Kwojjab Aikuj Erom̧ juon eo Etijem̧ļo̧k
Juon eo ewōr an “tōļan” ak jaab, aolep remaron̄ bōk im̧we ko.
Pija ko jān Getty Images
Elōn̄ iaad raar loe juon jerbal in art em̧m̧an ak kien kōmad ad im ļōm̧nak: Iakwe ke in kar jeļā kōm̧m̧ane, ak ejjab lukkun ļap tōlan eo ippa.
Eitōn aolep jerbal ko rem̧m̧an ippam̧ raar kōm̧m̧an jān ro im raar ļōtak tok kōn tōlan kein. Ak komaron̄ ilbōk bwe eitin aolep iien armej bajjōk men ne ej kwalok ļōm̧nak em̧m̧an.
“Let Easter Anthems Ring,” ej juon iaan al kaal ko Kabun̄ in eaar kadiwōjtok, kar jeiki jān juon membōr etan Larry A. Hiller. Eaar juon eo etijemļok ilo jeje im kajim̧we (em̧ōj an jerbal kiō), ak ejjab juon rijeje al. Eaar jab juon eo em̧m̧an an al ak rikōjan̄jan̄.
Eaar juon eo em̧m̧an ippān al im eaar pād ippān ļōm̧nak eo em̧m̧an.
Ke eaar jerbal āinwōt juon ritōl n̄an kuwaer eo an ward elōn̄ iiō remootļok, Brother Hiller eaar kajjion̄ kūne jet naan n̄an juon al in jem̧aan eaar ron̄. E eaar em̧m̧an ippān men in im eaar kajjitōk ippān juon m̧ōttan eo ej jerbal n̄an Kabun̄ in eļan̄n̄e ewōr bar al raikuj āe ki. Liin eaar leļok juon al kar kūne ilo 1800 ko.
Brother Hiller eaar ba, “Iaar jijōt ippān al ne im naan eaar m̧ōkaj an itok n̄an ļōm̧nak eo aō: ‘Rise up, ye Saints, rejoice.’ Im jen ijin iaar jeļā naan ko im ta aikuj pād—juon al in lan̄lōn̄ kōn Rilo̧mo̧o̧r.”
Hymn eo eaar diwōjtok ilo Ensign ilo 2012. Eaar wōr emān eoon in im eaar kenono kōn Pinmuur eo an Jisōs Kraist. “Eaar kajoor jibadbad eo an bwe ‘kwonaaj loe ro kwoj iakwe er bar juon alen; ewōr juon jerkakpeje,’” Brother Hiller eaar ba. Ke kabun̄ in eaar kappok rikkōn al kāāl, Brother Hiller eaar kajjitok bwe jerbal ko an ren kōn Ijtō wōt.
Ālkin an jānij elōn̄ iaan naan ko an al ko—men̄e ļain in kōpeļļok eo an, “Rise up, ye Saints, rejoice,” eaar pād wōt—Brother Hiller aer kiio kōm̧m̧ane jilu ļain in eoon jen al eo etan, “Let Easter Anthems Ring.” Komaron̄ al kake ilo iien kwojkwoj eo iien Ijtō in!
Brother Hiller eaar ke en̄jake im̧we ke eaar jeiki naan ko?
“Eļap an utiej bōro n̄an ba,” eaar ba. “Ako aet. Ewōr jet tōre n̄aij lo an naan kajju itok n̄an ļōm̧nak e aō. Elukkuun em̧m̧an ippa im kam̧ōņōņō. Im aolep iien n̄aij en̄jake an m̧ōņōņō in peddo itok n̄e ij bar riiiti juon men im eaar kōm̧akūt eō ilo tōre eo. Men in wōt ak ej boktok en̄jake ko an naan in kam̧ool. Āinwōt n̄e jekar bar āinwōt en̄jake ko m̧okta.”
Emaron̄ em̧m̧an ippān armej al eo, ak armej eo eļap an bōk leen jen e ej (ainikien tūram̧) … eo eaar jeiki! Kōjerbal tōlan ko ad im ļōm̧nak ko rem̧m̧an ejjab kōjeraam̧m̧an wōt ro jet— ak ej barāinwōt kōjeram̧m̧an kōj.