O Se Tatalo mo le Filemu

Ata na tusia e Katelyn Budge

I se tasi taimi sa i ai se finauga a o’u matua. Sa ou lagona ai le faanoanoa tele, ma sa ou le iloa po o le a le mea e fai. Sa ou tootuli i lalo ma tatalo i le Tama Faalelagi, ma ole atu ia te Ia e faamafanafana mai ia te a’u ma fesoasoani mai ia ou lagona le filemu.

Ina ua uma ona ou tatalo, sa ou tatalaina le mekasini a le autalavou ma tau atu i se sāvali na faamanatu mai ai ia te a’u le alofa o le Tama Faalelagi ma Iesu Keriso. Sa faamautinoa mai ai ia te a’u e le’i tuua lava na o a’u ma sa La i ai pea iina e taiala, faamalosia, ma faamafanafana ia te a’u. Sa ou lagonaina se lagona loloto o le filemu ua faamautu i lo’u loto.

E le’i leva, ae ou mātauina ua to’a foi o’u matua. Sa la faamagalo atu le tasi i le isi ma amata ona toe talanoa. Sa ou lagonaina le lotofaafetai. O lenei aafiaga na faamalosia ai la’u molimau afai tatou te vaai moni atu ia Keriso, o le a i ai pea o Ia iina e fesoasoani ia i tatou i soo se luitau.