Rokova Tu na Yagoqu

Droini mai vei Katelyn Budge

Au vuli tiko ena dua na koronivuli era dau vakaisulu vakaraitaki yago kina e vuqa na goneyalewa, gunu kofi, ka digitaka na veika e sega ni salavata kei na noqu yavunibula.

Sa vukei au tu na idusidusi Me iSakisaki ni iTabagone meu dinata tiko kina na ivakaro kei na noqu vakabauta. Me ivakaraitaki, au sa muria na Vosa ni Vuku, ni gauna era sureti au kina na noqu icaba meu gunu kofi, au vakasuka ena yalovinaka. Ni ra vakatura eso na mataqali sulu, au digitaka na isulu au lomavinaka ka rakorako kina. Au vakabauta ni sa ka bibi na bula rakorako ni ra sa valetabu na yagoda. Niu digitaka meu vakaisulu rakorako, au vakaraitaka niu sa doka na yagoqu kei na noqu vakavinavinaka kivua na Kalou.

Au tovolea meu tutaka na ivakavuvuli ni kosipeli ena noqu bula, ia niu sotava na bolebole eso, au goleva na vuli ivolanikalou ena veidusimaki kei na vakatakila. Au kila ni sa lomani keda na Tamada Vakalomalagi kei Jisu Karisito. Ena dau tuberi ka taqomaki keda na Tamada Vakalomalagi ni da vakasaqarai Koya. Ena veika lalai madaga, sa vakalougatataki keda tu o Koya e veisiga.