“Ena rawa vakacava meu wasea vakavinaka cake na ‘vua’ ni kosipeli vei ira na tani, me rawa nira kila kina na kena bibi vei au?”

“Bulataka na kosipeli ena dua na sala ka sega kina na vakatitiqa ni o duatani. Kevaka era raica eso tale na tamata ni o tovolea tiko mo bulataka na nomu vakabauta, era na loma tarotaro. Oqori na gauna uasivi me wasei kina na nomu ivakadinadina, na nomu lomana na Karisito, kei na sala e vakamarautaki iko kina na kosipeli.”

Miguel A., 17, Asturias, Spain

“E dua vei ira na vua ni kosipeli sa ikoya na reki. Wasea na reki o kunea vei Karisito ena matadredredre ga ka qaravi ira na tani me vakataki Jisu. Ni ra taroga na tamata se vakacava na nomu mua ni macawa, wasea na veika o sotava ena lotu me vukei ira me ra raica na kena bibi vei iko o Jisu Karisito.”

Eliza S., 16, Wicklow, Ireland

“Au rawa ni sureti ira na tamata ki lotu me rawa ni ra raica vakataki ira na vinaka!”

Cal L., 11, Texas, Amerika

“Au sa ciqoma e vuqa na veivakalougatataki ena Veisorovaki ni iVakabula, ka vakasinaita na noqu bula ena reki. Na iserau nei Tamada Vakalomalagi e dau vakacegui au ka solia vei au na yalodei meu wasea na reki oya. Na noqu wasea na noqu isolisoli kei na veivakalougatataki vei ira na tani ena vakaraitaka dina vei ira na kena bibi vei au na kosipeli.”

Mariata M., 16, Tuamasaga, Samoa

“Na bulataki ni kosipeli e vale ka vakakina e matanalevu sa imatai ni ikalawa me mana kina na kena wasei! Era na sega beka ni via rogoca na tamata na ka o tukuna, ia era na raica na ka o cakava, oqori e dua na ivakadinadina kaukauwa sara.”

Esteicy M., 14, Paraíba, Brazil

“Au rawa ni wasea na ‘vua‘ ni kosipeli vei ira tale eso ena noqu ivakaraitaki vinaka vei ira ka sureti ira ki na itaviqaravi.”

McLayne B., 15, California, Amerika