Na cava e tukuna kina na ivolanikalou na Buli ni vuravura?

E tukuni ena ivolanikalou me baleta na Veibuli me rawa ni vakatavulici keda kina ena kena inaki ka sega ni iwalewale ga a caka kina

Ni kerea o Mosese vua na Turaga me “tukuna [vua] na veika e baleta na vuravura oqo ka vakatalega kina na lomalagi,” e kaya na Turaga, “Raica oqo na inaki kei na lagilagi ni noqu cakacaka—me ra tawamate rawa na tamata kecega, ka rawata na bula tawamudu” (Mosese 1:36, 39).

Ni vakavulici Eparaama na Turaga me baleta na Veibuli, a vakaraitaka vua na Matabose mai Lomalagi, na vanua era a vakasoqoni vata kina na luve ni Kalou. A raica o Eparaama na bula taumada e vakamacalataka o Jisu Karisito:

“Tou lako sobu mada, ni sa galala tu na vanua ko ya me da kauta yani na veika kece oqo, ka bulia na vuravura me ra tawana ko ira oqo;

“Io meda vakatovolei ira mada kina, meda raica se ra na muria se sega na veika kece sa vakarota vei ira na Turaga na nodra Kalou;

“Ia ko ira sa maroroya na nodra ikarua ni itutu, era na rawata na lagilagi e vakaikuritaki e uludra me sega ni mudu ka sega ni mudu” (Eparaama 3:24–26).

Na ibulibuli rabailevu ka lagilagi ni Kalou, oka kina na vuravura oqo, sa tiki ni Nona ituvatuva me vukei keda, ira na Luvena, me ra ciqoma na veivakabulai kei na bula vakacerecerei.