Kūlaaj Kāāl, Jeraam̧m̧an Kāāl
Emmakūt n̄an juon kūlaaj ekāāl ak doulul? Errein rej jet iaan men ko n̄an reimaanļo̧k n̄ane!
Kōmeļeļe ko jān Cinta Fosch
Jinoin juon iiō kāāl emakijkij an bōktok oktak ko reļļap—ekoba maron̄ kōm̧m̧ane juon kūlaaj oktak ak doulul ilo kabun̄ in! Jekdo̧o̧n kwoj emmakūt jen Būraimere, deļon̄e Doulul eo an Kōrā ak doulul eo an elder ro, ak emmakūt n̄an Doulul eo an Jiron̄ ro ak doulul eo an Priesthood eo Aron, errein me ko jilu n̄an reimaanļo̧k n̄ani.
1. Armej Kāāl
Emaron̄ kaamijak n̄an pād ilo juon kūlaaj ippen armej ro rerūttoļo̧k jān kwe, ijoke kominene jen jon̄an am̧ ļōmņak. Komij aolep rikaļooran Jisōs Kraist ro rej kajjieon̄ in ļoore E. Jānij kūlaaj ko ej juon jeraam̧m̧an n̄an ron̄jake ļōmņak ko rekāāl jān armej ro eoktak en̄jake ko aer jān kwe—im juon iien n̄an kōkāāl mōttā.
2. M̧akūtkūt Kāāl
Būrookraam̧ ko an Likao ro im Jiron̄ ro relimo! Komaron̄ in bōk wāween ko rekāāl n̄an ekkeijel ippān jodikdik ro jet, ekoba kūlaaj im makūtkūt ko an doulul im kāām ko. N̄e kwonaaj 14, komaron̄ bar bōk kweilo̧k ko an FSY, eeb ko, im jemeņere.
Āinwōt juon rūm̧m̧an ded, kwoj maron̄ pād ilo institute im makūtkūt ko kar karōki jān doulul ko an Kōrā ro, elder ro, ak rūm̧m̧an ded ro an ward ak jikin aiin doon ko.
3. Tōllo̧ke Kāāl
Ilo am̧ rūttoļo̧k, elōn̄ ļo̧k am̧ jeraam̧m̧an n̄an jerbal ilo Kabun̄ in, einwōt jerbal in peptaij n̄an ro remej, kōjeraam̧m̧an kwojkwoj eo, ak kakūrm̧ool juon kūr (ekoba juon jerbal in karejar). Kawōrtokjen jeraam̧m̧an kein n̄an eddekļo̧k ilo jetōb im bōk iien ilo wāween aer kakajoorļo̧k ekkeijel eo am̧ n̄an Jemedwōj Ilan̄, Jisōs Kraist, im armej ro kwoj jipan̄ er.
Ilo am̧ kōm̧m̧an oktak n̄an juon kūlaaj kāāl, kemeemej bwe “kom̧ otemjej juon ilo Kraist Jisōs” (Galetia 3:28). Ilo am̧ likūt en̄jake eo am̧ ilo kabun̄ in bwe E en io̧ļapļapin, Enaaj jipan̄ eok pukot lan̄lōn̄ jekdo̧o̧n ia kwoj pād ie.