Isaako R.

Ata na pueina e Nathan Reid

O luitau e le faavavau. E tusa lava pe e te i ai i se tulaga maualalo, e mafai lava ona lelei atili.

Ou te taina le okeni ma le piano. Ou te fiafia e faia na mea. O le Kerisimasi ua tuanai atu nei, sa faia ai e a matou aulotu i le lotoifale se konaseti pese pe tusa ma le 1,000 tagata. Sa ou taina se pese amata i se faatulagaga faigata.

Sa ou tauivi ai a o ou faataitaia, lea na ou popole ai a o lei faia le konaseti. Ae sa ou tatalo muamua e ole atu i le Atua ina ia lelei ma fesoasoani i o’u neura ia toafilemu. Na āogā! Sa ou lē toafilemu atoatoa, ae sa mafai ona ou pulea e tata lelei ai. O le mea moni, o se vaega silisili lea na ou taina ai lena vaega.

O le vaai atu ia Keriso o lona uiga o le iloa lea e fesoasoani mai o Ia ia i tatou i o tatou olaga i aso taitasi. Ou te lagona le malosi o le Agaga e ala i musika, o lea o le tu i luga ma le taina o le okeni i luma o tagata uma ma faalogo i le faitau selau o tagata o pepese faatasi uma o se lagona malosi. O le iloaina ua e fesoasoani i se isi tagata ia lagonaina le Agaga e mafai ona fesoasoani ia te oe lava ia lagona le Agaga.