Ekkatak Ālkin Jako Eo An Jibū

Kōmeļeļein Pija ko jān Katelyn Budge

Jako eo an Jibū eaar juon apan̄ n̄an n̄a. Kōm̧ kar lukkuun epaak. Ikar lukkuun en̄jake eļap būrom̧ōj. Ikar en̄jake an kōjātdikdik eo iar aikuji kar jako.

Mokta jān an kar mej, ikar jab lukkuun kajoor ilo gospel eo an Jisōs Kraist. Ikar pedped ioon naan in kam̧ool ko an ro jet. Ak ilo wiik in būrom̧ōj eo jinoin, ikar etal n̄an juon kūlaaj in ekkatak kōn kabun̄ ijo juon rūkaki ekar katakin kōn Pinm̧uur eo an Jisōs Kraist im karōk in lo̧mo̧o̧r eo an Jemed. Ikar jeļā bwe imaron̄ in bar loe jibū bar juon alen. Kōm maron̄ in bar koba ippen doon ilo mour eo tok ālik kōn kain̄i ko an tampeļ.

Menin ekar kōkajoor naan in kam̧ool eo aō. Ikar jino in kaļapļo̧k aō mije aō Rilo̧mo̧o̧r Jisōs Kraist im ekkatak eļapļo̧k kōn gospel eo An. Kiiō ij kappukote uwaak ko jān jeje ko rekwojarjar im Itok, Ļoor Eō. Em̧m̧an ippa ron̄jake kōnono ko ilo kweilo̧k ko, eļaptata jān rikanaan eo, Būreejtōn Rusell M. Nelson. Ilo aō ron̄jake kōnono ko, pedped ioon jeje ko rekwojarjar, jar im lin̄ūri, im kajjitōk kōn Jetōb Kwojarjar, naan in kam̧ool eo aō emaron̄ in kajoor.

Jemeņere eaar bareinwōt jipan̄ n̄a ekkatak niknik n̄an erom̧ āinwōt ad Rilo̧mo̧o̧r, Jisōs Kraist, ilo aō jerbal ilo tōmak, mije men ko jān juon kejakļo̧kjeņ an indeeo, im kapukot eļapļo̧k jeļāļo̧kjen jen kein jipan̄ ko kar jittōn̄i.

Lōke Jemedwōj Ilan̄ im Jisōs Kraist. Jab pedped ioon jeļāļo̧kjen eo am make ak Ioer. Remaron̄ in jipan̄ kōj im tōl kōj ilo jabdewōt māllijon̄ ko ak en̄taan ko jej jelm̧ae.