“Ewi wāween aō kōļapļo̧k mije Rilo̧mo̧o̧r ilo Ijtō in?

“Ij kōm̧m̧ane ijo koņaō bwe in mije Rilo̧mo̧o̧r ilo aō ron̄jake al ko rekam̧ōņōņō, kōļapļok aō ļōm̧nak kake E, pukot E kajojo raan ilo mour e aō, im jar aolep iien. Ebar em̧m̧an ippa riiti jeje ko rekwojarjar, n̄an ekkatak kōn Jerkakpeje eo An im kōjatdikdik eo ej boktok n̄an eō.”

Maxwell R., 16, Missouri, USA

“Pukot jeje ko rekwojarjar n̄an riit ippān doon āinwōt juon baam̧le kajjojo wiik n̄an kakeememej eok kōn iien in aorōk ilo mour eo an Rilo̧mo̧o̧r. Lale iien ko rem̧m̧an n̄an jerbal n̄an ro jet ilo wāween ko an Kraist.”

Ahonima A., 15, Tongatapu, Tonga

“Imaron̄ mije wōt Kraist ilo aō kwaļok juon men kake E online kajjojo raan.”

Caleb F., 17, Arizona, USA

“Riiti jeje ko rekwojarjar im ej pijaik mour eo An, eļaptata wiik eo āliktata m̧ōkta jān An kar Debwāāl. Bwebwenato eo em̧m̧an ippa ej Matu 21-27. Riiti jeje ko rekwojarjar ej jipan̄ eō epaakeļok āō Rilo̧mo̧o̧r im meļeļeļok kōn Pinmuur eo An.”

Grace M., 15, Alberta, Canada

“Ijtō im Pinmuur eo an Jisōs Kraist rej kakeememej eō kōn ijjino ko rekāāl im mour ko rekāāl. Ilo kōkāāl iminene ko aō kajjojo raan im etale kōttōpar ko aō rej letok n̄an eō juon iien n̄an aō bar reiļok n̄an Kraist im ememej e kōn aolepen aō ilo iien in aorōk ilo iiō in.”

Lilly H., 17, California, USA