Juon Tūreep n̄an Tampeļ

Kōmeļeļe jān Katelyn Budge

Eaar wōr juon tōre iaar jab maron̄ lo ļok tampeļ eo ium̧win jiljino iiō. Iiō ko kein raar lukkun jet tōre ko remarok n̄an n̄a kōnke ikar barāinwōt luuji jinō ilo iien in. Iaar kōņaan etal n̄an tampeļ eo, ako eaar juon awa jen m̧weo m̧ō, im eaar ejjeļok aō jāān n̄an m̧akutkut im jabdewot n̄an bōke eō.

Innām iiō eo ļok kar kūr eō bwe in būreejtōn n̄an kilaaj eo an Jiron̄ ro. Ke ritōl eo an Jiron̄ ro eaar kajjitōk ippa n̄an jipan̄ e kōm̧m̧ane m̧akūtkūt ko an n̄an iiō eo, iaar kajju ba n̄an e bwe kōm aikuj etal n̄an tampeļ eo āinwōt juon kilaaj. Ke iaar kōjjeḷāik jiron̄ ro, raar lukkun kijooror! Elōn̄ iaer, eaar kein kajuon aer nej etal. N̄a iaar lukkun jar im jitlo̧k ilo am kar kapopo n̄an tūreep in. Iaar jab kōņaan bwe en wōr men eo.

Ilo tampeļ eo, iaar en̄jake aō mera jen aolep eddodo. N̄a iaar kallim̧ur n̄an kōmakijkij aō lo ļok tampeļ eo. Eaar juon kōjeram̧m̧an im juon iien elukkuun aiboojoj. N̄a iaar lukkuun kijooror ke n̄a im jodikdik ro m̧ōtta kōm kar bōk koņaam̧ ilo jerbal eo eļap an Jemedwōj Ilan̄.

Ijeļā bwe tampeļ eo ej m̧weo im̧ōn Irooj ekwojarjar, ijo kain̄i ko rekwojarjar rej kōm̧m̧an ie. Ijen, jemaron̄ kūr n̄an Jemedwōj Ilan̄ ilo jar, im E enaaj kōm̧m̧an bwe aolep men ren em̧m̧an ilo iien eo An, kobrak kōj kōn iakwe, im letok n̄an kōj aenōm̧m̧an eo ejjeļok jem̧lokin. Ijeļā bwe n̄e jej reiļok n̄an Kraist, jenaaj lo mennin bwilōn̄ ko jej aikuji. Jej ro nejin Anij rejitōnbōro, im ewōr An jerbal n̄an kōj—aiintok Israel ilo jait ko ruo ilo rōn̄ōl eo.