Ni Woed Bitir

Yesus ni gel nag marrin e muruwel ko fapi Apostle Rok’ ko bin tomurn e duw ko ngiyal’ ni’i moy u fayleng. Fa’anra e mulwol Rok’ nge Galasia Rok’ e nge u’ul’ u fayleng, arram fan ni bo’or ban’en ni machib nag ngalan gum’ircha’en fapi pumo’on ni fare 12 nikemus ni kar nanged Ir ko napan e 24 e pul.

Borran ngay me guy Yesus nibe tugthin fare Ragag nge La’agruw ngorad nge borran me fithraed, “Mang e um tugthin niged u kanawo’?” Kar tamra’gaed, ma “dar fulweged lungun,” nrayag nibe yoeg fapi chep. Ma fare sensry roraed ni’ir e th’abi gel’ ko gubin mit e sensey e manang e pin’en u gum’ircha’enraed ma manang ni yaed be muruwliy kanawo’en e ‘uf ngalang. Ma arram “Me ere kol pa’ bochi tir, me sak’iynag nga to’oben, …

“Me ga’ar, Mu ted fan mediyan ko re bugithin ni ba’aray: Fa’anra dab mpiggad ngam boded e bitir ma ri dabiyag ni ngam uned ngalan Gil’ilungun e tharmiy.

“En nra yan i par ni ir e th’abi tolang ko gagiyeg nu tharmiy e en nra sobut’nag ir nge bod e chi tir ney.”

U mm’on nin gargeleg Kristus, bin tomur e thin rok fare Pilung i Benjamin e ki non ni mornga’agen e sobut’aen’ ko bitir. Be ga’ar, “Ya gidiiʼ nib fekyath e toʼogor rokʼ Got, … ma bayi paer riy ni aram rogon, … nge mang reb i gidiiʼen u dakean fare bayul rokʼ Kristus ni ir Somoel, me boed beeʼ nib bitir, ni ma fol, … mab gumud, … mab sug ko murnguy, … ni boed rogon bee’ nib bitir nib [m’agaen’] ni nge fol ko chitamangin.”

Machane, bay boech e “nangfan” ko bitir nsusun ni dabin taga’ ngay. Riliw’ nge l’agruw e duw kafram, bitir ko bitir rok ni dalip e duw rok’ nike girgiriy e walagen nib ppin ni lal’ e duw rok’ nga dakaen e pa’. Figirngin fakag, nike sap e bitir ney u neap’ ney, e gay rogon nge machib nag e fak ni ppin, napan ni buch e biney, ko rogon e gapas nike yib ngak e ngiyal’ nem, me yoeg ni sana fare bin ni bitir e tir e dani nang fan e amith ko k’ad be’. Biney e fel’ ni karimus ni ta’areb nge balay e minut, napan ni tabab reb e bitir ko yoer u lanreb e singgil me non tuwngin nibe ga’ar, “Ere chiney e ke nang lamen e biney e amith.”

Ere mang e bay nrayag ni ngan fil ko mornga’agen e pi bitir ney ni yaed bitir? Mang ere n’en ni pi’ e lu’ nga owchen Kristus ko n’en ni buch ulan fare Babyor ku Mormon? Mang e be machib nag Yesus napan ni pinning e nifiy nu tharmiy nge fapi angel ko yororiy nag ni nge liyeg fapi bitir, me motochiyel nag fapi plubthir ni ngar “musap gaed, ngakʼ e pi bitir [rorad]”?

Dabda nanged e fan ni ke rrin’ binem, machane gube lemnag e fan ney ni yad be nib polo’ nge mangil, ni bay e gumud, nge mang ir ra fekdad u yafos rodad fa’an ra ni gadad kol e biney.

Mangfan e pi rran rodad ni bay e gafgow woed ni ke weliy ta’areb ni “Rib m’ayfan, bm’ayfan”? Urogon e “fare tafnaey ni kireb nge fare ʼufʼuf ko pibitir ni fak e gidiiʼ” e pi thin ni ir e be yipfan fare nu’un nib ga’ ulan e lik’ay rok’ Lehi ni woed e yam’ ko tin ni thothup ban’en? Nge fapi Zoramites, ni fare ulung nima meybil nikemus nifan fal’ngin ngoraed? U fithik’ raed me yoeg Alma, “O Got, yaed be [meybil] ngom nga lʼugunraed… ma yaed be lemnag ni yaed e thʼabi felʼ, ma yaed ba falfalaenʼ ko tinu fayleng banʼen.”

U barba’ e biney, bay ban’en ngay nib fel’ boech, nib thabi polo’, fa thabi gumaen’ ko meybil rok’ fapi bitir nri yaed munguy? Ir boed ni bay tharmey ulan e singgle. Got nge Kristus e be riyul’, machane nifan boch e gidii’, yow ma de riyul’.

Elder Richard L Evans ni ke bi’eg chuchugur ko 60 duw faram: “bo’or e gidii’ me yoeg ni ngar fol Kristus, machane … dabda fol Ngak ni kari gaa’ fan. … Gadad ma liyor gad Ngak, machane dabda leaked Ngak’. … Gadad mayoeg e think Rok’, machane dabda fasgad e thin ney.” “Gadad ma ba’adagdad Ngak, machane dabda liyor Ngak’.”

Ba thil e yafos rodad fa’anra gadad ra ba’adagdad Yesus nib tolang ko kemus e yoeg ko thin nib kireb ko ngiyal.

Machane pi bitir ni b’tuf nib riyul’ ngak, nge adadg ney nira managed ulan e tha’ rorad ulan e tafen ko gosgos u yafos. Ya ko napan ni kiyaed bitir, moem rogon ngoraed ni ngar daged e tu’ufeg, n’agfan, nge minmin roraed nra munguy nag e gum’ircha’.

