Aō Hosanna

Juon iaan jepta ko rem̧m̧an ippa ilo Kallim̧ur Ekāāl ej kōnono kōn Deļo̧n̄ļok eo an Jisōs ilo Jerusalem. Armej raar lam̧ōj, “Hosana n̄an nejid Devid: E m̧ōņōņō Eo ej itok ilo etan Irooj; Hosana ilo utiejtata.” (Matu 21:9). N̄e ij riiti men in, ij ļōmņak: Ta eo aō hosanna?

N̄a juon eo epen iim allo an kajjion̄ kōnono m̧aantak. Ewōr iien n̄aij kajoor en̄jaake an maat aō kijenmej im ebbweer kōnke ijjab maron̄ kwaļok aō ļōmņak ilo wāween eo ikōņaan. Ikōņaan bwe en em̧m̧an aō kōnnaan ak n̄e ejjab jab bar kōnono. Aolep iien ij inepata n̄e n̄aij kōnono im̧aan mejān ro jet im barāinwōt jar ilo ainikien elļaaj. Elōn̄ iien iar jar in akweļap kōn kijenmej, aenōm̧m̧an, im jipan̄. En̄iin ej juon iaan hosannas ko aō—aō kūr n̄an lo̧mo̧o̧ren.

Im āinwōt an Kraist kar jab kōjekdoon ainikien armej ro lio Jerusalem, E ejan̄in kōjekdoon eō. E ekar jab joļo̧k allo eo aō, ak E kar kōkajoor eō ilo wāween ko iaar jab kōtmāni. E eaar kōm̧m̧an bwe in en̄jaake aenōm̧m̧an ilo iien aō inepata im keememej bwe ainikiō, jekdoon ejjab em̧m̧an, eļap n̄an Ippān.

Kajjojo iaad ewor men ko ilo mour ko ad im rej boktokļok kōj n̄an bukwied. Jet iien, jemaron̄ en̄jaake bwe jar ko ad rejjab uwaak. Ak E ej ron̄ aolep hosanna. Im ilo iien eo An em̧m̧an, Enaaj itok im jipan̄ kōj.

Ilo Getsemane, Kraist eaar en̄taan kōn jerawiwi ko ad im en̄jaake aolep metak im m̧ōjņo ko ad. E ej wōnm̧aanļok im tōl im kaenōm̧m̧an ro rej itok n̄an E im Jemedwōj Ilan̄. Ejja Kraist in wōt eo im eaar en̄taan kōn kōj ilo Getsemane im ioon debwāāl, eaar barāinwōt jerkak jān lōb, anjo̧ jān mej bwe en maron̄ wōr ad kōjātdikdik. Pinmuur eo An ej uwaak eo eutiejtata n̄an aolep hosanna.