Nan Erein Ahnsou Mwotomwot
Ma kitail sohte pahn pwoson oh loaloapwoat, kitail kak katiahsang Sapwellimen Kauno kapai kan me pahn wiahla mehn pohnmwahso me kin kawe oh kaping kitailda.
Rie Souleng kan, rahnwet ni ahi wie mwomwohd powehu, I kilang nan wasahn tiepene lap wet audauda pak siluh, ehdin ah wiawi sang mwurin COVID. Kumwail iei Sapwelimen Kauno tohn doadoahk me udahn men esehla. Ih kapingahkin kumwail amwail pwoson. Oh I poakpoakei kumwail.
Ezra Taft Benson papah kiher Preseden En Mwomwohdiso en Sises Krais en Souleng en Imwin Rahn akan sang Nohpempe 1985 lao lel Mei 1994. I wia sounpar 33 ansou me Preseden Benson wiahla Preseden en Mwomwohdiso wet oh I wia sounpar 42 ansou me e mehla. Oh eh padahk oh eh kadehde kan sair ie oh kakehlaka ie ni soahng tohto.
Ehu kisehn doahdoahk lupwalupw me Preseden Benson wiaier iei kesempwalki kahrepe oh kesempwal en Pwuhk en Mormon. E kin kalapw kosoia me “Pwuhk en Mormon me wia poahsoan en atail mwomwohdiso—poahsoan en atail kadehde, poahsoan en atail padahk, oh poahsoan en kadehde pen atail Kaun oh Sounkomour.” E pil kin kalapw kasalehda padahk kan oh kehkelik kan me pidada dihp en pohnmwahso me dierek nan kadehde pen Sises Krais imwilahn rahn akan.
Padahk ehu sang Preseden Benson me sahir ie laud oh kin kalapw mie mene ni ahi kin onopki Pwuhk en Mormon. E mahsanih:
Pwuhk en Mormon … wiawihda ohng atail ansou. Mehn Nihpai kan sohte nahiniki pwuhk wet; pil duehte mehn Leimen en mahs ako. Eh dokedoke ohng kitail. Mormon wie ntingting ansou kis imwilahn irahil mehn Nihpai kan. Sang ni kepitien Koht, me ketin masanih soahng koaros sang ni tapio,[Mormon] kihpene poadoapoa kan en mahs, kin wie pilipil soai kan, kapahrek kan, oh doadoahk kan me pahn keiou sewese kitahil.“
President Benson doulahte kosoia: “Irail akan me intingida soai kan nan Pwuhk en Mormon kadehdeier me e kin inting ong irail dih kapw me pahn kohdo. … Ma re kilang atail mwehi et, oh pilada soahng teikan me pahn keiou kesempwal ong kitail, a kaidehn ih mwomen atail en onopiki Pwuhk en Mormon? Kitail pahn kin ansou koros peidek rehtahil, ‘Dahme karehda Koht sewese Mormon … en kapataieng [Ire wet] nan pwuhk wet? Soangen kaweid dah me kitail kak alehdihsang met [kehkelik kat] en kak sewese ie momourki rahn wet oh mwehi wet?’”
En Preseden Benson ireht sewese kitail en wewehki me Pwuhk en Mormon sohte wiahte kisehn poadoapoad en kileldi kan en mahs. Ahpw, kisehn irehn pwuhk sarawi pwukat doke mwehi kapw oh audahudkida kaweid kesempwal kei, kehkehlik kei, oh kaiahn kei ohng wiewiahn rahn pwukat oh kahpwal kan en atail ansou. Pwehki met, Pwuhk en Mormon iei pwuhk ieu me pid duwen ehu rahn kokohdo oh kitail pil miher loale oh ansou kan me saikinte leldo.
I kapakapki sawasepen Ngehn Sarawi pwehki ansouet ni atail alehda padahk audapan akan ohng kitail sang nan pwuhk en Ilimen nan Pwuhk en Mormon.
Mehn Nihpai oh Leimen kan
Poadopoad kan en Ilimen oh nah pwutak kan kasaledha aramas akan me kaskasik ipwidien Sises Krais. Pahr limeisek (50) me ntingdiher nan rekohd sarawi wet koasoaia weliakapwala oh pwuhng en mehn Leimen akan, a pil luwet, rotorot, oh kapwahl akan en mehn Nihpai akan.
Soangen mehn tenekih oh kaweid nan pwuhngen mehn Nihpai kan oh Leimen kan sang rekohd en mehn mahsko me udahn kesempwal ohng kitail rahn wet.
“Pali laud en mehn Leimen kan wialahr aramas mwahu kei, kahrehda arail wiewia mwahu kan siksang ahn mehn Nihpai kan, pwehki arail kehlail oh arail tengediong nan pwoson.
“[Pil] mehn Nihpai tohto me keptakailahr oh apwal en koluhla oh suwed mehlel, kahrehda re soikala mahsen en Koht oh padahk kan oh kokohp kan koaros me kin kohieng irail.”
