Welkam long Sios bilong Amamas

Bikos long plen bilong Papa long Heven bilong olgeta pikinini bilong Em, na bikos long ridiming laip na wok misin bilong Seivia bilong yumi, Jisas Krais, yumi ken—na bai—kamap amamas lain long dispela graun! Maski ol strongpela win na ren bilong laip long wol i paul i pundaun antap long yumi, yumi ken kamapim tingting bilong gro na bel isi bikos long hop long Krais na long save bilong yumi yet long gutpela plen bilong amamas.

Namba wan Aposel bilong Bikpela, Presiden Russell M. Nelson, i bin toktok long amamas ikam long laip i stap insait long Jisas Krais long olgeta toktok em i givim stat long taim em bin kamap Presiden bilong Sios. Em i bin pasin toktok gut tru: “Amamas i kam long na bikos long Em. … Long ol Seint bilong Las-de, Jisas Krais em i amamas!”

Yumi ol memba bilong Sios Bilong Jisas Krais. Yumi ol memba bilong Sios bilong amamas! Na i nogat narapela hap we amamas bilong yumi olsem pipol bai yumi soim tasol long olgeta Sabat long sakramen miting long wosipim as bilong olgeta amamas! Hia yumi bung wantaim wod na brans famili long makim sakramen bilong Laspela kaikai bilong Bikpela, lusim sin na dai bilong yumi, na stronpela grasia bilong Seivia! Hia yumi kam long pilim amamas, painim hap bilong hait, pogivnes, tenkyu, na yumi bilong hia bikos long Jisas Krais!

Em spirit bilong bung na amamas long Krais yu painim? Em wanem yu bringim? Ating yu ting dispela i no samting long mekim wantaim yu, o ating yu save long hau ol samting i save kamap bipo? Tasol yumi olgeta ken givim han, maski wanem krismas o koling bilong yumi, long mekim sakramen miting i gat amamas, i fokas long Krais, wantaim spirit bilong welkam, amamas na reverens.

Amamas na reverens? “Em wanpela samting?” yu bai askim. Yes, em tasol! Yumi laikim tumas, onarim, na rispektim God bilong yumi, na rispekt bilong yumi i ron long sol i amamas long Krais i pulap long laik, marimari na salvesen! Dispela amamas na reverens long Bikpela i mas pasin bilong ol sekred sakramen miting bilong yumi.

Tasol, long planti, rispekt em i min dispela tasol: pasim han bilong yumi tait long bros, daunim het, pasim ai, na holim isi istap—long taim! Dispela em gutpela wei long lainim ol yangpela pikinini i gat strong, tasol taim yumi gro na lainim, yumi lukim reverens olsem em i bikpela samting tru. Em hau yumi bai kamap sapos Seivia i stap waitaim yumi? Nogat, bikos stap wantaim [Em] i pulap bilong amamas”!

Orait, long planti bilong yumi ol senis long sakramen sevis bai nidim praktis.

Yumi no save bung long Sabat tasol long kamap long sakramen miting na tikim long lis. Yumi bung waintaim long lotu. I gat bikpela narakain namel long tupela. Long i go em min long stap long hap. Tasol long lotu em olsem i mas i gat laik long preisim na adorim God bilong yumi long wei bai senisim yumi!

Sapos yumi bung long tingim Seivia na ridemsen Em i bin mekim, ol pes bilong yumi i mas soim amamas na tenkyu! Elda F. Enzio Busche i bin stori long taim em i bin brans presiden na wanpela yangpela mangi long kongrigesen lukim em long antap na askim bikpela “Man wantaim strongpela pes ya mekim wanem antap long long hap?” Ol lain husat i save sindaun long fran—ol spikas,ol lidas, ol kwaia—na ol lain husat i bung long kongrigesen i save tok “welkam long long Sios bilong amamas” thru long amamas i stap long pes bilong ol!

Taim yumi singsing, yumi bung wantaim long preisim God na King, maski wanem kain nek bilong yumi, o yumi mamblim ol wods tasol? Ol skripsa i rekodim olsem ol singsing bilong ol stretpela lain em beten i go long [God]” long wei sol bilong Em i amamas. So yumi singsing! Na preisim Em!

Yumi makim ol toktok na testimoni bilong yumi long Papa long Heven na Jisas Krais na long ol prut bilong stap long daun pasin bilong gospel, ol prut i “swit moa long olgeta samting i swit.” Bihain yumi “kaikai tru …inap [yumi] bai pulap, olsem [yumi] bai no hangre, na … laikim wara,”na hevi bilong yumi bai i no hevi thru long amamas bilong Pikinini Man.

Dispela namba wan hap bilong sevis bilong yumi em blesing na kisim bilong sakramen, dispela bret na wara i makim atonmen bilong Bikpela na olgeta as bilong bung bilong yumi. Em i “sekred taim bilong riniwim spirit bilong yumi” taim yumi witnesim gen olsem yumi wanbel long kisim antap long yumi nem bilong Jisas Krais na mekim gen kavanen long olgeta taim tingim Seivia na kipim ol komanmen bilong Em.

