Dua na Yabaki Vou

Sa Janueri! Dua na yabaki vou. Dua na gauna ni itekitekivu vou.

O na rairai lalawaka tu ena yabaki vou oqo. Eso na tamata e digitaka na vosa me matataka na nodra inaki ki na yabaki tu mai. Na yabaki qo, era na vakanamata tiko na itabagone e vuravura taucoko kina tikina vataga ni ivolanikalou: Mosese 6:34, “Lako vata kei au.“ Oqo e dua na veisureti a cakava na parofita o Inoki.

Ni lako curuma tu na vanua o Inoki, sa tiko vata kei koya na Yalo ni Kalou. Sa qai vosa vua na Turaga. A vakatavulici koya ena ituvatuva ni Nona bula marau, ka na vakainaki ka vakaibalebale ki na bula. Ni sa vakamacalataka oti na Turaga na Nona ituvatuva, sa sureti Inoki o Koya: “Lako vata kei au.“

Ni ko lako curuma na yabaki vou oqo, o na rairai vakasaqara tu beka na bula marau, inaki, kei na ibalebale. O rawa ni vuli tu mai na italanoa i Inoki ka sureta na Turaga me tiki ni nomu ilakolako ena yabaki oqo.

O rawa ni digitaka mo lako vata kei Koya. Ni ko vakayacora, sa veiwaraki na veivakalougatataki.

Esa na dua na yabaki vinaka.