“Aisea e tāua ai le nofo mo itula uma e lua o le lotu pe afai ua uma ona ou ai ma inu i le faamanatuga?”

“Ou te manatu e tāua le faaali atu i le tagata o loo aoaoina le lesona tatou te popole i mea o loo latou fai mai ai. Sa latou faaaluina le tele o taimi e sauniuni ai, ma e i ai mea e finagalo le Atua ia tatou aoaoina i le itula lona lua.”

Brighton T., 15, Iuta, ISA

“E ui lava ua uma ona e tagofia le faamanatuga ma faafouina au feagaiga ma le Tama Faalelagi, ae e manaomia lava ona e aoao e uiga i le Togiola a Iesu Keriso. O loo aoao mai ai foi ia i tatou le auala e pulea ai faaleagaga o tatou taimi auā e le lava ai pea taimi tatou te faaaluina e aoao ai ma talanoa e uiga i le Tama Faalelagi.”

Samuel T., 14, Iuta, ISA

“Tatou te o mai i le lotu e manatua Keriso ma aoao e uiga ia te Ia, ae tatou te o mai foi e fesootai. I le itula lona lua sa ou aoaoina ai e leai se tasi e atoatoa; e tofu uma i tatou ma fesili, ma e mafai ona tatou maua tali mai o tatou faiaoga, taitai, ma uso a tagata o le vasega.”

Ashlin L., 14, Uosigitone, ISA

“Ou te iloa e faigofie atu ona aoao e uiga ia Keriso pe a faataatia ese le taimi. E sili atu ona faigata ia te a’u le faia o lena taimi i le fale. A aunoa ma lesona a le lotu, e amata ona galo ia te a’u le mea tāua ma le mea ou te faatāuaina. E tusa lava pe ou te lelava, ou te nofo mo le itula lona lua ia manatua le mafuaaga ou te fiafia ai e avea ma se tagata o lenei Ekalesia.”

Callyeva M., 18, Iuta, ISA

“O se vaega o le alu i le lotu o le faatasi lea ma isi tagata e mafai ona lagolagoina oe. O le itula lona lua e mafai ai ona e aoao e uiga i mea e faapitoa le aoga i tagata o lau tupulaga. E tuuina atu ai foi i tagata fou o le ekalesia le avanoa e feiloai ai i uo o ē e mafai ona faia se faataitaiga lelei, faafeiloai i latou, ma fesoasoani ia i latou e aoao. ”

Luke B., 12, Texas, ISA