Long sampela taim long laip, yumi bai kam long sakramen wantaim ol bel i hevi na bikpela hevi i pulap long yumi. Long ol narapela taim,yumi kam fri na i nogat hevi na wari. Taim yumi harim gut ol blesing bilong bret na warana kisim ol sekred samting, yumi pilim long tingting sakripais bilong Seivia, pen bilong em long Gethsemane, bikpela pen antap long kros, na wari na ol pen Em bin karim bilong yumi. Dispela em wanem bai mekim isi long sol bilong yumi taim yumi konektim ol hevi bilong yumi go long Em. Long ol narapela taim, bai yumi tingim ol “naispela na switpela” amamas bilong wanem Jisas i mekim orait laip bilong yumi na long laip oltaim bilong yumi! Yumi bai amamas long samting i no kam yet—bung bilong yumi wantaim Papa na Seivia i kirap bek.

Nogut yumi tingting olsem as bilong sakramen em long sindaun na tingting tasol long olgeta samting yumi ino mekim stret insait long wik igo. Tasol yumi tanim dispela pasin go long het bilong em. Long taim yumi stap isi, yumi tingim ol planti wei Bikpela i givim yumi dispela naispela lav bilong Em long dispela wik! Yumi ken tingting long mining bilong “painim amamas bilong tanim bel olgeta dei.” Yumi ken tok tenkyu long olgeta taim Seivia i kam insait long ol hevi na win bilong yumi na ol taim yumi i pilim grasia bilong Em, pogivnes na pawa i givim yumi strong long winim ol hevi bilong yumi na karim ol hevi wantaim daun pasin na amamas.

Yes, yumi tingting strong long ol hevi na ol nogut pasin Ridima bilong yumi karim long sin bilong yumi, na dispela i mekim yumi sore tru. Tasol sampela taim yumi bai pas long hap—insait long gaden, long kros, insait long tum. Yumi no inap muv i go antap long amamas bilong tum i bruk na op, winim dai na win bilong Krais long olgeta samting bai stopim yumi long kisim bel isi na go bek long ples bilong yumi long heven. Maski yumi sore na krai o yumi amamas na krai long sakramen taim, larim em mas gutpela tingting long gutpela nius bilong Papa long givim Pikinini bilong Em!

Nau, long ol papa mama bilong ol pikinini husat i yangpela o i gat spesol nids,i no gat taim bilong stap isi na tingting long sakramen. Tasol long liklik taim insait long wik, yu ken lainim ol long lav,gutpela pasin,na amamas yu pilim long Seivia taim yu save lukautim ol liklik sipsip bilong Em olgeta taim. Nogat wok long dispela em i weist. God em i save gut tru long yu.

Olsem long haus, yumi ken stat long strongim tingting bilong yumi long taim bilong yumi long sios. Long famili kaunsil, yumi ken toktok long hau wanwan man i ken kontribiut long wei i gat mining long welkamim olgeta long sios bilong amamas! Yumi ken plen na tingting long gat wanpela ekspiriens i gat amamas long sios.

Ol wod na brans kaunsil i ken tingting long kamapim wanpela pasin bilong amamas na reverens long taim bilong sakramen, wantaim ol steps na piksa bilong helpim.

Amamas i luk narakain bilong ol narakain lain. Long sampela, em i bikpela tok amamas long dua. Long sampela,ol bai helpim ol man long pilim gut long smail na sindaun klostu long ol wantaim gutpela bel. Long ol lain husat i pilim olsem ol i stap long arere, welkam pasin i impoten. Las tru, yumi ken askim yumi yet hau Seivia bai laikim sakramen taim bilong yumi i mas kamap. Hau Em bai laikim wanwan pikinini bilong Em bai kisim welkam, lukaut, kaikai, na lav? Hau bai Em laikim yumi long pilim taim yumi kam long kisim nupela strong long lotuim Em?

Long stat bilong wokabaut long feit bilong mi, amamas long Jisas Krais em namba wan samting mi painim, na em i senisim wol bilong mi. Sapos yu i no yet painim dispela amamas, yu mas stat long painim. Dispela em invitesen long kisim bel isi bilong Seivia, lait, na amamas—long amamas long em, long tingting long em, na amamas long em olgeta Sabat.

Amon long Buk Momon i tokaut long piling bilong em taim em tok:

“Nau mipela i gat as long amamas o? Ye, mi tokim yupela, i nogat ol [kain pipol] i bin gat bikpela as tru long amamas long taim graun i kamap; ye, na mi amamas nogut tru na apim God bilong mi bikos em i gat olgeta pawa, olgeta gutpela save na olgeta save, bikos em i save long olgeta samting, na em i man bilong marimari, long givim salvesen, long ol lain ol bai tanim bel na bilip long nem bilong em.

Nau sapos dispela i pasin bilong apim nem, tru tumas mi bai apim nem, long wanem, dispela i laip na lait bilong mi, … amamas na bikpela tok tenyu bilong mi.”

Welkam long sios bilong amamas! Long nem bilong Jisas Krais, amen.