“Ekōjkan aō maron̄ kwaļo̧k ijo em̧m̧an tata ippa kōn ‘leen’ eo an gospel eo ippān ro jet bwe ren maron̄ lo ewi aorōk in n̄an n̄a?”

“Mour kōn gospel eo ilo juon wāween me ejjeļo̧k pere bwe kooktak. Eļan̄n̄e armej ro jet rej loe bwe kwoj kajjion̄ mour kōn tōmak ko am̧, renaaj jino kōņaan jeļā. En̄in ej iien eo em̧m̧an n̄an kwaļo̧k naan in kam̧ool eo am̧, iakwe eo am̧ n̄an Kraist, im ewi jon̄an an gospel eo kōm̧m̧an am̧ m̧ōņōņō.”

Miguel A., 17, Asturias, Spain

“Juon iaan leen ko an gospel eo ej lan̄ļōn̄. Kwaļo̧k lan̄lōn̄ eo kwoj loe ilo Kraist kōn baj ettōn̄ dikdik im jerbal n̄an ro jet āinwōt an Jisōs naaj kar. N̄e armej rej kajjitōk ejet kar weekend eo am̧, kwaļo̧k en̄jake ko am̧ ilo m̧ōn jar eo n̄an jipan̄ er lale ewi jon̄an an aorōk Jisōs Kraist n̄an kwe.”

Eliza S., 16, Wicklow, Ireland

“Imaron̄ karuwainene armej n̄an itok im jar bwe ren maron̄ make loe em̧m̧an eo kōn er make!”

Cal L., 11, Texas, USA

“Ij bōk ekanooj elōn̄ kōjeraam̧m̧an ko kōn Pinm̧uur eo an Rilo̧mo̧o̧r, me rej koobrak mour eo aō kōn lan̄lōn̄. An Jema Ilan̄ pād ej kaenōm̧m̧an eō im ej letok n̄an eō lōke eo n̄an kwaļo̧k lan̄lōn̄ jab in. Kwaļo̧k menin letok ko aō im kōjeraam̧m̧an ko ippān ro jet em̧ool enaaj lukkuun kwaļo̧k n̄an er ewi jon̄an an aorōk gospel eo n̄an n̄a.”

Mariata M., 16, Tuamasaga, Samoa

“Mour kōn gospel eo ilo m̧weeo im lo̧bwilej ej bun̄tōn eo im̧aan tata n̄an wejepedik kwaļo̧k e! Armej remaron̄ jab kōņaan ron̄jake ta kwoj ba, bōtaab renaaj loe ta eo kwoj kōm̧m̧ane, im bwe ej juon naan in kam̧ool ekajoor.”

Esteicy M., 19, Paraíba, Brazil

“Imaron̄ ilo em̧m̧an tata kwaļo̧k ‘leen’ eo an gospel eo ippān ro jet jān erom juon waanjon̄ak em̧m̧an n̄an er im karuwaineneik er n̄an m̧akūtkūt ko.”

McLayne B., 15, California, USA