Ta ko Jejeļā kōn Rebeka, kōrā eo pāleen Aisak

Rebeka ilo Aebōjlaļ eo, jān Micheal Deas

Erkein jet men ko jejeļā kōn Rebeka:

Eaar juon eo erreo im edeo̧ Lale Jenesis 24:16.

Eaar jouj im tiljek. Ri karejeran Ebream eaar etal ettoļok n̄an pukot juon eo enaaj pāleek leo nejin Ebream, Aisak, ilo bujen. Eaar bōjrak ilo juon aebōjlaļ im jar bwe kōrā enaaj itōkļok nimen im kameļ ko 10 nejin enaaj e eo Anij eaar kālet n̄an m̧ōrāik Aisak. Rebeka eaar kōm̧m̧ane menin. (Lale Jenesis 24:1–28.)

Eaar ļap an tōmak. Ke kajitūkini raan eo juon eļan̄n̄e emaron̄ bar rooļ ļok ippān ri karejeran Ebream, Rebeka eaar ba enaaj. Eaar ļap tōmak eo an ilo Irooj, eo eaar tōl ļein. Lale Jenesis 24:50-58.) Barāinwōt, ium̧win 20 iiō an jeļo̧k nejin, eaar kōjātdikdik ilo bujen ko an (lale Jenesis 25:20,26).

Eaar bōk revelesōn n̄an baam̧le eo an. Ke Rebeka eaar kietak kōn bo, Irooj eaar jiron̄ e, “eo eļap [erūtto] enaaj jerbal n̄an eo e dik” (Jenesis 25:23). Tok ālik eaar lo an bo eo erutto, Iso, utiej būruōn jān naan in kapilōk ko an Irooj im jab kautiej maron̄ eo an im an bo eo edik, Jekob, kar tiljek. Eaar jipan̄ Jekob bōk kōjeram̧m̧an eo an m̧aanje im kakkōl e bwe ļeo jein enaj kōņaan m̧ane. (Lale Jenesis 27.)