O le a le uiga o le “aua e te manao”?

O le manao o le “lotoleaga i se tasi po o le manao tele i se mea.” O poloaiga mulimuli o Tulafono e Sefulu o le poloaiga ia aua nei manao i soo se mea e anaina e se isi tagata (tagai i le Esoto 20:17).

Ua uma ona tuuina mai e le Alii se poloaiga e aua le gaoi (tagai i le Esoto 20:15)—o lona uiga, ia aua nei aveina se mea e anaina e se isi tagata. Ae faatasi ai ma le poloaiga lona sefulu, sa ta’u mai ai foi e le Alii ia i tatou e “vaai atu o Ia i le loto” (1 Samuelu 16:7) ae le na o a tatou amioga i fafo.

O o tatou manaoga e tāua aua e “o manaoga e faatonuina mea e ave i ai lo tatou faamuamua, o mea e faamuamua e mamanuina a tatou filifiliga, ma o filifiliga e filimaotiaina a tatou faatinoga.” Ona o lenei mea, o o tatou manaoga e mafai foi ona fesoasoani e fuafua ai lo tatou fiafia. Ma e finagalo le Alii ia tatou fiafia. O se tasi lena o mafuaaga na Ia poloaiina ai i tatou e aua le manao.

“O le manaonao … e faatamaia ai le agaga. E mafai ona faatamaia ai o tatou mafaufauga ma tatou malaia ai i le le fiafia ma le le faamalieina i taimi uma. E masani ona oo atu ai i isi agasala ma le aitalafu i mea tautupe.”