Biney, e gathi kemus rogon mornga’agen array. Nib polo’? Pagaen’? Athamgil? Rogon facha’?

Mu’un ngog ngad ted fan e sobut’ ngak Got reb e fa’ag nib t’uf rog.

Ko January 5, 2025—91 e rran nike pag—e ni pii’ fare Aaronic Priesthood ngak Easton Darrin Jolley min ordain nag ni nge mang reb e deacon u lan Fare Galasia rok’ Yesus Kristus ni fan ko Gidii’en Got ko Tin Tomur e Rran.

Kari n’uw napan nibe soen Easton ni nge un i pii’ fare sakrament ko fare bin tomur e Abich ni tay Somoel. Yib e biney e muruwel nib thothup ngak nib mu’un e amith u yoel rok’ nibe rus nag ni dabi fel’ e muruwel rok’, ni yira kak’rang ma yira tamra’ nag fa tabinaew rok’.

Amsap, ya Easton e bay reb e m’ar rog ni fapi ufin u fithik’ duw e mo’war nge fapi ul’ul u dow nib munguy ma dani gel. Biney e m’ar e ki’i moey rok’ ko napan ni kab bitir nibe gafgow nag ma be saga’alnag ko pin’en nibe athapeg ni nge rrin’. Dabki n’uw napan ma nge par nga wheelchair. Gathon e tabinaew rok’ e darma weliy ko mang era buch nga tomuren.

Fare Madnom ni tomuren e rrofen nin ordain nag ma Easton e rayag ni nge un i pii’ fare sakrmanet ni irreram e yan somm’on riy. Ma athap rok’ e ba’adag ni nge rrin’ e biney e muruwel nib thothup ni nge rrin’ u powchen e chitamangin, ni’ir e fare bisof ko fare ward. Nri wenig nag, ma be yoeg nag nge nri ba’adag ni dairy bee’, ndariy bee’, ni nge ayuweg. Bo’or fan, ni kemus ir ma nang, nraba’adag ni nge rrin’ e biney ni yigo ir rok’ ni dariy be’ ni nge ayuweg.

Tomuren nike yibliy fare priest fare flowa maken teta’ar—ban’en ni yima rirn’ niba fanathin ko dogur rok’ Kristus—Easton, u fithik’ e athamgil ko dowen me yibii sak’iy ko bin somm’on fare tatawo’ ni nge fek e birok’ e tray. Tiney, e tatawo’ e bugi tatawo’ ni rib ga’. Ere, tomuren nike thapeg e birok’ e tray, me k’iyag ir u gelngin nrayag rok’ me tay nga dakean e gin ni yima koel. Me, par nga butt’ u dakean reb fapi tatawo’, u l’agruw raba’ i pa’ me tinning bani mat’aw tuguniya nga bin somm’on ko fare tatawo’. Me chuweg e bin ni gilaey’ i ay nge fare tatawo’, nge mada’ ko ngiyal’, ni gowoed e ke yean ko fare burey nu Mount Everest ngay.

Ma arram me chugur nag ir ko bang e rungrung nrayag ni nge sak’iy riy ngalang. Me yib ko gin nibay fare tray riy. In e yean nga mm’on fani taw nga powchen fare bisof, ni papa rok’, nibe mop e lu’ u owchen nga but’, nribe gay rogon ni dabi gumuchmuch nag ere tir rok’ ney ko gelngin e athamgil nge yul’yul’ rok’. Nge Easton, ni kari falfalaen’ ni bachan e n’en nike rrin, e susun ni nge ga’ar, “Kug gilnag buguwam u fayleng; ma kug mu’nag e maruwel ni mpi’ ngog ni nggu rin’.”

Mich, yul’yul’, polo’ u gum’ircha’ey, pagaen’, tayfan, nge, tomur riy, fare tu’ufeg nibay rok’ ngak e chitamangin nriba’adag ni ngari falfalaen’ ngak. Tiney nge ku boech e rayag ni ngad doged, “En nra … yan i par ni ir e th’abi tolang ko gagiyeg nu tharmiy e en nra sobut’nag ir nge bod e chi tir ney.”

Pi walageg nge fagar rog, gube micheg ni pi sassing ney nrib fel’ ya’an ni gumanang e ya’an e bitir nge maduway nge fel’yangren ni bugi bitir nri fel’el nib mu’un e bitir nikan weliy mornga’agen e daba’ ngay. Gube micheg ni bugi sassing ni ya’an gul’il’ungun Got nibay u fayleng nibay fal’ngin nge ya’an nrib fel’.

Ulan e ya’el ney ko micheg, gube micheg ulan e ngiyal ko pagal rok’ ni, Joseph Smith e guy e n’en ni yoeg ni guy me thapeg e pi’in ko pi gidii’ ni yoeg nrabad ngak. Gube micheg ni Russell M. Nelson e Got e ke ordain nag ni’ir e bay fare tawa’ath rok’ ni profet nge tathogthog nag. Ufithik e yafos rog ko tin ni kug be’eg, gube micheg ni fare Babyor ku Mormon e karimus ni’ir e bin th’abi fel’ e babyor ni kug be’eg nriyul’ ni’ir e fare malang nibay u lukungun fare na’un rog nib achigchig u tharmiy. Gube pii’ e m’ag rog ni fare priesthood nge meybil be fulweg e yafos rog—Priesthood rok’ Kristus nge meybil romed. Gu manang e pin’ey nibay nib riyul’ ma gube micheg nag ngom u dakean fithingan e nifak nrib ta fol—Alpha nge Omega, Ni’ir e Baga’ mab Fel’, ni’ir e ni lii’, ni’r e fare tamicheg nag nib yul’yul’—ni Somoel Yesus Kristus, amen.