O Tala mai le Feagaiga Tuai
Eseta
O Le Lototele o se Masiofo
Eseta
O ata na tusia e Katy Dockrill
O Le Tala a le Tina
O le Sailiga
Sa saili e le tupu o Peresia se masiofo fou. Sa ofo o ia i se tamaitai talavou e igoa ia Eseta ma filifilia o ia, ma le lē iloaina o ia o se Iutaia.
O le Poloaiga Faaletulafono
Mulimuli ane, sa faia ai e le faufautua a le tupu se poloaiga faaletulafono e tatau ona fasiotia tagata Iutaia uma i le malo. I le avea ai ma masiofo, sa i ai Eseta i se tulaga e fesoasoani ai e laveai i latou, ae sa fefe o ia e fai atu i le tupu e sui le tulafono. O le alu atu ia te ia e aunoa ma se valaaulia e mafai ona faasalaina i le oti.
O le Anapogi
Sa talosaga atu Eseta i tagata Iutaia uma e anapopogi mo ia, ona alu atu lea o ia i le tupu. Sa faalogo o ia (le tupu) i lana talosaga ma faasaoina le ola o lona nuu. Ona sa faamaoni ma lototele Eseta, sa mafai ai e le Atua ona faaaoga o ia e laveai ai Ana fanau.
O Lau Tala
E atoatoa le fuafuaga a le Tama Faalelagi. Pe a e filifili e mulimuli ia te Ia, e tusa lava pe taufaafefe pe faigata, o le a Ia faamanuiaina oe i le malosi e te manaomia. E mafai ona Ia fesoasoani ia te oe ia iloa le mea ma le auala e mafai ona e faia ai mea lelei.