“Oh met kitail kilang me mehn Nihpai kan arail pwoson tepidahr tikitikila, oh arail wiewia suwed oh tiahk suwed kan lalaudla, ah mehn Leimen kan tepidahr kekeirda mehlel nan wehwekida arail Koht; ei, re tepidahr kapwaiada sapwellime koasoandi kan oh kosonned kan, oh wehweidki mehlel oh mour pwung nin duwen sapwellime koasoandi kan.
“Oh met kitail kilang me Ngehn en Kauno tepida pweieksang Mehn Nihpai kan, pwehki wiewia suwed kan oh keptakailahn mohngiongarail kan.
“Oh met kitail kilang me Kauno ketin tepidahr ketikihong sapwellime Ngehno rehn Mehn Leimen kan, pwehki arail mpahi oh inangih kamehlele sapwellime mahsen kan.”
Mwehin ele me keiou kapwuriamwei oh likisang wiewia nan mwehin rotorot ohng mehn Nephi iei me mehlel me “irail kedekedeo wiewia suwed pwukat koaros kohdohng irail nan erein ahnsou mwotomwot.”
Mehn Nihpai kan Sohpeisangehr Koht
Ia mwomwen aramas mwahu-kei ahr kak keptakaila oh luwetala ni ansou mwotomwot? Ia mwomwen aramas ahr kak mwadangete manokehla Kohto me kin kapai irailda ansou koaros?
Ni kehlail oh ahlmwahuih, karasaras suwed kan en mehn Nihpai kan wia mehn kaweid ohng kitail rahn wet.
“Pohnmwahso lap … me pidelongehr … nan mohngiong en aramas kan me towehn mwomwohdiso en Koht … oh met pwehki ar kepwehpwehla mehlel oh arail pweida nan sahpwo.”
“[Re] katengedier [arail] mohngiong kan pohn dipwisou kan oh soahng mwahl en sampah” “pwehki pohnmwahso me [re] … mweidengehr en pidolong [nan arail] mohngiong kan me … pok [irail] daulih dahme mwahuo pwehki [arail] kepwehpwehla mehlel!”
Ngihlen mehn mahs ako me melahr padahkiong kitail rahnpwukat en kasukuhlki kaweid lingan: paiamwahu, dipwisou kan, oh mour mengei me kak karehda me pwung kan en nimada pilen pwoisin en pohnmwahso.
Mweidohng pohnmwahso en mih nan atail mwohngiong kak kahreiong kitail en kawehla me sarawio; sohla kamehlele ngehn en kokohp oh kaudiah; kosonned en Koht pahn mihla pahn nehtail kat; soikala mahsen en Koht; kihsang, kawe, oh uhwengada soukohp kan;oh manokehla Kauno atail Koht oh “sohte kin inangih me Kauno [atail] Koht, me Ketin kapikada [kitail], en kaun oh apwalih [kitail].”
Eri, ma kitail sohte pahn pwoson oh loaloapwoat, kitail kak katiasang en Kauno kapai kan me pahn wiahla mehn pohnmwahso me kin kawe oh katiasang kitail sang mehlelo oh doahdoahk kesempwal en ngehn sarawi. Kitail anahne en kin perehsang kitail sang pohnmwaso me kin katelahpehla atail inehng en kesempwalikihte pehin kitail, kaweid suwed ohng kitail en wia pein insenetail, oh rapakihte pein ngehi ah sohte sewese mehteikan.
Ansou me kitail kin medewehte pein kithil, kitail pil kahpwalehla ngehn sarawi oh sohte alehdi mehkot, palilaud, ehle soahng kan koaros me pil kapilpene kitail. Kitail sohte kak kilang oh mehlel ehng Sises Krais ni eh wia “kilel” ihte ma kitail kilikilangte pein kitail.
Soangen maskuno kak karehiong kitail en sohpeisang me pwuhng, lohdiohng nan ahl me sohte mwahu, oh salongala. Ni atail pein “wewehidlang nan [atail] ahl” oh idawehn ahl sakanakano, kitail sohpeisang oh wewehiki pein atail marain, uhkida pein atail kehl, oh weidki pein atail loaloakong.
Samuel mehn Lamanite oh kawewehda an mehn Nephite kan sohpeisang Koht: “Pwe kumwail rapahki erein amwail mour me kumwail sohte kak alehdi; oh kumwail rapahki peren nan wiewia suwed, me kin uhwong ahnepen mour pwung me wia sapwellimen atail lapalap oh Kaun Soutuk.”
Mormon kasawihada, “Me pali laud en aramas akan [mimi] nan arail pohnmwahso oh mour suwed, oh malaulau irail me kin ideiidawehn Koht.”
Mehn Leimen kan Sohpeisangehr Koht
Nan Pwuhk en Ilimen, keirdahn wiewia mwahu kan en mehn Leimen kan kasalehda mwahu soikalahn ngehn sarawi ohng irail mehn Nihpai kan.
Mehn Leimen kan sohpeilahng Koht oh pwurehng alehda me mehlelo pwehki kamehlele padahk kan nan pwuhk sarawi kan oh soukohp kan, ahniki pwoson laud rehn Sises Krais, koluhlasang diparahil kan, oh kehn kawiliakapwala mehlel nan mohngiongarail kan.
