Keememe Ijtō
Ilo ad Keememej Wōn eo an Rainin
6 iminene ko an Ijtō jen peļaakin laļin im wāween aer jipan̄ kōj keememej Jisōs Kraist.
Kōmeļeļe ko jān Judy Bloomfield
|
Iminene ko |
Ekkejel ippān Kraist |
|---|---|
|
1. Lep in Ijtō Lep, lep, lep. Ipeļaakin laļin, lep ko ilo Ijtō em̧ōj kainōknōki, pukōti, kōdabwili, rubi, im kan̄i. Ilo Germany im Austria, lep ko ilo Ijtō rej etoto ioon wōjke ko (Ostereierbaum). Ilo Mexico, rej kadiwōj kobban lep ko im kanni kōn confetti (cascarones) innām rubi ioon bōran juon armej. |
Jej errā, bwe elōn̄ armej rej kōjerbal lep n̄an kaļo̧ke raan in Ijtō ilo aer jab ļōm̧nake Rilo̧mo̧o̧r. Ej ad pepe n̄e jej ļōmņak kōn Rilo̧mo̧o̧r ilo iminene ko ad ilo Ijtō. Lep ko remaron̄ kakōļļein juon mour ekāāl, juon ekkeijel n̄an jerkakpeje eo. Kōļar būrōrō eto an jerbal ilo manit ko jet n̄an an jutak kōn katok eo an Kraist. Im n̄e juon lep ej rub im peļļok, kilin emaron̄ kakeememej kōj kōn lōb eo ejjeļok kobban im kōn Rilo̧mo̧o̧r em̧ōj an jerkak. Eļan̄n̄e kwojjan̄in ajeļok iminene ko am̧ n̄an E ilo raan Ijtō, kiiō etōrein! |
|
2. Kijeek ko an Ijtō Kōm̧m̧an bonfire ej juon iminene ekōn kōm̧m̧an ilo Ijtō, eļaptata ilo Germany, Netherlands, Croatia, im Finland. |
Kijeek ilo iien Ijtō emaron̄ kakememej kōj n̄an reilok n̄an Rilo̧mo̧o̧r, eo ej letok meram̧ im māāņān n̄an laļin im ej, ilo m̧ool, E ej Meram̧ eo n̄an Laļin (lale Jon 8:12). |
|
3. M̧ōn̄ā ko Raorōk Ipeļakin laļin ilo Ijtō, Ruo m̧ōn̄ā ko ewōr meļeļein im jej kan̄i im bar kan̄i: ļaam̧ im pilawā. |
Ļaam̧ emaron̄ jiton̄ļok Ļaam̧ eo an Anij—Rilo̧mo̧o̧r Make. Pilawā emaron̄ kakeememej kōj kōn Jisōs Kraist, eo ej Bred in Mour (lale Jon 6:35). |
|
4. Āj Kimej Ilo laļ ko jet, kain kan an Italy, Spain, im Philippines, Mexico, Egypt, im Ethiopia, armej rej pirōkrōk kimej in ni ak mennin eddōk ko jet ilo Palm Sunday. |
Palm Sunday ej juon Jabōt m̧okta jen Ijtō im ej keemem e deļo̧n̄ļo̧k eo an Jisōs ilo Jerusalem, ijo armej raar ere im̧aan An ial kōn kimej in ni. |
|
5. Lim̧aakak ej Ekkāke Ijtō ilo Bermuda, armej rej kōkkelo̧k ļim̧aakak ko ilo elōn̄ kōļar! |
Iminene in eaar juon kakeememej elimo kōn Jerkakpeje eo an Rilo̧mo̧o̧r im wāween An kar bar jepļaak n̄an lan̄. |
|
6. Kabun̄jar ilo Mōnjar Jab meļokļok juon iaan iminene ko an Ijtō im eļap an aorōk—etal n̄an jikin jar! Jej etal n̄an M̧ōn Jar eo ilo Jabōt in Ijtō eo n̄an bōk kwojkwoj eo im keememeje Rilo̧mo̧o̧r. (N̄e kweilok eo eļap ej jejjete Ijtō, jemaron̄ keememej E ilo ad ron̄jake—innām bok kwojkwoj eo ilo wiik eo tok juon.) |
Ilo ad kōjparok bujen ko ad im kōkāāli ilo kwojkwoj eo, jej jeram̧m̧an ilo an Jetōb pād ippād aolep iien. Menin emaron̄ jipan̄ kōj juon wōt ippān Rilo̧mo̧o̧r ilo raan in Ijtō im ilo raan ko jet barāinwōt. |
Juon jodikdik ej bok koņaan: Iminene ko an Juon Make ilo Ijtō
“Ij leļok chocolate lep n̄an mijinede ro ilo ward eo aō.”
Jennyfer M., 23 iiō, Pernambuco, Brazil
“Baam̧le eo eaar kōm̧m̧ane kejota eo āliktata, im kajjion̄ kōm̧m̧an bwe en juon am iminene.”
Alice F., 16 iiō, Utah, USA
“N̄a im baam̧le eo aō kōm kar etal n̄an lōb ko, al al ko ippān doon, im kwaļo̧k am naan in kam̧ool.”
Rachel G., 19 iiō, Virginia, USA
“Iaar etal n̄an tampeļ eo ilo jem̧lok in wiik eo an Ijtō.
Avery., 17 iiō, Nevada, USA
“Iaar riiti gospel ko im bwebwenato in mour eo an Jisōs! Ej menin lan̄lōn̄ n̄an ekkatak kake E ilo Ijtō.”
Esteban A., 15 iiō, San José, Costa Rica
“Ilo French Polynesia, kōm jodikdik eaar kōm̧m̧ane concert eo an Ijtō ippān kabun̄ ko jet. Ilo ļan̄ im ņo ko reļļap, Irooj eaar kōm̧m̧an bwe en juon bon̄nin mennin bwilon̄ ko, lan̄lōn̄, im ippān doon.”
Tehina C.T., 24 iiō, Tupua‘i, French Polynesia
“Iiō in katak ko aō raar pedped wōt n̄an ta ko Kraist eaar kōm̧m̧ani ilo Wiik eo Ekwojarjar.”
Maddysen R., 18 iiō, Utah, USA