge kunuyraed, me fal’ag rogon fapi bitir rok’ ni ngar suled ngak, me ta’arebnag e tabinaew ni manemus. Sulyarmen ko roffen nem e polo’nag ga’angin fapi prophecy ni buch ko Easter nge fare Paluk’af.

Mu’un fare Temple nu Kirtand ngay, kug un nga fayuyang i n’en nib thothup ni woed u Ohio ko gin ni guy Joseph fare Profet i Got riy ni Chitamangiy nge Fak, Yesus Kristus. Fare Profet Joseph e guy ya’an lane tharmiy. U tharmiy, Chitamangiy nu Tharmiy, u dakean Yesus Kristus, “e rrin’ fapi muruwel riy u pa’” ulan ba kingdom ko fla’ab. Kemus n’en nib thil riy e pi’in nra mel’egned “ni ngar fekyathin nigeded Fak e Chitamangiy u tomuren ni dag ngoraed.”

Napan ni tabab fare machib rok’ u fayleng, me yoeg Yesus nira tawa’ath nagdaed ko urngin e pin’en nra magaraen’daed ngay ni ngad thapeged—ko gubin ngiyal’, gubin yang, ni demutrugug rogon. Tomuren ni balay nag e abich rok ko 40 e rran, me yean Yesus ngalan e tagil’ e mo’olung me be’eg, “Fare Kan ni Thothup rok Somol e ke yib nga dakenag, ni bachane ke gapgep nigeg ni nggu machib nag e Thin Ni Bfel’ ngak e pi’in gafgow; ke l’oegeg ni nggog ngak e pi’in kan kolrad kan tayrad ni bay ni pagrad, mu gog ngak e pi’in malmit ni bay ra guyed ban’en, ma nggu chuweg ko gafgow e pi’in yibe gafgow nagrad.”

Gafgow, kirbaen’daed, kalbus, ma’ew, bech—era bagdaed ma bay rok’.

Fare babyor ku Isaiah e ul’ul’nag fare micheg ko fare athap, nra chuwegney, nike micheg: “Me fal’eg laniaun’ urngin e girdi’ nike gafgow lanin’rad u Zion, … bay ra boded yoke gek’iy ni somol e yung, ni pining e sorok ngak Got ko n’en ke rin’.”

Ere, gu yor gaed, “Jerusalem e be felfelan’ ni bochan e n’en ke rin Somoel, Ir e bod be’ ni bpin nike chuw nga madan e m’agpa’, rogon nike yib Got i ayuweg ke mat’awnag ngak e bod ba mad nike yin’ Got nga daken e re pin nem.”

Re reb e Easter, ma gadaed be madnom nag, fan ni ga’angin nib polo’, fare tawa’ath ndariy bi’id manemus u dakean Yesus Kristus; fare Bayul rok’; nge fare (tawa’ath nifan ngodaed) ko Foskoyam’; Sulyarmen fare Galasia rok’ nifan ko Gidii’en Got ko tin tomur e rran nib mu’un fapi kiy ko priesthood ngay nge mat’woy ni ngan tawa’ath nag pifak Got ni gubin. Gadaed be falfalaen’ ko fare garment ko wo’en e thap nge fare maad ni mat’aw. Ngad tolul niged e “Sorok Ngak Got nge Fare Saf!”

“Ya Got e rib t’uf e girdi’ nu fayleng rok, ma aram me pi’ fak ni kari maagirag rok nge yib, ni fan e nge urngin e pi’in ni michan’ rad ngak e aram e dab kurm’ad, ya keyag e yafos ndariy n’umngin nap’an ngorad.”

Gube athapeg nra bagdaed me pire’eg fare bayul rok’ Yesus Kristus, fare foskoyam’, nge fare sulyarmen—gapas, min boed min un ngay ko—pin’en nran athamgil riy nra pi’ e falfalaen’ ngodaed, ndariy bi’id manemus, gube meybil nag e pin’ey u dakean fithingan nib thothup, Yesus Kristus, amen.