“Eri, nin duwen irail koaros me marainkidahr met, kumwail pein esehier me re kehlail oh tengeteng nan pwoson, oh nan dahme irail saledengkihla.”
“Kumwail en ese me pali laud en irail [mehn Lamanites kan] re wie ideidawehn arail pwukoah, oh re kin idawehn Koht, oh re kin nantihong en kapwaiada sapwellime kosonned kan oh sapwellime ire kan, oh sapwellime pwung kan. …
“… Re kin nannantihong ni ar sohte pwangahkida loaloapwoat pwe re en kak wahdo luhwen riarail kan re en wehwehkihda mehlelo.”
Kahrehda, “wiewia mwahu kan [mehn Leimen kan] siksang ahn Mehn Nihpai kan, pwehki arail kehlail oh arail tengediong nan pwosono.”
Kehkelik oh Inou Ehu
Moronai masanih: “Kilang, Kauno ketin kasalehiong ie soahng kesempwal oh kapwuriamwei kan me pid duwen dahme pahn kereniongehr kohdo, ni rahno me mepwukat pahn kohdo rehmwail.
“Kilang, I koasoai ong kumwail duwehte me kumwail mihmi rehi, ahpw kumwail sohte mihmi rehi. Ahpw kilang Jesus Christ me ketin kasaledohngiehier duwen kumwail oh I ese duwen amwail wiewia.”
Menlau tamataman me Pwuhk en Mormon dokedoke ehu rahn oh audaudkihda kaweid kesempwal kan, kehkelik kan, oh mehn kasukuhl me dokedoke komwi oh ngeii nan erein atail kahpwal kan.
Ansou en rotorot (apostasy) kak wiawi ni soang riau—ni sampah pwon oh ni emen aramas. Duwen rotorot en sampah pwon, Mwomwohdiso en Sises Krais en Souleng en Imwin Rahn akan sohte kak sohrala pwehki rotorot de salongalahn rongamwahu pohn sampah.
Soukohp Sosep Smith Kadehde: “Wiepen pwung o pwaradahr; Sohte aramas men me sohte warohng pahn kak kauhdi keirdahn doadoahk wet … ;Sapwelimen Kauno pwung pahn kohkowei sohte pweiek, ni wahu, oh uhtohr, lau e pahn lel nan sahpw laud koaros, pahn lel nan salengen aramas koaroslau doadoahk en Koht pahn pweida, oh Siowa Wasa Lapalahpie pahn mahsanih doadoahko imwseklahr.”
A ohng emen emen, kitail anahne keperiki pohnmwahso, “pwe [kitail] en dehr duewhla mehn Nihpai mehn mahsko.”
I men kamwomwehda me ma kowe de ngehi pahn kamehlele me kitail kehlail oh poadidi pwehn powehdi pohnmwaso, eri mwehin kitail ahnikier soumwahu en ngehn suwed wet. Ni mengei, ma kowe de ngehi sohte kamehlele me kitail kak loieng nan kahpwal pwehki pohnmwaso, eri kitail udahn mehlel mih nan kahpwal laud ni pali ngehn. Nan erein ahnsou mwotomwot, rahn kan, wihk kan, sohnpwuhng kan, de pahr kan, mwehin kitail pahn katiasang atail sohso pwehki sang ni kisin suhp en mwenge.
Ma, ele, kowe oh ngehi kamehlele me kitail kak lohdiong pahn pohnmwahso, eri kitail pahn anahne wia wen atail kak koaros pwehn kak doahre oh duwehla seri men, me kin mweidala nsene, mpai, karakarahk, kanengamah, direkihla limpoak, inangih idawehn soahng koaros me Kauno mwahngih pahn konehng en ketikihong [kitail].” “Meid pai irail akan me kin pein karakarahkala oh sohte itoitehng karakarahkala.”
Ni atail pahn idawehn en Preseden Benson kaweid oh idek retahil dahme Kauno kamarainihki Mormon en kapataieng Pwuhk en Ilemen, penou kan, oh kehkelik kan me e wiadahr, I inoukihda me kitail pahn esehla kamwahu pen kaweid pwuhkat ohng pein kamwahupetail oh atail peneinei rahn wet. Ni atail pahn onopki oh kapakapki rokohd pwukat, kitail pahn kapaida sang ni atail pahn kak kilang sang ni mese, rohng sang ni salenge, madamadau en esehla, oh mohngiong en wehwehki kaweid me kitail anahne esehla pwehn “kanaiehng atail pohnmwahso, pwe [kitail de] lohdiong nan kasongosong.”
I kadehdehki me Koht Sahm Soutuk me iei Samatail. Sises Krais iei Sapwelime Ieros. Ih iei atail Sounkomour. Oh I kadehdeki me ni atail pahn wewehdki ngehn en Koht ni aktikitik, kitail pahn powehdi pohnmwahso oh ahniki meleilei Reh. I kadehdehki met ni mwahr sarawi en Kaun Sises Krais, ahmen.