Ekōjkan Aō Maron̄ Jipan̄ ro M̧ōtta im Baam̧le eo Aō

Āinwōt juon eo em̧ōj an jerkakpeje, Jisōs Kraist eaar lo ļok ri Nipai ro im karuwaineneik er n̄an kōm̧m̧ane juon iminene n̄an An ro rikaļooran raan kein maron̄ barāinwōt kōm̧m̧ane. Eaar ba:

“Ewōr ke ami jabdewōt rinan̄inmej ilubwiljimi? … Ewōr ke ami jabdewōt riakā, ak ripilo, … ak ro rejarron̄ron̄, ak ro rej m̧ōjņo̧ ilo jabdewōt wāween otemjeļo̧k? Kom̧in bōktok er ije im Inaaj kōmour er, bwe ewōr Aō tūriam̧okake kom̧.” (3 Nipai 17:7).

Kwoj ke loe an rikaļoor ro etto kar uwaak.

“Aolep jarlepju eo … raar wōnm̧aanļo̧k kōn rinan̄inmej ro aer … im kōn aolep er ro raar m̧ōjņo̧ ilo jabdewōt wāween otemjeļo̧k; im Eaar kōmour er otemjej” (3 Nipai 17:9).

Ijeļā bwe Jisōs Kraist ej mour im E ej joun Rikemour eo em̧m̧an. Ilo ad uwaake karuwainene in An n̄an bōktok ro m̧ōttad im baam̧le ad n̄an E, E enaaj kemour er kōn jeļā eo An.

“Im raar kōm̧m̧an aolep, jim̧or er ro kar kōmour er im ro raar mour, bukwelōlō ineen, im raar kabun̄-jar n̄an E.” (3 Nipai 17:10).

Jen itok n̄an Kraist ilo ad boktok ro jet n̄an E ilo iien Ijtō in.