Vuli Tu Ni Takali Oti O Buqu

Droini mai vei Katelyn Budge

Sa dua na bolebole vei au na takali ni noqu bubu. Keirau a veivolekati sara. Au sa rarawa dina sara. Au a vakila ni inuinui au a gadreva tu sa yali.

Ni bera ni takali o koya, au a sega ni kaukauwa sara ena kosipeli i Jisu Karisito. Au a vakararavi voli ki na nodra ivakadinadina eso tale. Ia donuya na matai ni macawa ni rarawa, au a gole kina dua na kalasi ni lotu ka vakatavulica kina e dua na qasenivuli na Veisorovaki i Jisu Karisito kei na yavu ni veivakabulai ni Tamada. Au a kila kina niu na rawa ni raici noqu bubu tale. Eda rawa ni duavata tale ena bula ka tarava ena cakacaka vakalotu ni valetabu.

Oqo e vaqaqacotaka na noqu ivakadinadina. Sa tekivu meu vakanamata vakalevu kivua na noqu iVakabula o Jisu Karisito ka vulica vakalevu na Nona kosipeli. Au sa qara tu oqo na isaunitaro mai na ivolanikalou kei na Lako Mai, Mo Muri Au. Au taleitaka ni vakarorogo ki na vosa ni koniferedi, vakabibi mai vua na parofita, o Peresitedi Russell M. Nelson. Niu rogoca na vosa eso, tugana na ivolanikalou, masu ka vakasama vagumatua, ka kerea na Yalo Tabu, sa rawa ni qaqaco na noqu ivakadinadina.

Sa vukei au talega na semineri ni vulica ka segata meu vakataka na noda iVakabula, o Jisu Karisito, ena cakacakataki ni noqu vakabauta, dikevi ni ka eso ena rai duatani tawamudu, kei na qarai ni kuri ni kilaka mai na ivurevure navuci eso.

Vakararavi kivua na Tamada Vakalomalagi kei Jisu Karisito Kakua ni vakararavi ga ki na nomu kilaka, vei Rau ga. Rau sa rawa ni vukei keda ka tuberi keda ena veivakatovolei se veika dredre cavaga eda rawa ni sotava.