Ira na Tata ena Masu ni Sakaramede

Droini mai vei Katelyn Budge

E dau tatao na noqu vosa ka vakavuna meu tata tu ena ituvaki eso, oka kina namasulaki na sakaramede. Eliu, sa dua dina na bolebole. Au mani vakasamataka meu sa kua ni masulaka na sakaramede.

Ia au sa tekivu masu kivua na Tamada Vakalomalagi. Au sa masuti Koya vagumatua, ka kerea na Nona veivuke. Au vakadinadinataka ni dau rogoca o Koya na noda masu. Ni oti e dua na gauna, sa tekivu me lailai na noqu tata.

Au se tata tu ga eso na gauna, ia sa dau vukei au tiko na iVakabula meu ulabaleta na bolebole oqo. Mai na Nona vakararawataki ena Were o Kecisemani, sa kila vinaka o Koya na noqu vakanananu ena ituvaki oqo.

Au sotava talega na bolebole oqo e koronivuli. Ena itekitekivu, a dredre sara baleta ni ra dredrevaki au na tamata. Ia au a vakila na loloma ni iVakabula ki na noqu bula. A vakacegui au o Koya ka vukei au.