Ijtō Aolep Iien
Kōm̧m̧an bwe Ijtō ej juon iien n̄an kōjatdikdik ilo ad kepaakļo̧k Rilo̧mo̧o̧r.
Kōmeļeļe ko jān Toby Newsome
Ilo jabōt eo kein kajuon, ke Meri Magdalene im jet kōrā raar lo ļok lōb eo an Kraist, enjeļ ro raar ba n̄an er, “E jako ijin, bwe E ar jerkakpeje” (Matu 28:6). Ennaan in eaar boktok eļap kōjatdikdik n̄an rikaļoor ro An ālikin aer kar pād im loe iien Debwāāl eo An.
Nuuj eo em̧m̧antata? Ennaan in ej mool wōt n̄an rainin. Kraist ej jerkakpeje wōt. E ej anjo̧ wōt jen mej im jerawiwi. Im kōjatdikdik eo ej itok jen Jerkakpeje eo An ej jerbal n̄an eok—ejjab ilo Ijtō wōt, ak aolep iien!
Ijtō ejjab raan eo de ņe komaron̄ kautiej Jerkakpeje eo. Kajjion̄e jet iaan ļōm̧nak kein n̄an kōm̧m̧ane Ijtō eo—im keemem in Pinmuur im Jerkakpeje eo an Rilo̧mo̧o̧r—Juon iien n̄an lan̄lōn̄ im kōjatdikdik.
Ekkatak kōn mour eo an Rilo̧mo̧o̧r
Jeje ko rej juon kein jerbal eo ekajoor n̄an jipan̄ eok jeļā kōn Jisōs Kraist im kōkajoorļok tōmak eo am̧ ilo E. Ilo iien Ijtō eo, komaron̄ lale wōt wiik eo āliktata in An mour ilo am̧ ekkatak ak ilo An kar lo ļok jikin ko ilo Amedka kan ke eaar jerkakpeje āinwōt juon Rilo̧mo̧o̧r an laļ. Riiti bwebwenato kein rekajoor remaron̄ jipan̄ eok en̄jake iakwe eo an Rilo̧mo̧o̧r im konaaj meļeļe ļok kōn Pinmuur im Jerkakpeje eo An.
Eļlan̄e kwojjab jeļā eoon ta kwon lali, komaron̄ kajjion̄e wūnin tōl eo an Ijtō n̄an ekkatak ilo Itok, Ļoor Eō ak bar jet wūnin tōl ko n̄an ekkatak raar kadiwōjtok ilo ChurchofJesusChrist.org.
Bok koņaam̧ ilo jerbal in Tampeļ
An Kraist anjo̧ jān mej im jeļā eo epād ippād ke bar kōj jenaaj jerkakpeje ej “ennaan eo em̧m̧an tata n̄an kōj armej.” Kōn Pinmuur im Jerkakpeje eo An, baam̧le ko ad remaron̄ n̄an indeeo, im ro jibud im jim̧m̧aad remaron̄ kōm̧m̧ane bujin ko rekwojarjar.
Komaron̄ keememe Jerkakpeje eo an Jisōs Kraist im wōnm̧aanļok kōn jerbal in pinmuur in An n̄an ro ilo laļ eo an Jetōb (lale 1 Piter 3:18–20) ilo am̧ kōm̧m̧ane menmenbwij eo im jerbal kake er ilo tampeļ. Am̧ jerbal ilo tampeļ eo ekōm̧m̧an bwe jetōb ko ren barāinwōt kāālet n̄an bōk aolep kōjeram̧m̧an ko an Pinmuur eo an Kraist.
Jerbal n̄an Ro Jet Āinwōt Kraist
Jisōs Kraist eaar kotak im jerbal n̄an ro jet ilo an kar kōm̧m̧ane kwaļok eo An ilaļ— ļok im ioon debwāāl. Komaron̄ kautiej waanjon̄ak eo An ilo am̧ jerbal n̄an ro ipeļaakim̧ ilo wāween eo E enej kar kōm̧m̧ane. Jon̄an wāween ko reddik im rejouj āinwōt ettōn dikdikdik n̄an ro jet, im jipan̄ ipeļaakin m̧weo emaron̄ boktok juon mejatoto in iakwe Āinwōt Kraist. N̄e kwoj jerbal n̄an ro jet, kwe im er jim̧or maron̄ en̄jake em̧m̧an im kōjatdikdik ilo iien Ijtō eo.
Bōk Kwojkwoj eo Kōn Aolepen Am̧
Rilo̧mo̧o̧r Make eaar ejaake juon iminene ilōn̄in aolepen men n̄an jipan̄ eok keememej E eļapļo̧k: Kwojkwoj eo Am̧ bōk kwojkwoj eo ej kwaļok ke kwoj kōņaan “keememej E iien otemjej, im kōjparok kien ko An,” im n̄an kwe E ej kallim̧uri eok “bwe Jetōb eo An en maron̄ pād [ippām] iien otemjej” (Katak im Bujen Ko 20:77). Ej juon kallim̧ur ekajoor! N̄e kwoj bōk kwojkwoj eo aolep wiik, komaron̄ jino en̄jake m̧ool eo an kallim̧ur in ilo Ijtō im aolep iien.
Kajjion̄ kōļmenļokjen kōn kwaļok eo an Jisōs Kraist, Pinmuur eo, im Jerkakpeje eo ilo an bōk kwojkwoj eo. Jar kōn aolepen am̧, im kajjion̄ ļōm̧nak kōn wāween an katok eo An kōjeraam̧m̧an eok.