I Totonu o Ona Puipui

Na fetalai le Alii, “Faauta, ua ou taia lou faatusa i o’u alofilima; e tumau ou pa i oʼu luma” (Isaia 49:16).

O le fasifuaitau Ua ou taia lou faatusa i o’u alofilima ua faamalosia ai pea lo’u talitonuga i le taulaga togiola a le Faaola. E faamanatu mai ai ia te a’u Lona naunautaiga loloto ma le manao e fesoasoani ma faamalolo a’u. O upu e tumau ou pa i oʼu luma na mafua ai ona ou taulai atili atu i se tasi taimi, i puipui ou te fausia—masalosalo, fefe, po o le agasala—lea e taofia ai a’u mai le oo atoatoa atu i Lona alofa, nai lo le Faaola lava Ia, o lē ua tumu i le alofa.

Ina ua faasoa mai e la’u tama teine lona fiafia i lenei mau, sa sui la’u vaaiga. Ua ia maua le filemu, mafanafana, ma le malosi i le manatu faapea e fausia e Keriso se puipui o le saogalemu mo i tatou. E ala i lona malamalamaaga, na ou malamalama atili ai i le mana o feagaiga. A o tatou faia ma tausia i latou, ua tatou filifili e ola i totonu o Ona puipui o le saogalemu, filemu, ma le faamalologa.

Ia tatou liliu atoa atu ia Iesu Keriso ma iloa le olioli ma le saogalemu o le nonofo ai i totonu o Ana puipui faalefeagaiga.